#الحلقة_التاسعة
#عهد____الذئاب
_ تقف أمام الطاولة الرخامية تقطع حبات الطماطم الطازجة ... وليأتي من خلفها يمد يده ع إحدي القطع يتناولها متلذذا بمذاقها ...
ألتفت له وهي تضربه ع يده وصاحت فيه بمزاح :
إيدك لو إتمدت تاني هاقطعهالك
أجاب عليها يونس وبحزن مصتنع :
وأهون عليكي !!
وزمت شفتيه للأسفل كطفل صغير
قهقهت من ملامحه وتركت السكين لتمسك يده وتقبل باطن كفه :
ده أنا أفديك بروحي يا روحي أنت
حملها من خصرها ووضعها فوق الطاوله وأقترب مبتسما :
بعشقك يا كارين وبعشق كل تفاصيلك
حاوطت عنقه بزراعيها وأسندت جبهتها فوق جبهته وقالت :
طيب بمناسبة العشق ماتيجي تساعد حبيبتك عشان رجلي خلاص مبقتش حاسه بيها من كتر الوقفه ... مصعبتش عليك ؟؟
يونس :
أنا قولتلك بلاش تتعبي نفسك ونشتري من برة ومن أفخم المطاعم كمان أنتي الي عنيده وأصريتي تطبخي بنفسك
كارين :
يعني بذمتك أول مرة أعزم أهل جوزي حبيبي أروح أشتريلهم دليفري .. عايز حماتي تفتكر إن ست بيت فاشله !!
ضحك وقال :
جيجي دي أحلي وأجمل حما وأم وأنتي لما هاتشوفيها وهتقعدي معاها هتحبيها أوي
كارين وهي تمسك وجنتيه :
طبعا هاحبها دي كفاية إنها مامت روح قلبي الي بموت فيه
غمز لها بعينه وقال :
ثبتيني .. ثبتيني ... أنا كل الي هقدر أساعدك فيه السلطة هاتي حاجتها وأقطعهالك
كارين :
لاء أنا عملتها من بدري وحطتها ف التلاجة ... أنا عايزه منك بس تاخد بالك من الفراخ الي حطاها ع الشواية قلبها كويس لحد ما أخلص الي ف إيدي ... مقولتليش هيجو الساعه كام ؟
يونس :
يعني بعد ساعه وشويه
كارين :
تمام ... الحمدلله كل حاجه بقت جاهزه ... هادخل أنا أخد شاور وأظبط حالي وأنت لما تخلص الفراخ رصها ف السرفيس الي فوق الرخامه ....
كادت تذهب لتعود إليه مره أخري وقالت برجاء :
أبوس إيدك أوعي تحرقها وياريت تقفل بوءك المفجوع ده لحد مايجو
يونس :
ماشي ... ماشي لما تيجي جيجي هاقولها إنك مجوعاني
ضحكت وقالت :
هي بالتأكيد عارفه إبنها
يونس : بقي كده !!! لما يمشو هوريكي مين المفجوع
ولجت غرفتها وقالت :
كان ع عيني يالمبي .
وبعد إن مرت الساعه ... صدح رنين جرس المنزل .. ذهب يونس ليفتح الباب ...
_ هااااااع أنا جيت ... صاح بها ياسين
عانقه يونس مرحبا به :
أهلا أهلا بالمجنون
دلفت خلفه ياسمين قائله :
سلام عليكم
يونس :
وعليكم السلام أزيك يا ياسمين ؟
ياسمين :
الحمدلله بخير
دلفوا للداخل ف غرفة الإستقبال ... تأمل ياسين ديكور المنزل وقال :
أنا كنت فاكر هاجي ألاقي الحيطان حمرة ومليانه لوح من رسوماتك العبيطه . . وقد خاب ظني بس ماشاء الله ربنا يباركلك فيها ... أتفضل
أعطاه حقيبة هدايا كبيرة الحجم
أخذها يونس وقال :
يعني بتتريئ وبعدها تثبتني بالهديه ... مردودالك ياعم
قال ياسين وهو يحاوط زوجته بزراعه :
يارب تعجبكو دي ع زوء ياسمين
يونس مبتسما :
ميرسي يا ياسمين
ياسمين : العفو دي حاجه بسيطه
