ဂျစ်ကားလေးက အဖြူရောင်တိုက်ကြီး၏ ဆင်ဝင်အောက်ရပ်တန့့်သွားလေ၏။ တိုက်ထဲမှ အသက်၆၀ကျော်ခန့့်ရှိသော အဖိုးကြီးတစ်ဦးက တုတ်ကောက်နှင့် တပြုံးပြုံးထွက်လာလေ၏။
"ဟဲလို မိုင်ဆွီးတီး ဘေဘီ "
ကားထဲမှ ဆင်းလာသော ကာနာဒါဂူချီကို ပွေ့ဖက်ရင်း ဆိုလိုက်လေ၏။ကားမောင်းသည့့်နေမှာ ဦးမောင်မောင့်မြင်လဲ ဆင်းလာပြီး အလေးပြုလေ၏။
"ကျေးဇူးပဲ မြင့် ငါ့မြေးလေးကို ကြိုလာပေးလို့ "
"ဟိုက် မာစတာ "
ဦးမောင်မောင်မြင့်ကို ဂျပန်စစ်သားတွေအားလုံးက မြင့် လို့ပဲ ခေါ်ကြလေ၏။
"အဖိုးနေကောင်းတယ်နော် သန်တုန်းမြန်တုန်းပဲဗျ အဖိုးက "
"အင်း ငါ့မြေးရယ် အသက်ကြီးလာတော့ ချို့ယွင်းတာတော့ရှိတာပေါ့ ငါ့မြေးလေးရောက်လာတော့ အဖိုးပိုကျန်းမာတာပေါ့ "
"အမှန်ဆို ကျွန်မ ဒီကိုမလာချင်တာ အဖိုးသိပါတယ် မဟုတ်ဖူး ဒီအလုပ်ကို မလုပ်ချင်တာကိုလေ "
စစ်ဗိူလ်ချုပ်ကြီးဆူဇကီးသည် ကာနာဒါဂူချီ၏ ပြောစကားကြောင့် မျက်နှာညှိုးနွမ်းသွားကာ ကာနာဒါဂူချီ၏ ပခုံးကို လက်နှင့် သပ်ပေးလိုက်ရင်း
"အဖိုးသိပါတယ် မြေးရယ် ဒါပေမယ့် အဖိုးကလဲအသက်အရွယ်ရလာပြီးဆိုတော့ ကျောထောက်နောက်ခံ ကူညီဖော်ကလဲလိုနေတာတကြောင်း အိုလာတဲ့အဖိုးကို မလေး စားတဲ့တပ်သားတွေရှိတာတကြောင်းမို့ မြေးကို လှမ်းခေါ်လိုက်ရတာပါ "
ကာနာဒါဂူချီ သက်ပြင်းချလိုက်ရင်း ဧည့်ခန်းထဲက ဆက်တီပေါ်ထိုင်ချလိုက်လေ၏။
"ဖိုးမောင်ရေ မြေးလေးအတွက် သံပုရာရည် ယူခဲ့ပါအုံး "
"ဟုတ်ကဲ့ သခင်ကြီး "
ဗိုလ်ချုပ်ကြီးဆူဇကီးက သူ့မြေးအရှေ့တွင် ဝင်ထိုင်လိုက်ကာ ပြုံးလျက်ကြည့်လိုက်ပြီး
"မြေးလေး ဂူချီ မြန်မာပြည်ကို ဘယ်လိုမြင်လဲ "
"အင်း ... မြန်မာပြည်က လှတယ် သာယာတယ် ပြီးတော့ မြန်မာမလေးကလဲ ချစ်ဖို့ကောင်းတယ် "
ပြုံးပြီးပြောလာသော ဂူချီ၏ မျက်နှာကို ဗိုလ်ချုပ်ကြီးက အကဲခတ်ပြီး ပြုံးလိုပ်လေ၏။
YOU ARE READING
အသက်ထက်ပို၍ မြတ်နိုးခဲ့သည်...{Z/U} Completed
Romanceလွန်ခဲ့သော ၁၉၄၁ခုနှစ်ပတ်လည်မှာ ဂျပန်စစ်ဗိုလ်အရာရှိမလေးက မြန်မာမလေးကိုချစ်မိခဲ့တယ်။ "ဝါလေးကမောင့်ကို မုန်းတယ်ဆိုတာသိပေမယ့် မောင်ကတော့ ဝါလေးကို အသက်ထက်တောင်ချစ်နေမိတော့တာပဲ" တူညီမှု့တွေရှိခဲ့ပါလျှင် crd ပေးပါသည်။ လှနျခဲ့သော ၁၉၄၁ခုနှဈပတျလညျမှာ ဂပြနျစဈဗ...
