كرونيك هل_انا_من_املاك_الزعيم (باللهجة تونسية)

بارت 1

فاقت على أشعة الشمس إلى تضرب في وجها تبسمت تبسيما صغير تكسلت وبقت لمدة دقائق تشوف للسقف وبعدين بعدت لغطاء وقامت غسلت وجها و لبست خلعة بيضة وسروال سبور وصباط في الأبيض وعملت شعر كعكتن 

(كيف التصويرة) جات تفتق

هزت أدوات الرسم هبطت وهي هابط من على الدروج تشم في ريحة ماكلة أمها إلى خلتها تهبط بزرب-صباح الخير يا احلى أم في الحومة أمها ماحستش بوجودها كانت سارح لين قربتلها وحضنتها اما تفجعت-اا سامحني امي مقصتش -لا لا عادي وقتاًش هبطت من بيتك -امي لباس ليك مد وانتي تخمم لباس شنو مقلقك -هه شنو باش يقلقني هه محلاها بنتي ليوم وين ماشية -هه يعيشك باش نخرج أنا ورانيا للحديقة العامة بعيد شوي تعرف وأنا متعديا صدفة شفت مشهد يستحق اني نرسمو -هه باهي أفطر تو حطت أمها لماكلة على الطاولة وبدو ياكلو لين دق الباب عرفتها رانية-أيا امي باي تو-رد بالك على روحك تمشيش تنسى روحك وانتي ترسم -هه باهي ماتخافش ستوب خليني نعتيكم لمحة على حياة بطلتنا ميرال.ميرال بنية عايشة في أمريكية من أم تونسية وبابْ أمريكي برغم إنها حلت عينها في أمريكية أما تعرف تتكلم بالتونسي بالقد ماتعرفش شكل بابها معندهاش حتى تصويرة ليه ، مات قبل ماتتولد هذا إلى فهمتهولها أمها معندهاش برشا صحاب عندها وحدة بركا إسمها رانية ديما تقول إنها محظوظ بصحبتها معاها كانت ديما تحب تقابل توانسة.ميرال بنية حدها حد روحها لا تعمل مشاكل ولا شيء قلبها أبيض وطيبة برشا وخلينا نقولو فيسع ماتخاف، هويتها الرسمأما زينها يهبل شعرها طويل أصفر من ربي و بيضة وجها صغير عينها كبير ولونهم كيف لبحر. قصير و ضعيفة(موش ضعيفة للعظام تبان عادي الضعف السمح ) لحاصل هزت لحاجات اسمح إلى في أمها وبابها كيف تشوفها من بعيد تقولو باربي موش إنسانة عادية.-أوف ميرال لتو ماكش باش تنسى وتعيش في الواقع جوبتها وهي ترسم في المنظر إلى قدامها وابتسامة صغيرة على وجها .-هه علاش انا وين نعيش في الخيال -أي بالضبط في الخيال بتفكيرك هذا تكون تعيش في الخيال تو إنتي مصدق إنك تنجم تلقاء راجل بالمواصفات هذه -يمكن صعيب شوي المواصفات هذه خاصتن في وقتنا هذا أما موش...-مستحيل.. ابتسام مستحيل تنجم تلقاه كملت تكلمت بعد ماشافت ملامح ميرال الواثقةتعرف لا أنا باش نجم نقنعك ولا إنتي تنجم تقنعني لذلك كمل رسمتك وخلينا نمشو -هه باهي -ااا قلي ياخي في الجامعة باش تبقى في المبيت ولا تروح لداركم-مازلت منعرفش امي ماقتلي شي أما نظن انو نروح لدار برغم اني فيها شوي تعب اما عادي وانتي -أنا اكيد فى المبيت انتي داركم تتسما أقرب مني برشا ترن ترن (تلفون رانية) هزت التلفون تكلمت وبعدين سكرت-ميرال انا لازم نمشي امي كلمتني باش نمشيلها -لاباس ماهو -أي لاباس ماتخافش أي بأي باستها من خدها وهزت ساكها ومشت، رجعت ميرال عينها للوحة إلى قدامها بعد ماشيعت رانية بعينها وعدت نهار كامل وهي ترسم لين غابت الشمس.-اه شوف قداش الوقت... معادش بكري لمت أدوات الرسم وهزت اللوحة وهزت ساكها وبدأت تمشي وقفت قدام لكياس تستنا في تاكسى بقت جي واقف درجين-يضهرلي مانيش باش نلقى تاكسيات تو.