كرونيك هل_انا_من_املاك_الزعيم (باللهجة تونسية)

جزء 37

لبست دبشها وتكت على السرير وتبكي من الوجيعه جاء صقر في الليل شافها متركيا ودموعها على خدها مشالها يجري-ميرال شبيك لاباس؟دارت لجيها لخر وطفاته حاول يشد روحه لازمه يسايسها-صغرونتي دورلي متخلينيش مشغوب عليك دارتله وتكلمت بصوت طفولي عالخر-توجع فيا لبلاصه متع لوشم باسها من جبينها-ماتخافش موش باش تبقا برشا الوجيعه خرج بوماد من لقجر وعملهولها على البلاصه تكا على السرير وحطها في حضنه ويلعبلها على شعرها ميرال بعد أسبوع :واقفه ميرال قدام دارهم دخلت ورجليها ترعش موش منجم تدخل حلت الباب ودخلت لقت بقعه متع دم أمها تذكرت الحاله إلى لقتها فاها طلعت لبيت أمها بدت دور في البيت الكل قعدت على السرير وحلت لقجر لقت فيه كتاب اما منجمتش تحله بالمفتاح ستغربت شوي لين تذكرت المفتاح إلى في رقبتها هزاته وحلت بيه بدت تقرأ عرفت انها مذكرات أمها بدت تقرا من لول عرفت انها عاشت طفوله قاسيه من جرت أمها وعرفت إنها تبعت مراء تعرفت علاها سفرتها لأمريكا أما مكنتش في بالها إنها باش تهزها لطريق المافيا أمها كانت على نيتها برشا وطيبة طمعو فاها برشا حاولت تحافظ على روحا وشرفها اما قدرته مكنتش قد لبلاصه إلى طاحت فاها تعرفت على راجل وحباته ووثقت فيه اما كان يستغل فاها مكانش يحبها هو زاد يخدم في المافيا ومرتبتو عاليه زاد قالت انو احلا نهار في حياتها وقت عرفت انها حبله هربت من البلاصه إلى هي فاها وهزت معاها شوي فلوس تمرمدت يمين ويسار لين جت ميرال إلى هي فرحتها خدمت علاها اما بالحلال جاء النهار إلى كانت خايف منه جاها الراجل إلى حباته وطلب منها باش تجيبله معلومات والا يدمرلها حياتها ويقول على حقيقتها لميرال استحملت على باش ماتتمسخش صورتها قدام بنتها إلى عرضت روح للخطر وعدت عمرها الكل هاربه باش تعيش بنتها في بيئة نضيفه.هزت رأسها من الصدمة وقت قرت إسم الراجل إلى حباته أمها وإلى يكون باباها.-عم صقر يكون بابا ماكنتش من العاكسين شدت فيه أكثر