كرونيك هل_انا_من_املاك_الزعيم (باللهجة تونسية)

جزء 32

-اه ياربي كنت باش نموت من الخوف. دارت لصقر كي لقاته مجاوبهاش. لقته مغمض عينيه ويتوجع قامت من فوقه-صقر لاباس لاباس حل عينيه بتعب كان حاب يطمنها مكانش حابب يحسسها انو موجوع-لاب..... اس لاباسكانت باش تتقعد من فوقو من غير قصدها ركزت على رجله عيط من الوجيعه بعدت سروال وشهقت شهق واحده من إلى شافته-صقر لدغاتك لافعي-ماتخافش لاباس اما لازم ترجع للبلاصه إلى كنا فاها وتجيب لغطاء إلى فرشته لازم نكبس رجلي باش ماينتشرش السم-باهي... ب.. باهي قبل ماتقوم وتمشي شدلها ايدها-ميرال... اوعدني ماتهربش بربي-باهي نوعدك نرجع مشت تجري ماحبستش جابت إلى قالها عليه ورجعت تجري كبستله رجله-صقر شنو نعملو تو؟ -ماتخافش ومتتوترش -صقر هيا قوم لازم نرجعو للفيلا قبل ماتضلام الدنيا ومتسوؤش حالتك عاوناته باش يقوم واستعمد علاها وبدو يمشو-رجعتلي -بطبيعه باش نرجع -ميرال رد بالك تخلينيبدت الدنيا تظلام وصقر كل وين يزيد يرزان على ميرال بدأ يفقد في وعيه بشوي بشوي.وصلو تحت شجره وتكا علاها - صقر تحمل شوي قريب نوصلو هيا والدنيا بدت تظلام نجمو نضيعو من غير ماجاوبها جبدها من ايدها وحطلها رأسها على صدره-اششش كل شي باش يكون لاباس غمض عينك وعد للعشره وعاود حلهاعملت ميرال كيف ماقلها-1-2-3-4-5-6-7-8-9-10حلت عيناها ويلا جمال المنظر كيف الخيال منظر منحموش حتا نتخيلوه-محلاه -هذا إلى جبتك عالجالو ميرال نست كل شي بجمال المنظر زادت تعنكشت فصقر وبقت تتفرح فيه وكل شوي تقلو حاجة، وهو يجاوبها. بدت عينيه بشوي بشوي تتغمض ويشوف في كل شي ضباب ميرال كانت تتكلم وكي ماجاوبهاش هزت رأسها من صدره وتكلمت بشوي-صقر... ص. قر-......-لا لا صقر تحمل شوي متخلينيش بدت تحوك فيه بشوي لين بعدين بدت تحرك فيه بالقوى-لا لا صقر قوم متمشيش وتخليني نوعدك معادش نخليك ونهرب امااان بربي ولا تمشي وتخليني كلهم مشو متمشيش إنت زاد جمعت روحها شوي ومشت تجري للفيلا ماكانش الطريق طويل لقت حراس قدام الباب بدت تعيط عليهم وتبكي باش يمشو معاها هما مكنوش فاهمين شي اما كي سمعو اسم صقر واحد فيهم طلب الرئيس متعهم جاء يجري خلا حراس على الباب وهو وأربع رجال مشو مع ميرال.......................................................حل عينيه لقاء روحه على الفراش بجنبه كُلِبْ وطبيب الخاص بيه،حاول يقوم أما بصعوبه-شنو صار؟ -لدغاتك أفعى بقيت نهارين وانتي في الفرش والحمدلله قمت لاباس اما لازماتك لهوا بطبيعه مازال بدنك تاعب -نهاريين!!! ميرال... ميرال وينكُلِبْ دور وجهه لجيهه لخري برغم انو في الفراش بسببها إلا انو مازال يسأل علاها، كي ماجاوبه حد تكلم وهو يغلي من الغش.-قلت ميرال وين تكلم الطبيب من خوفه-متخافش زعيم لاباس كانت هي إلى متلاهيا بيك في النهريين إلى فاتو. وإلى قص على كلام الطبيب والحاجة إلى تمنها صقر وإلى كان باش يطلبها ، دق باب البيت وتحل بعد ثواني ودخلت اميرته الصغيره إلى ينجم على خاترها يسلم في حياته وميسلمش فاهالابسا روبا بيضاء طويله تمشي مع البدن من فوق وين تهبط تتحل ومسيب شعرها كانت كيف لملايكه وبالأخص في نظر صقر كمل الطبيب-زعيم بمساعدة انسه ميرال ولهوتها بيك الحمدلله رجعت لاباس كل التعليمات إلى قلتلها علاها وقت الماكله والدواء كانت هي متلهيا بيهم توترت من كلامه ولت ترعش وبالأخص وهي تشوف في نظرات صقر.خرج كُلِبْ و الطبيب حطت الصينيه قدامه، وهو لاحب يهز عينه من علاها حبت.-كيفاش تحس في روحك تو؟ -عمري ماكنت احسن من الحاله هاذي في عمري لكل شنو نحب أكثر من انك تكوني جانبي -كول فطورك قبل مايبرد -ههه صغرونتي الحشامه... قالولي انك إنتي إلى متلاهيا بماكلتي نحبك توكلني انتي -أما.... أما إنت وليت الحمدلله لاباس -لا ماسمعتش إنت الطبيب قبل ماتدخل قالي لازماتك الراحة مازال بدني تاعب -ب.. باهي قعدت على طرف الفرش وبدت توكل فيه وهو سارح فاها....