كرونيك هل_انا_من_املاك_الزعيم (باللهجة تونسية)

جزء 7

هزت عينها تجاهه على أساس باش ترد عليه أما أول ماشافت زينو بالأخص عينه إلى ذوبتهاكان لابس (كيف التصويرة)قالت مابينها ومابين روحها-اه قداشو محلاه.. منين جبت الزين هذا الكلحركت رأسها وكأنها تبعد في الأفكار إلى تفكر فيها وهي حاشمة من روحها وبالأخص انو عمرها ماتضربت ولا قالت على طفل انو مزيان. بعدت عليهوجاوباتو-سامحني موش بقصدي وهبطت تلم في كتبها إلى طاحو حتى حست بيه هبط على ركبة ونص يعاون فيها توترت من نظراته ليها-شبيه يشوفلي؟؟!خطفت كتبها من ايده ومشت ماقلتلوش حتى مرسى.كان باش يمشي وراها كيف العادة أما قص عليه صوت التليفون.-زعيم صاحب العملة لقيناه هانا نستنو فيك في بلاصة العاد -باهي هاني. ماكانش حاب يمشي ويخليها خاصتن انو عمل خطوة تجاها. بعد الليلة إلى ساعداته وهو يخمم فيها أول ماتلم الجرح متاعه لوج عليها وأول ما لقاها كان كيف لخيال معاها لدرجة انو عرف روتين حياتها شنو تمشي تقرأ بعدين تمشي للمطعم وبعد تروح للمبيت في وقت متأخر شوي كان يشوف فيها كي تبدأ مروح تتلفت وراها برشا وقتها فهم صقر انو هي حست بانو فما شكون يتبع فيها شرالها تالفون بما انو هو إلى كسرو ومكانش صعيب عليه برشا انو يدخل لبيتها إلى في المبيت ويحطها فوق فرشها.هز الموتو متاعه (كيف التصويرة) وطار لوين قله كُلِبْ.أول ماوصل دخل للبيت إلى حطينه فيها الراجل كان المنظر مقزز دم في كل بلاصة.. أما صقر ماعدلش وكأنه موش يشوف ومن غير مايتعب على خاتر لقاء الرجال متاعه خدمين خدمتهم اذاك علاش أول ماساله جاوب-شكونك؟ علاش تلوج عليا؟-ااا.. أنا رئيس مافيا ***(ملاحظة المافيا متع الراجل مازالت صغيرة وموش معروف كيف عصابة صقر) إنت حبيت طلع المافيا متاعك على حسابي..قص عليه وقت تكلم وهز سلاحه
وعطاه كرتوش بين عينيه-غالط عمري مانطلع على حساب حد. عطاه الكرتوشا بين عينيه رجع السلاح متاعه وخرج منديلا يمسح بيها شوي الدم إلى تنطر على صباطه وبعدين هز روحه وخرج.في الوقت هذاك ميرال كملت قرايتها و مشاة للمطعم كملت خدمتها بطبيعة في وقت متأخر شوي سكرت المطعم وبدأت تمشي بدأ الخوف يركبها وهي تحس في شكون وراها مسكينة لا نجمت تحبس ولا نجمت تتلفت وراها بقت تمشي لقدام زاد كمل علاها القطوس إلى تنطر قدامها عيطت و دخلت تجري في شارع آخر غير الطريق إلى كانت تمشي فيه حبست بعد ماستوعبت الموقف وبدت تضحك وتضرب في روحها بشوي على رأسها دارت باش ترجع منين جات حتى تفسخت البسمة إلى كانت على فمها وقت شافت....