كرونيك هل_انا_من_املاك_الزعيم (باللهجة تونسية)

جزء8

دارت باش ترجع منين جات حتى تفسخت البسمة إلى كانت على فمها وقت شافت زوز رجال باين فيهم شربين ماتت من الخوف بدت ترجع بشوي لتالي شافت شنو وراها لقت روحها ماعندها وين تهرب بدو يقدمولها بشوي وهما موش منجمين يشدو التوازن متعهم
-قطوسة.. ههه شنو تعمل هنا هيا تجي معانا نوروك الطريق منين
-ابعدو عليا.. محشتيش.. ابعدو عليا
-هه علاش هاك حبين نجوك بالسياس تحب القوى
مسكينة ماتت من الخوف وجها مشاء ألوان كانت متأكد إذا مافماش شكون باش ينقذها تو ممكن تصير حجا.. لين سمعت صوت
-ياخي متسمعوش الطفلة محشتهاش باش تعاونوها معنتها امشو على رواحكم
-هه ومنين جاء هذا زاد
جاء باش يقدم واحد من الرجال على أساس باش يضربه ياخي جبده لآخر وشوشله في وذنه
-ياخي حاب تموت مانش منجمين نوقفو على رجلينا لذالك خلينا نمشو ومانفسدوش للتنا
هزو رواحهم ومشو مانحكوش على ميرال مسكينة قلبها شوي ويسكت من الفجعة قدملها الراجل إلى عاونها شافتله وقت قدم لناحيتها وفما ضو نجمت تشوفه كان مزيان يقتل بزين أما ميرال معدلتش (ههه بطبيعة موش ازين من بطلنا)
-يعيشك.. مانعرفش شنو كان صار فيا كان ماعاونتنيش
-ميرال.. إسمك ميرال؟
-ااا.. أي.. تعرفني؟ -ياخي متفكرتنيش يومين لتالي كان تتفكر وقفت تاليا تسلم على صحابها وانتي كنت معاها -ااا.. سمحني ماكنتش مركزا وقتها -شنو تعمل في بلاصة كيف هاذي وفي الوقت هذا؟ -كنت نخدم..... و.... وو.. تنطر قطوس فجعني -هههههه صار إنتي خوفا-الله غالب.. أما لازم نمشي تو -تنوصلك أنا... يعني بلاكش يعاودو تعرضولك لكلاب هذوكم -ممم... باهي بقو يمشو لين وصلو قدام المبيت متع الجامعة وهما سكتين قلها بوني وبقاء يشوفلها لين طلعت و بقاء يتذكر أول مرة شافها
نهارين لتالي كان فادد من كول شي نفس كل شيء قاعد يتعاود كل يوم و في مرة مشاء للجامعة واقف مع صحابه جاة طفلة صحاب هو وياها أما موش برشا معطاهاش أهمية أما أول ماشاف ميرال حايا وراها وهو دايخ في زينها مسكين منجمش يناحي عينه من علاها أما هيا باينة انو مالحظاتوش من اصلو وهو ولا كل يوم ولا يجي لجامعة بركا باش يشوفها.هي طلعت وجاء باش يدور يمشي ويشوف قدامه راجل يعرفه إسمه "صقر" جاء باش يتكلم ياخي قاطعه-ميرال ليا من غير مادور بيها -هه زعيم هنا شنو تعمل مانظنش انو لبلاصة هذه تخصك-لا تبعتني.. ميرال ملكي انا . -ههه بربي.. وزعما فيبالها انك زعيم مافيا ولا زاد من أكبر المافيات. -وعلاه إنت نسيت روحك إنت زاد من المافيا-أنا بعيد خويا هو زعيم المافيا ونجم في كل وقت نبعد على كل شيء على خاتر ميرا...ماخلاشو يكمل كلامه عطاه بونية باش يسكته باها على خاتر عارفه شنو باش يقول البونية هذيكا كانت كافيا باش طيحه شده من مريوله وهبط شوي باش وجهه يقابل وجهه،-ميرال من ممتلكات الزعيم رد بالك تحاول تقربلها. رفنه على الأرض وهز روحه وتعدا
وصل لدار حل لباب خلعه موش حله حاس انو دم طلعله بعد ماكلمه كُلِبْ ومشاء عطاء لراجل حسابه بعدها عمل حاجات خرين مافاق بروحه كان الوقت موخر كان حاب يشوفه توحشها لذالك هز روحه ومشاء وقف قدام مبنى المبيت يستنا فاها أول ماوصل وشافها واقفا مع راجل وإلى هو خو رئيس المافيا إلى تجي في المرتبة الثانية بعد المافيا متاعه. كان حاب يشده يعطيه طريحا يقتله باها.نحا المريول متاعه حاس روحه باش يشعل من الغيرة دخل للكوجينة وهز دبوز ماء وقعد على كرسي يخزر للفراغ ويفكريفكر في الكلام الي قالو يوسف ميرال موش كيف أي طفلة عرفها قبل ميرال طفلة عاقلة حدها حد روحها مستحيل انو تتقبل الواقع متاعه لبس مريول وخرج.كانو قاعدين كُلِبْ يتفرج على التلفزة مع مهدي في ماتش (مهدي هو ولد عم صقر)، أحمد شاد البيسي كيف العادة و ياسين بتاليفون يركح في طفلة. قاعدين في فيلا خاصة بيهم أو خليني نقول عليها المقر الخاص برجال لكبار للمافيا متع صقر مجهز من كل شي إلى يخطر على البال موجود غادي...دز الباب ودخل غزر لكُلِبْ-تعال لصال دو سبور. قال كلمته ومشاء كُلِبْ لحقه طول ماكانش مستغرب كان يعرف طبيعية صاحبه كل مايغضب يحب يلعب طرح بوكس.وقت مشو صقر و كُلِبْ غزر أحمد - الزعيم باين فيه متغشش برشا لمرة هذه -ممم... ممم.... -زعما لحكاية فاها طفلة؟! غزروله ياسين ومهدي وطرشقو بالضحك و أحمد مستغرب بقاء يسترجع شنو قاله يضحك،تكلم ياسين وهو يحاول باش مايضحكش أكثر-ههه أحمد ياخي ماكش عايش معانا الزعيم في عالم والبنات في عالم آخر   

هذا اطول بارت ههه

هيا تفاعلووو