كرونيك هل_انا_من_املاك_الزعيم (باللهجة تونسية)

جزء 31

حط رأسه على رجلاها كانت باش تبعده اما منجمتش-ميرال باش نغفا شوي على رجلك خليني. -بربي مالقيت وين تغفا ماجوبهاش وغمض عينيه. ميرال كانت تبعد في عيناها باش متغصرلاشي أما شكون ينجم يقاوم جاذبية صقر شافته وهاذي اول مرة تشوفله بالقرب هاذا لاحظة الجرح الصغير إلى كان بسببها.الجرح منقصش حتا شوي من زينه وجاذبية بالعكس زاداته رجولة وجاذبية على قبل.هزت ايدها من غير ماتشعر وعدتها على الجرح. تهزر وتحطت وقت شافت عينيه تحلت بعدت ايدها وشافت لجهة أخرى.-عاجبك لدرجة هاذي كي رقدت ستغليتي الفرصة نخاف على روحي معنتها من اليوم هه -بربي أولا متعجبنيش ثانيا قوم من على رجلي رقدتهالي وقف ومشاء قدم شوي من البحيرة.لقتها ميرال أكثر فرصة تنجم تستغلها خلاته يتكلم وبدت ترجع بالتوالي قلبها كان في 100 ومن غير متنتبه عفست على غصن عمل حس صقر طول دار بدت تجري وصقر وراها ومن سوء حظها وصلت لبلاصه مسكرا كانت باش ترجع أما وقتها فات الفوت لقت صقر وصللها.إلى خلاها تجن انها هي تقطع عليها النفس ولت تجبد في الهواء بالسيف أما صقر فكان صدره دون مايطلع و يهبط صدره تكلمت بشوي بينها وبين روحها وقت شافت ملامح صقر إلى ماتبشرش بالخير-ياربي...بدأ يقدملها بشوي وهي ترجع لتالي-علاش... علاااش ديما كي نبدأ معاك نحب نكون إنسان طبيعي يحس ويعيش كيف الناس الكل نحاول كي نبدأ قريب منك نكون انسان صالح اما انتي تحبي تبعديني عليك تحبيني نقلب ونولي إنسان مايعرفش الرحما-.... -علاش ساكتا تكلمي علاش متحبيش تعطيني فرصه شكون إلى مخذلك عقلك اه شكون يعقوب -لا يعقوب انا نحسبو كيف خويا -هاي شنو السبب إلى يخليك تبعد ومتعطنيش فرصه -على خاترني نحبك أي حبيت الإنسان إلى دمرلي حياتي قتلى امي صقر معرفش شنو يعمل يفرح على خاتر تحبو ولا يتغشش على خاتر تحسابو هو إلى قتللها أمهاوفي لحظه حبس صقر على التفكير وتحلت عينيه على وسعهم.-ميرال متتفجعش رد بالك تتحركلحظت ميرال ملامحه الخايفه ومفهمتش شبيه يقلها متتحركش خافت ثبتت مع عينيه وين تشوف لقات أفعى قريبا منها طول عيناها رغرغت وبدت تبكي-صقر أمان... متخليهاش تقربلي-باهي باهي لمهم انتي متتحركش متخفش هاني معاككي حس إنو ميرال باش تتحرك تمشي تجري طول مشاء هزها بعدها والافعي تنطرت على رجل صقر كانت حجر قريبا من صقر هزها وضربها باها جابها مقسومه نصين. ميرال كانت متكيا عليه موش عارف شنو صار هزت رأسها إلى كان مغروس في صدرو شافت الأفعى ميتا طمنت-اه ياربي كنت باش نموت من الخوف.دارت لصقر كي لقاته مجاوبهاش......