Unicode 🌻🌻🌻
ဒီနေ့တော့ ညနေကျောင်းဆင်းဆင်းချင်း မမဆီ လီလီမသွားဖြစ်ခဲ့ ... အကြောင်းကတော့ ချယ်ယောင်းပြောတဲ့ သူ့ညီမကို စာသင်ပေးရမှာကြောင့် .. နှစ်ယောက်လုံးကျောင်းတတ်ရတဲ့သူမို့ ကျောင်းဆင်းချိန်သာ သင်ဖို့ ဆုံးဖြတ်ခဲ့သည်။
" ဘာကိစ္စပါလဲ မိန်းကလေး "
" စာသင်ပေးဖို့အတွက် ခေါ်ထားလို့ပါ "
" ဪ ... ဟုတ်ကဲ့ စိတ်မရှိပါနဲ့ အခုမှမြင်ဖူးတာဆိုတော့ .. မမလေးကအထဲမှာရှိပါတယ် အဒေါ်ကြီးနောက်က လိုက်ခဲ့ပေးပါ "
" ဟုတ်ကဲ့ "
လီဆာအဒေါ်ကြီးနောက်က လိုက်သွားသည်။ ပထမဆုံးရောက်ဖူးတဲ့ ဒီအိမ်ကြီးက နန်းတော်ကြီးတစ်ခုလို အသုံးအဆောင်အပြင်အဆင်တွေနဲ့ ... အခန်းတွေဆိုတာလည်း မရေမတွက်နိုင်အောင် များပြားသေးသည်။ လီဆာအတွက်တော့ ဒါတွေကအရေးမပါလှ သိပ်လည်းစိတ်မဝင်စား စာသင်ပေးရမယ့် ကိစ္စကိုသာ ခေါင်းထဲထည့်ထားသည်။ မမကို တစ်ဖက်တစ်လမ်းက ကူညီချင်တာကြောင့်ပေါ့ ...
" အထဲဝင်သွားလိုက်ပါ ... မမလေး စောင့်နေပါတယ် ... "
" ဟုတ်ကဲ့ "
အဒေါ်ကြီးလှည့်ထွက်သွားတော့ အခန်းတံခါးခေါက်လိုက်မိသည်။ ယဉ်ကျေးမှုအရပေါ့။ အထဲက ' ဝင်ခဲ့ပါ ' လို့ပြောတော့ အခန်းတံခါးကိုဖွင့်ကာအထဲဝင်လီဆာအထဲဝင်သွားသည်။
အခန်းတံခါးကိုနောက်ခိုင်းရင်း စာကြည့်စားပွဲမှာ ထိုင်နေတဲ့ ကောင်မလေးတစ်ယောက်က လီဆာဘက်ကို လှည့်လာရင်း ရယ်ပြလာသည်။ လီဆာကတော့ ပြန်ရယ်ပြခြင်းမရှိခဲ့ ...
ကောင်မလေးဆီက အကြည့်လွှဲရင်း စားပွဲပေါ်ကြည့်မိတော့ လီဆာအကြိုက် နေကြာပန်းလေးတစ်ပွင့်ထိုးထားတဲ့ ပန်းအိုးလေးကနေရာယူလျက် ...
လွတ်နေတဲ့ ခုံမှာထိုင်လိုက်ရင်း နေကြာပန်းလေးဆီက အကြည့်မလွှဲခဲ့ ... သိပ်ပြီးလှပလန်းဆန်းနေတဲ့ နေကြာပန်းလေး ... လီဆာကိုလည်းပြုံးရယ်မိစေတဲ့အထိ လှနေတာ
" စီနီယာက နေကြာကြိုက်တယ်မလား "
" အွန်း ... မင်းကဘယ်လိုသိလဲ .. ပြီးတော့ မင်းကိုမြင်ဖူးနေသလိုပဲ "
YOU ARE READING
I found You
Romanceလီလီကလေ ပျောက်ဆုံးနေတဲ့ ဘယ်အရာကိုမှ အချိန်ပေးပြီး လိုက်ရှာရတာကို မနှစ်သက်ဘူးဆိုတာ မမသိပါတယ် ... မမရှောင်ပုန်းနေရင်တောင် လီလီမရှာဘူး ... ရှာစရာလည်းမလိုဘူးလေ မမရှိတဲ့နေရာကို လီလီနှလုံးသားလေးက အမြဲအရောက်ပို့ပေးနေတာမို့ လီလီကေလ ေပ်ာက္ဆုံးေနတဲ့ ဘယ္အရာကို...