Unicode 🌻🌻
" ဟုတ်ကဲ့ပါ ... စီနီယာဆန္ဒကိုသာ ကျမကိုပြောပါ "
" မင်းဆေးကုသမှုခံယူဖို့ပဲ ယူယောင်း "
သိနေတာလား ... မဟုတ်မှသိနေတာလား ..ယူယောင်းရဲ့ ရောဂါအကြောင်း ယူယောင်းရဲ့အားနည်းချက်အကြောင်းကို ...
" စီနီယာဘယ်လိုလုပ် ... "
" မင်းအဖေ ဖုန်းဆက်ပြီးအကူအညီတောင်းထားတာ ... ကူပြောပေးဖို့ကို "
သားသမီးအကြောင်းကို သိပ်သိတဲ့ အဖေပဲ ... ကိုယ်တိုင်ပြောတာ လုံးဝပြောမရတာကြောင့် ယူယောင်းနေမင်းကြီးကိုပြောခိုင်းတာ ...
" အစာအိမ်ကင်ဆာပဲဟာ ... ပြီးတော့ ခွဲစိတ်လိုက်ရင်ကောင်းသွားမှာ .. ဘာလို့ပေကပ်ပြီးနေနေတာလဲ ယူယောင်း "
ညင်သာပြောလာတဲ့ လီဆာရဲ့ စကားသံတွေ အိပ်မက်များလားတောင်ထင်ရတဲ့ အခိုက်အတန့်ပဲ .. ရင်ဘက်ထဲက နှလုံးသားလေး သိပ်ကိုခုန်နေတာ လီဆာကတော့ သတိထားမိပုံမပေါ်ဘူး ...
" ဓါး ... ဓါး ကြောက်လို့ ... အဲဒါကြောင့် "
" တစ်ဘဝလုံးစာအတွက် တစ်ခဏလေးတောင် မရင်းချင်ဘူးလားယူယောင်း ... သေချာစဉ်းစားပါ ... ငါ့ဆန္ဒကတော့ အဲဒါပဲ ... အခုတော့ပြန်တော့မယ် ... "
ဒီလိုချိုသာတဲ့ စကားသံတွေကြားနေရတဲ့အခိုက်အတန့် အိပ်မက်သာဆို မနိုးထချင်တော့ဘူး ... အိပ်မက်မဟုတ်တော့လည်း အချိန်တွေကိုရပ်ထားချင်မိတယ် ...
ထွက်သွားတဲ့ လီဆာကိုလိုက်ငေးမကြည့်နိုင်တော့ဘူး ချိုသာစွာပြောလာတဲ့ စကားသံတွေမှာ ယူယောင်း နစ်မြောသွားပြီ ... နေရာမှာတင်ကျောက်ရုပ်တစ်ရုပ်လိုရပ်နေမိသည်။ ဝုန်းဒိုင်းကြဲနေတဲ့ ရင်ခုန်သံတွေက သိပ်ကိုထိန်းချုပ်ရခက်တာပဲ ...
ဒီနေ့လေးကတော့ ယူယောင်းအတွက် အပျော်ရွှင်ရဆုံးဆိုတာကို ခံစားမိတဲ့နေပဲ သေတဲ့နေအထိမေ့နိုင်မယ်မထင်ဘူး ...
***
" ဟူးးး ... မောလိုက်တာ ပြောစရာရှိတယ်ဆို ဘာပြောမလို့လဲဟင် မ ... "
ကျောင်းနဲ့ အလုပ်ကိစ္စတွေနဲ့ မအားလပ်ပေမယ့်လို့ ချစ်ရတဲ့ ဂျီဆူးအတွက်တော့ ချယ်ယောင်း အမြဲအချိန်ပေးဖြစ်တယ် ... အခုလည်း စက်ရုံမှာ လုပ်ငန်းတွေလေ့လာနေတုန်း .. ပြောစရာရှိတယ် ချိန်းတဲ့ကော်ဖီဆိုင်ကိုလာခဲ့ဆိုတဲ့ စကားနဲ့တင် အပြေးလေးရောက်လာခဲ့တာ ...
YOU ARE READING
I found You
Romanceလီလီကလေ ပျောက်ဆုံးနေတဲ့ ဘယ်အရာကိုမှ အချိန်ပေးပြီး လိုက်ရှာရတာကို မနှစ်သက်ဘူးဆိုတာ မမသိပါတယ် ... မမရှောင်ပုန်းနေရင်တောင် လီလီမရှာဘူး ... ရှာစရာလည်းမလိုဘူးလေ မမရှိတဲ့နေရာကို လီလီနှလုံးသားလေးက အမြဲအရောက်ပို့ပေးနေတာမို့ လီလီကေလ ေပ်ာက္ဆုံးေနတဲ့ ဘယ္အရာကို...
