ချစ်လူမိုက်နဲ့တစ်ထောင့်တစ်ည { Mafia turns into baby}

Part-30 {unicode }

Part-30  { The End }

⚔️

Private လေယာဥ်ဆင်းတာနဲ့ နုနုမျက်မှန်အောက်ကနေသာယာတဲ့ ကောင်းကင်ကိုသဘောကျစွာကြည့်မိတော့သည်။ ဘေးကနေရုံက ထီးလာဆောင်းပေးတာမို့ ပုခုံးလှမ်းဖက်ပြီး

" ရုံ ကောင်းကင်ကဘယ်လောက်လှလိုက်လဲ။ ကြည့်စမ်း "

" အရမ်းလှပါတယ် မဒမ်"

" နင်မှန်တယ် ဒါပေမဲ့ငါ့လောက်တော့မလှဘူး "

နုနုပြောချင်တာပြောပြီးလက်ကလေးနှစ်ဖက်ကို လွှဲကာတစ်လှမ်းချင်း မြောက်ကြွမြောက်ကြွလျှောက်လာခဲ့တော့သည်။ သခင်လေပူတွေမှုတ်ထုတ်ရင်း မျက်မှန်တပ်ကာအနောက်ကနေလိုက်ရတော့သည်။ ဟိုတယ်ရောက်တာနဲ့ပင်လယ်ကိုတန်းမြင်ရတဲ့နေရာနဲ့အတူ  ပင်လယ်ထဲတန်းဆင်းလို့ရတဲ့ ရေလွှာလျှောစီးပါတဲ့နေရာကိုရွေးထားတော့သည်။

မှန်တံခါးကနေလှမ်းကြည့်ပြီး စိမ်းလဲ့နေတဲ့ရေပြင်ကိုသဘောတွေကျနေမိတော့သည်။ တဲအိမ်ပုံစံလေးတွေဖြစ်ပြီး တည်ဆောက်ထားပုံကအရမ်းလှသည်။ ကိုယ်ပိုင်အိမ်လေးလိုဖြစ်ပြီး ရေကူးကန်တစ်လုံးပါသည်၊ ပြီးတော့ရေလွှာလျောစီးဖို့ပါလုပ်ပေးထားပြီးသားမို့ နုနုဟန်ကျနေတော့သည်။

" ဒေါ်နုနု  ကျွန်တော့်နားလာဦးမလား "

" ဟွန့်  ကိုကိုကလဲ အေးဆေးပေါ့။ နုနုဗိုက်ဆာလို့ "

" အခေါ်အဝေါ်ပြောင်းလို့ သည်းခံလိုက်မယ် "

နုနုကမျက်စိမှိတ်ပြတာမို့ သခင်ခေါင်းခါရင်း နေ့လည်စာအတွက်လှမ်းမှာပြီး အခန်းနေရာချရတော့သည်။ နုနုကတော့အိတ်တစ်လုံးနဲ့ အဝတ်လဲခန်းထဲဝင်သွားပြီးထွက်ကိုမလာသေးပေ။ ဘယ်လိုဒီဇိုင်းတွေဝတ်ပြီးလာဦးမလဲမသိပါ။ သခင်ကော်ဖီခါးခါးတစ်ခွက်နဲ့အတူ ပေါင်မုန့်မီးကင်နဲ့ salad ကိုသာစားနေလိုက်တော့သည်။

" ကိုသီဟသခင် "

" အင်း! အဟွတ် "

သခင်လှည့်ကြည့်ပြီးစားနေတဲ့အစာက လည်ချောင်းထဲတစ်ကာသီးသွားရသည်။ လိမ္မော်ရောင်ဘီကီနီကိုမှ ရင်ဘက်နှစ်လုံးကြားချိတ်ထားတဲ့ ကွင်းသေးသေးလေးသာပါပြီး ဘောင်းဘီကလဲဖင်နှစ်လုံးပြောင်နေတာကိုမြင်ရသည်။ သခင့်မျက်လုံးထဲတော့တစ်စက်မှအဆင်ပြေမနေပါ။