قصة : ( مسحور بيك ) ل سهيلة سعيد المنجي

الحلقة ١ و ٢

قصة : { #بيك_مسحور } 💖🪄

الحلقة الأولى { ١ } 🎥

*( شهر 6 ، سنة 2022 )*

( جوة لوكيشن تصوير فيلم ، زحمة وناس كتير رايحة جاية ف المكان ، عند اوضة لبس بطل الفيلم ، واقف المخرج وواحد معاه )
جميل : هو اتأخر ليه كدة ؟!
مصطفى : إن ......................
( وفجأة ، يتفتح باب الأوضة ويخرج منه شاب يتكعبل وهو خارج ، يعدل نضارته ويجري )
جميل ب استغراب : هو في ايه !
مصطفى : مش عارف ، تعالى ندخله !
جميل بقلق : طب ماااا تدخل انت وانا هستناك هنا !
مصطفى بتنهيدة : طيب
( يدخل مصطفى يلاقي الأوضة مكركبة وشاب واقف قدام المراية بيلبس )
مصطفى ب استغراب : في ايه ي اسيان ؟!
اسيان وهو بيزرر قميصه : مفيش

*( ملحوظة .. اسيان شاب وسيم ، بشرته قمحية ، عيونه بني ، عنده غمازتين ، شعره اسود ، لحية مظبوطة ، طويل وجسمه رياضي ، عنده ٣٠ سنة ، من عيلة غنية ، ممثل اكشن مشهور رغم صغر سنه ومامته ممثلة كبيرة ، ليه اخت اصغر منه عندها ١٨ سنة ، بباه ومامته منفصلين من ٢٠ سنة وبباه بعيد عنهم لكن اسيان بيزوره من وقت للتاني ، مصطفى مدير اعماله وابن خالته ومعاه ف كل حاجة واقرب حد ليه وعايش معاه ف نفس البيت من وقت م مامته اتوفت ، عنده ٢٨ سنة )*

مصطفى : ي بني في ايه ؟!
اسيان ب انفعال : جايبين واحد ولا بيعرف يلبس ولا بيفهم ف اللبس اصلاً وملبوخ ومتوتر ، مش فاهم انا مين الي جايبه دة !
مصطفى : طب اهدى بس وهنشوف حد غيره !
اسيان : لا مفيش وقت ، انا قدامي خمس دقايق واطلع اللوكيشن خلاص
مصطفى : طب معلش نداوي الليلة بس ومن بكرة هيكون عندك حد تاني 
اسيان بتنهيدة : ماشي ، يلا
( يطلعوا اللوكيشن يكمله تصوير ، ف نفس المكان بس ابعد شوية ، بنت واقفة لابسة كمامة سودة بتظبط هدوم الناس الي بتبقا ماشية ف المكان ، يدخل شاب )
عزب : فريدة فين ، خلصتي ؟
فريدة : اة لحظة واحدة بس 

*( ملحوظة .. فريدة بنت جميلة ، بشرتها بيضة ، عيونها عسلي ، وشها مدور وصغير ، شعرها اسود طويل بس دايماً رفعاه ، قصيرة ورفيعة ، فيها شبه م الكوريين ، عندها ٢٤ سنة ، مامتها متوفية وبباها متجوز ، ليها اخت متجوزة ومخلفة وهي عايشة معاها ، خريجة اعلام لكن بتشتغل هنا ف اللوكيشن ، حالتها المادية عادية )*

عزب : طب يلا عشان اسيان ع اخره والجو فرهدة ! 
فريدة : خلاص خلصت 
عزب : تمام
( يعدي الوقت وييجي الليل ، واقفة فريدة ع جنب مستنية اوبر ، تركن عربية رانچ روڤر موديل 2022 وينزل منها شاب ، يطلع اسيان ومصطفى م اللوكيشن ، تبصلهم فريدة ، يقربوا ع العربية ، يفتح الشاب الباب ل اسيان ، يركب ويسوق ويركب مصطفى جنبه ويمشوا )
فريدة بتنهيدة : بنشتغل ف نفس المكان وعمرنا م بصينا ف وش بعض ، واحسن انت اصلاً شكلك يخوف ، كأنه الي ف الأفلام بجد !
( توصل عربية اوبر ، تركبها فريدة وتمشي ، يعدي الوقت ، يوصل اسيان قدام ڤيلا كبيرة ، يركن عربيته قدامها )
مصطفى : بقولك ايه محتاج العربية المرسيدس ف مشوار كدة
اسيان : عندك الجراچ براحتك ، بس هتمشي دلوقتي ؟!
مصطفى : اة الشباب مستنيني
اسيان : طيب
( ينزلوا م العربية ، يروح مصطفى ع الجراچ ويقرب اسيان يرن الجرس ، تفتح الشغالة ، تجري بنت من فوق )
وتين : جييييت !