قصة : ( مسحور بيك ) ل سهيلة سعيد المنجي

الحلقة ٢٣ و ٢٤

قصة : { #بيك_مسحور } 💖🪄

الحلقة الثالثة والعشرون { ٢٣ } 🎥

اسيان : هو انتي متعرفيش الي حصل ؟
مايان ب استغراب : حصل ايه ؟!
اسيان : اصل العروسة شكلها حامل
( تتخض مايان )
مايان : حامل من اسبوع !
اسيان : قدرة ربنا بقا
مايان بعدم تصديق : ودي حللت ولا انت بتخمن ؟!
اسيان : لا بخمن
مايان : إن .....................
( وفجأة ، يمسكها من رقبتها من قدام )
مايان بخضة : هيييي !!
اسيان ب انفعال : بتستهبليني ، جاية وعملالي من بنهاااااا !
مايان وهي بتمسك ايده : اسيان هتخنقني !
اسيان : انتي الي بعتي الڤيديو ل فريدة صح ؟
مايان : لااا لأ انا ...............
اسيان بزعيق وهو بيضغط ع رقبتها اكتر : صااااااح ؟
‏مايان وهي بتتخنق : هموت ي اسيان هموووت !
( يزقها تقع ف الأرض ، تاخد نفسها وتلف عشان تقوم تلاقيه ف وشها مقرفص عندها ف الأرض )
اسيان : عاوزة تخربي بيتي ليه ، انا اذيتك ف ايه ؟!
مايان ودموعها بتنزل : اة اذتني ، اذتني لما خليتني احبك وانت بتلعب بيا !
اسيان ب استغراب : انا لعبت بيكي ؟!
مايان وهي بتقوم : لما تطلب إنك تتجوزني عرفي يبقا بتأذيني !
( يقف قصادها )
مايان : ولما اطر اوافق عشان حبيتك ومبقتش اقدر استغنى عنك يبقا بتأذيني ، ولما اطلب نعلن جوازنا وترفض وتطلقني يبقا بتأذيني ، كل دي اذية ومستغرب اوي الي انا عملته فيك ، لكن لا ي اسيان ، انت وربي وربك لسة مشفتش اذية مني ولا خراب
اسيان : كل دة كان برضاكي ، انا طلبت اتجوزك ومبينتيش اي اعتراض ، وافقتي وف يوميها كنت متجوزك ، وف طلاقنا انتي الي خيرتيني ي اعلن الجواز ي اطلقك واسيبك تشوفي حياتك ، حتى بعد طلاقنا فضلنا صحاب ، ايه الي اتغير ي مايان ؟!
مايان ودموعها بتنزل : وجودها ، وجودها ف حياتك ، نظراتك ليها كلامك عنها خوفك عليها ، حبك ليها الي كان باين ف عيونك ، كل دة غير حاجات كتير اوي جوايا !
اسيان : ي ستي حبيت ، حبيت زي باقي الخلق ليه تأذيني ف الي بحبه ليه !
مايان بغل : م قلتلك انت لسة مشفتش اذية ، قابل بقا الي جاي ي فنان
( تمشي مايان ، يتنهد اسيان ويحط ايده ف شعره ، ف كافيه ، قاعد مصطفى وماسك الفون ، تقرب عليه فريدة )
فريدة : صباح الخير
( يسيب الفون ويقوم يقف )
مصطفى وهو بيسلم عليها : صباح النور عاملة ايه ؟
فريدة : الحمدلله
مصطفى : اتفضلي
( يقعده )
مصطفى : حبيت نخرج م البيت صراحة ، قلت تغيري جو
فريدة : اة فعلاً ، الجو كمان حلو انهاردة
مصطفى : دة عشان انتي خرجتي بس
فريدة بكسوف : تسلم
مصطفى : انا بقا ي ستي مش هطول عليكي ، انا جايبك هنا عشان اكلمك ف حوارك مع اسيان
( تضير فريدة وشها )
مصطفى : فريدة ، عاوزين نتكلم بالعقل شوية
فريدة : م انا حكمت عقلي ي مصطفى ، انا لو حكمت قلبي كان زماني انا واسيان بنقضي شهر العسل سوا مش كل واحد ف مكان ! 
مصطفى : عارف ، بس انا .....................
فريدة : مصطفى بالله عليك انت قلت جايبني اغير جو مقلتش هتنكد عليا
مصطفى : لا ي ستي وع ايه ، انا مش هجيب سيرة اسيان تاني ، بس بشرط
فريدة : شرط ايه ؟
مصطفى : نتغدى سوا دلوقتي
فريدة ب ابتسامة : اوك
( يعدي الوقت واسيان عمال يعيد ف المشاهد الي مع مايان مش مركز معاها ومش طايقها وهي مبسوطة ب إنها موتراه وربكاه ، ف بيت اسيان ، واقفة وتين ف اوضتها فاتحة باب الأوضة وبتبص بحرص ، تلمح فريدة طالعة تقفل الباب بسرعة )
وتين بصوت عالي : عشان خاطري طيب ، والله لو عاوز فلوس هديهالك بس متعملش فيا كدة ، لأ انا لأ ، هديك فلوس
( تسمعها فريدة )
وتين بعياط : ايوة الي انت عاوزه والله هديك الي انت عاوزه ، مليون ايه لأ طبعاً
( تستغرب فريدة )
وتين : ايوة بس هو ميعرفش اجيب الفلوس دي منين ، لا لأ لو عرف هيموتني والله هيموتني
( تخبط فريدة ع الباب )
وتين : طب هكلمك تاني هكلمك تاني
( تقفل )
وتين : مين ؟
فريدة : انا
وتين بعصبية : عاوزة ايييه ؟
فريدة : ممكن ادخل ؟
وتين : ادخلي
( تدخل فريدة )
فريدة : انتي كويسة ؟!
وتين وهي بتضير وشها : اة كويسة
فريدة : متأكدة ، انا كنت سمعاكي بتعيطي ، حد ضايقك ف ..........................
وتين بصريخ : قلتلك لااااااء 😡
( يقرب اسيان ع الأوضة )
فريدة بتوتر : طب اهدي انا بس ...................
وتين زعيق : اخرجي بقا سبيني ف حالييييي
( تزقها ف دخول اسيان تتخبط فيه يمسكها ، تتخض وتين )
اسيان : في ايه ؟!
وتين بتوتر : ماااا مفيش انا ...................
( تعدل فريدة وقفتها وتبعد عنه )
اسيان : بتزعقيلها كدة ليه ؟!
وتين : ااا ................
فريدة : لا مزعقتش دي كانت بتحكيلي موقف حصل معاها ، بس اندمجنا شوية
وتين بتوتر : اة اة موقف مع صاحبتي
اسيان بعدم اقتناع : والله انتوا الي محتاجين تمثلوا مش انا ، بس اوك !
( يبص ل فريدة ، تبص للأرض )
فريدة ل وتين : هبقا اجيلك بالليل
وتين : ماشي
( تمشي فريدة ، يروح وراها اسيان )
اسيان : فريدة
( تقف وتلفله )
اسيان وهو بيقرب عليها : انتي كنتي برة ؟
فريدة : اة
اسيان ب استغراب : كنتي فين ؟!
فريدة : اتغديت برة كنت زهقانة
اسيان : طب كويس إنك خرجتي ، بس بعد كدة لما تخرجي تكلميني وتقوليلي إنك خارجة الأول
فريدة : ودة ليه ؟
اسيان : هو ايه الي ليه ، انا جوزك !
فريدة : مؤقتاً ، جوزي مؤقتاً ، ف اكيد مش هستأذن منك لما اعمل اي حاجة
اسيان : والله ، دة عند مين بقا الكلام دة ؟
فريدة : امك
اسيان : نعم !
فريدة : امك الي قالتلي
اسيان : لا دة عند امك انتي الكلام دة ، لما تتنيلي م البيت تقوليلي
فريدة : إن شاء الله
( تمشي تدخل اوضتها ، يبصلها بغيظ ، ييجي الليل ، تطلع فريدة من اوضتها زهقانة ، الكل نايم ، تنزل تحت ، تطلع الجنينة ، تشوف اسيان نايم ع الكنبة وماسك فونه ، تتخض وترجع لورا بسرعة تستخبى )
فريدة ف سرها : بتستخبي ليه ، هو انتي قاتلة قتيل !
( ترجع تبص ناحيته بهدوء وهي مازالت مستخبية ، تفضل بصاله ، يتنهد اسيان وهو بيقلب ف الفون بملل ، يحطوا ع الترابيزة ويسند ايده ع دماغه ويبص للسما ، يقوم يقف ، يقلع التيشيرت وينزل البُول يعوم ، تفضل مرقباه ، يرن فونها ، تتخض وتلف للحيطة وتعمله سايلينت بسرعة ، اسيان يبص ناحية الصوت ، ميلاقيش حد )
فريدة بصوت واطي : الو ، ايه ي فاطمة ، لا بصي انا مشغولة هطلع وهكلمك ، ايوة ، لا مبهمسش انا بس مش عارفة اتكلم ، حاضر والله هكلمك تاني ، ماشي ، باي
( تقفل الفون وتلف تلاقيه ف وشها ، تتخض )
فريدة بخضة : خضتني !  
( لسة هتمشي يحط ايده ع الحيطة جنبها يصدها ، تتخض )
اسيان : بتعملي ايه هنا ؟!
فريدة بتوتر : اا كنت ...................
اسيان : كنتي ايه ؟
فريدة : اوعا ايدك طيب !
اسيان وهو بيبص ل ايده : دي ؟
فريدة : اة
اسيان ب ابتسامة : لأ
فريدة : هو ايه الي لأ ، اوعااا !
( تزقها متتزقش )
فريدة : ايه دة متخشبهاش كدة !
اسيان : مش مخشبها انتي الي طرية
فريدة : لا ي حبيبي مش طرية
اسيان وهو بيحط الأيد التانية الناحية التانية : طب م تعدي ي جامدة !
( يوترها اكتر )
فريدة بتنهيدة : تؤ ، وبعدين يعني !
اسيان : نعم ؟
فريدة : وسع !