قصة : ( مسحور بيك ) ل سهيلة سعيد المنجي

الحلقة ٢٥ و ٢٦

قصة : { #بيك_مسحور } 💖🪄

الحلقة الخامسة والعشرون { ٢٥ } 🎥

وتين : اقول ايه ، لا اوعي بالله عليكي بقولك هيموتني !
( تحتار فريدة مش عارفة تعمل ايه )
وتين : انا مش عارفة اعمل ايه !
فريدة : طب انتي معاكي رقمه طبعاً ؟
وتين : ايوة
فريدة : اديهولي وانا هتكلم معاه
وتين : بجد هتعملي كدة ؟!
فريدة : ايوة يمكن يعقل ويشيل الحوار دة من باله ، انا هتصرف
( تشاورلها ب اة ، يقرب اسيان )
اسيان : صباح الخير
البنات : صباح الخير
فريدة : هوااا انت رايح اللوكيشن ؟
اسيان وهو بيبصلها : اة !
فريدة : طب مستعجل ؟
اسيان ب استغراب : ليه ؟!
فريدة : اصل وحشني المكان وصحابي ، كان نفسي اروح
اسيان : طيب اطلعي البسي وانا هستناكي ف العربية
فريدة بفرحة : بجد ، ااا اوك دقايق
( تدخل فريدة جوة ، اسيان يبص ل وتين )
اسيان : مالك ؟!
وتين بخضة : مالي ماليش !
اسيان بقلق : شكلك فيكي حاجة في ايه !
وتين : لا دة كان عندي امتحان انهاردة وكان صعب شوية وشكلي عكيت
اسيان : لا ب اذن الله هيكون خير ، ربنا مش هيضيع تعبك ع الفاضي
وتين بتوتر : يارب !
( يعدي الوقت ، يوصل اسيان وفريدة اللوكيشن ، يدخلوا اوضة اسيان ، يدخل اسيان التويليت وتقعد فريدة ، تدخل اللبيسة )
اللبيسة بترحيب : حضرتك منورة والله
فريدة : تسلمي
( يخرج اسيان مغير البنطلون ومش لابس حاجة من فوق ، تقرب عليه اللبيسة تظبطله شعره ، تفتكر فريدة وقت م كانت مكانها ، تدمع عيونها وف نفس الوقت عمالة تهز ف رجليها مش حباها تلمسه ، تقوم تقف )
فريدة بتردد : هوااا محتاج تعمليله ايه ؟
( يبصولها )
اللبيسة : هيلبس القميص دة ويتني الكمام وشعره يتنعكش شوية !
فريدة : طيب انا هلبسه ، روحي انتي
( اللبيسة تبص ل اسيان ب استغراب ، يشاورلها اسيان ب إنها تنفذ الكلام ، تمشي ، تقرب فريدة ع القميص تاخده وتقرب بيه ع اسيان ، يحط ايده يلبسه ، تتنيله الكم وتبدأ تزررله ف الزراير وهو باصصلها ، يبص ل ايدها ، يلاقي ضوافرها مقصوصة )
اسيان ب استغراب : ليه قصاهم ؟!
( تبص ع ضوافرها )
فريدة : اتعودت
( تحاول تعمله شعره متطولهوش )
فريدة وهي بتشاورله ع كرسي : ممكن تقعد هنا
( يقعد ع الكرسي ، تقرب تظبتله شعره )
فريدة : دلوقتي قادر يكونلك لبيسة غيري ، كان فين الكلام دة وقت م كنت هتلغي فيلمك عشان عدم وجودي ! 
اسيان : اديكي قلتيلها ، عشان عدم وجودك ، انتي دلوقتي مراتي وف بيتي ، هحتاجك ايه اكتر من كدة ؟!
فريدة وهي بتعمله شعره : انا مش مراتك ي اسيان ، انا ف حكم طليقتك 
( يمسك ايدها من شعره ويقوم يقف ، تبصله بتوتر )
اسيان : انتي مراتي ي فريدة ، قبلتي او رفضتي انتي مراتي دلوقتي
( يفضلوا باصين لبعض ، وفجأة ، يدخل جميل )
جميل ب احراج : احيه اسف فكرتك لوحدك !
اسيان وهو بيسيب ايدها : تعالى تعالى
جميل : عروستنا الجميلة عاملة ايه ؟
فريدة : الحمدلله ي استاذ جميل ، وحشني الشغل معاك والله
جميل : والله واحنا كمان ، دة انهاردة فرح إنك عندنا
فريدة : الله يخليك
جميل : اوعي يكون الواد دة مزعلك ف حاجة ، قوليلي بس وانا مروحهوش البيت
فريدة وهي بتبص ل اسيان : لا مقدرش استغنى عنه
( يبصلها اسيان )
جميل : يزعلك بس قوليلي ع طول
فريدة : اكيد
جميل : جاهز ي فنان ؟
اسيان : اة خلاص
جميل : تمام ، دقتين ويلا
اسيان : اوك
( يمشي جميل ، اسيان يبص ل فريدة )
فريدة ب استغراب : بتبصلي كدة ليه ؟!
اسيان : عشان كدابة ، انتي تقدري تستغني عني ي فريدة !
( يسيبها ويمشي ، تدمع عيونها ، يقربوا صحابها )
البنات بفرحة : فريداااا
( يسلموا عليها ويحضنوها ويقفوا يتكلمه معاها ، مايان داخلة ع اوضتها ، تلمحهم واقفين ، تبتسم بخباثة وتقرب عليهم )
مايان للبنات وهي متجاهلة فريدة : انتوا بتعمله ايه هنا وسايبين شغلكم ليه ؟!
( يتحرجوا البنات )
مايان : اتفضلوا كل واحدة ع شغلها
فريدة : لحظة هما واقفين معايا ي مايان !
مايان ب استهبال : ايه دة فريدة ازيك ؟
فريدة : كويسة !
مايان : سوري ي روحي مخدتش بالي منك
فريدة : ولا يهمك !
مايان : انتي رجعتي الشغل ولا ايه ؟
فريدة : لا انا جاية مع اسيان اشوف البنات
مايان : اممممم ، فكرتك رجعتي
فريدة : لأ
مايان : اصل الي بيتعود ع الشغل بصراحة مبيعرفش يبطله ، بس طبعاً الكلام دة ميطبقش عليكي
فريدة ب استغراب : اشمعنا ؟!
مايان : عشان انتي اتجوزتي صاحب الشغل نفسه وبقا مقامك من مقامه ، ف اترحمتي طبعاً
( تستغرب فريدة طريقتها )
مايان : يلا المهم تكوني مبسوطة معاه
فريدة : الحمدلله !
مايان : اسيبك بقا مع صحابك ، باي ي روحي
فريدة : باي !
( تمشي مايان )
غدير : مالها بنت بارون ديلون دي ؟!
فريدة بعدم فهم : بنت اييييه ؟!
........ : بارم ديله يعني
البنات : ههههههه
فريدة : حتى الشتيمة صعبتيها علينا !
غدير : هههههه
( يعدي الوقت ، يخلص اسيان شغله ، يقرب ع اوضته ويدخل ، يلاقي مصطفى وفريدة قاعدين سوا )
فريدة : هههههه م دة شغل برضو
مصطفى : طبعاً
اسيان : انت سايب شغلك وقاعد تضحك وتهزر هنا !
مصطفى : مش سايب شغلي انا مواريش حاجة اصلاً !
اسيان بغيظ : والله
مصطفى : ايوة
اسيان : طب اطلع برة
مصطفى وهو بيقوم : نعم !
اسيان : عاوز اغير هدومي ، اطلع برة اخلص
مصطفى : طيب
( يمشي مصطفى ، تقوم فريدة ولسة هتمشي يمسك ايدها اسيان يزقها يقعدها )
فريدة بوجع : اااه في ايه ؟!
اسيان : مش ناوية تبطلي قلة ادب ؟
فريدة بخضة : نعم !
اسيان : لا مش لسة هتندهشي ، ايه الي مقعدكم ف الأوضة لوحدكم وقافلين الباب عليكم ؟! 
فريدة : ايه الي انت بتقوله دة !
( يبصلها بغيظ )
فريدة : بص بقا ، توثق فيا او متوثقش دي حاجة مش مهمة عندي لإني اصلاً مخصكش ، بس اقلها المفروض تبقا واثق ف الي منك ، وعيب اوي يطلع منك كلام زي دة  !
( تسيبه وتمشي ، يقعد اسيان بغيظ ، يعدي الوقت وييجي الليل ، ف بيت اسيان ، فريدة ف اوضتها بتكلم اياد ف الفون )
فريدة : ازاي انت شايف دة صح ؟!
اياد : دي مراتي بقولك
فريدة : ف الدرى ، دة حرام وغلط !
اياد : طلبت يكون ف العلن واخوها الي رفض
فريدة : تطلب تاني وتالت ورابع ، لكن متعملش كدة !
( ميردش )
فريدة : بلاش تعمل الي ف دماغك دة وتعالى اتقدم بجد ، وانا لو عليا هكون اول واحدة تقف جنبك وهخلي اسيان يوافق
اياد : صدقيني مش هيوافق
فريدة : سيبها عليا انا هقنعه ، ولو موافقش ساعتها يحلها ربنا
اياد : طيب هقلب الموضوع ف دماغي كدة وهرد عليكي
فريدة : ماشي ، بس من هنا لوقت م ترد ياريت تبطل تهدد ف وتين عشان انت مبوظ اعصابها !
اياد : انا بحبها وعاوزها جنبي
فريدة : ف الحلال ي اياد مش ....................
( يخبط باب الأوضة )
فريدة بخضة : هكلمك تاني باي
( تقفل فريدة )
فريدة : ادخل
( يدخل اسيان )
فريدة : نعم ؟