قصة : ( مسحور بيك ) ل سهيلة سعيد المنجي

الحلقة ١١ و ١٢

قصة : { #بيك_مسحور } 💖🪄

الحلقة الحادية عشر { ١١ } 🎥

فريدة : مفيش حاجة ي سلطان احنا واخوات ، وانا مش زعلانة منكم عشان كان هزار فعلاً
سلطان بنظرات اعجاب تخوف : بس عاوزة الصراحة ، انا مكنتش بهزر ، انتي بجد زي القمر وعمري م شفت بنت ف حلاوتك !
( تتخض فريدة من طريقته وكلامه وتتحرج ، اسيان سامع وع اخره ، يقوم يقف )
سلطان : انا بكلمك ع فكرة ، انتي بجد جامدة
فريدة بحدة : سلطان لو سمحت بطل الكلام الي مالوش لازمة دة واتفضل امشي ، وياريت متجيش عند اوضتي تاني !
سلطان : لا مهو الوش الخشب دة مش هيأكلك عيش هنا ي شريهان
فريدة : هتمشي ولا اطلبلك الأمن ؟!
سلطان : لا همشي ، بس هتروحي مني فين يعني 
( تقفل الباب ف وشه ، تفتكر اسيان ع الفون ، تتخض ، تجري تمسكه )
فريدة ب ارتياح : الحمدلله قفل
( تاني يوم ، ف اللوكيشن ، فريدة ف اوضة اسيان ماسكة قميص ومقص بتظبط فيه ، يوصل اسيان وشه مقلوب وع اخره ، يلمح عزب ، يقرب عليه )
عزب : صباح الفل ي فنان
اسيان بحدة : تعالى عايزك
( يمشي اسيان ، يستغرب عزب ويروح وراه يقفوا ع جنب )
عزب بقلق : في ايه ي اسيان ؟!
اسيان : في شاب بيشتغل معانا هنا اسمه سلطان ؟
عزب : تقريباً مش عارف ، ليه ؟!
اسيان : الولا دة ميقعدش هنا ، ترجعوا مصر 
عزب ب استغراب : ليه حصل ايه ؟!
اسيان : من غير تفاصيل ، الولا دة ي انا ي هو هنا
عزب : انت بتهزر ولا ايه ، انت بتقارن نفسك بيه !
اسيان : يبقا تعمل الي بقولك عليه ، وتذكرة رجوعه مصر عليا ، إن شالله يرجع بطيارة خاصة ، انهاردة يكون ماشي ي عزب
عزب : ماشي والله ، بس قولي في ايه ، عملك ايه ؟
اسيان وهو بيطبطب ع كتفه : هبقا اقولك بعدين انا اتأخرت
( يمشي اسيان ، يدخل اوضته ، يلاقي فريدة واقفة بتعمل الهدوم )
فريدة ب ابتسامة : صباح الخير
اسيان بضيق : صباح الخير
( تبصله فريدة ب استغراب )
فريدة : انت كويس ؟!
اسيان وهو بيقلع التيشيرت : اة
فريدة : طب تعبان ؟
اسيان بزعيق : فريدااااا 
( تتخض )
اسيان : خليكي ف شغلك
فريدة ب احراج : حاضر !
( يدخل التويليت ، تكمل فريدة شغلها ، تدمع عيونها وتنزل غصب عنها ، تمسحها بسرعة قبل م اسيان يطلع ، يخبط الباب )
فريدة : ادخل
جان : ميكاااااب
فريدة : چان عامل ايه ؟
جان : بخير فريدة وانتي كيفك ؟
فريدة : الحمدلله
جان : وينه اسيان ؟
فريدة : ف التويليت
جان وهو بيحط حاجاته ع ترابيزة المراية : اوكااااي
( يطلع اسيان )
جان : صباحو ي نچم
اسيان : صباحو
جان : راح نبدأ ؟
فريدة وهي بتمسك القميص : ثانية بس
( تقرب ع اسيان تلبسهوله )
جان : فريدة راح تطولي ، متأخرين !
فريدة ل اسيان : طب اقعد هكملك وچان شغال
جان : فل
( يقعد اسيان قدام المراية ويبدأ چان يعمله الميكب ، يعدي الوقت ، اسيان واقف وچان بيعمله ميكب جروح ف دراعه ، تقرب فريدة تتنيله كم القميص بتاع ايده التانية ، يخبط فيها چان ، تلاقي الي مسكها من وسطها وشدها عليه الناحية التانية وزقها بالراحة )
اسيان وهو باصص ف حتة تانية : لما يخلص ابقي كملي
فريدة ب احراج : اوك !
( تقف فريدة ع جنب متضايقة وماسكة دموعها من طريقة اسيان ليها ، بعد دقايق )
جان : هيك خلصت ، فيكي تكملي فريدة
فريدة ب انتباه : اوك
جان : يلا بشوفكم ، باي
فريدة : باي
( يمشي چان وتقرب فريدة ع اسيان بتوتر )
فريدة بتردد : هوااا ، انا زعلتك ف حاجة ؟!
اسيان : لأ
فريدة : اوك !
( تكمل فريدة شغلها ف هدومه الي لابسها ، يخبط صوباعها ف رقبته وهي بتعدله لياقة القميص يخربشه ضوفرها ، يبصلها )
فريدة وهي بتبصله : اسفة انا ....................
اسيان وهو بيمسك ايدها بعنف : مش قلتلك ضوافرك تبقا مقصوصة !
فريدة بخوف : ايوة بقصها والله بس مخدتش بالي إنها طولت بسرعة !
( توجعها ايدها ، تدمع عيونها )
فريدة بوجع : اسيان ايدي !
( يزقها بعنف ، تمسك فريدة ايدها م الوجع وتقرب عليه تعدل اللياقة الي كانت شغالة فيها ، يخبط الباب ويدخل مصطفى )
مصطفى : خلاص ؟
فريدة وهي بتبعد عن اسيان : اة خلاص
مصطفى : طب يلا
( يطلع اسيان اللوكيشن وهو متضايق ومش طايق حد ، فريدة ف الأوضة دموعها عمالة تنزل وتمسحها ، بعد شوية ، يدخل اسيان ، تقف فريدة ، يقرب يمسك فونه ويقعد ع الكنبة )
فريدة بتردد : هتغير ؟
اسيان وهو باصص للفون : اة
( تجيب فريدة الهدوم وتحطها جنبه ع الكنبة وتساعده يلبسها ، يعدي الوقت ويخلص اليوم ، يوصل الكل قدام الأوتيل ، اسيان وجميل واقفين ع جنب بيتكلمه )
فريدة : انا هتمشى شوية
( يبصلها اسيان )
مؤمن : طب نيجي معاكي ؟
فريدة : لا مفيش داعي ، انا عارفة اسم الأوتيل
( تمشي فريدة )
سلطان : مالها شريهان ؟!
غريدة بقلق : مش عارفة ، من بدري حساها مش متظبطة !
( اسيان يبص ل سلطان بغيظ )
اسيان ل جميل : انا مش قلت ل عزب الولا دة يمشي !
جميل : ايوة مهو قالي وانا قلتله استنى نرجع الأوتيل وبعدين قوله ، ف هيقوله انهاردة
اسيان : تمام ، مصطفى هات الأيس كاب دة
مصطفى وهو بيقلع الأيس كاب : اوك
( يديهوله ، يلبسه اسيان ويمشي م الأوتيل )
جميل : ابن خالتك متعب اوي ي مصطفى !
مصطفى : طول عمره م انت عارف
جميل بتنهيدة : عارف
( فريدة بتتمشى وبتتكلم ف الفون )
فريدة : لا ي حبيبتي انا كويسة والله ، ايوة ، لا ضغط الشغل بس ، انهاردة كان يوم صعب اوي ، اة
( تشوف كافيه ، تقرب تدخل تقعد ، يلمحها اسيان من بعيد )
فريدة : متقلقيش عليا ي فطوم ، اة ي قلبي ، حاضر ، وانتي من اهله ، باي
( تقفل فريدة وتتنهد بضيق ، تحط ايدها ع وشها وف بالها مليون سؤال واولهم هي عملت ايه عشان يتغير ف معاملته ليها كدة ، وفجأة )
اسيان : فريدة
( تتخض اما تسمع صوته ، تفتح عيونها تلاقيه قاعد قصادها )
فريدة : اسيان !
اسيان : انتي كويسة ؟
فريدة : اة !
اسيان : ايه الي ممشيكي لوحدك السعادي ؟!
فريدة وهي بتبص ف حتة تانية : مخنوقة شوية
اسيان : بسببي ؟
فريدة : لأ 
اسيان : عشان زعقتلك بسبب ضوافرك ؟
فريدة وعيونها بتدمع : مش كدة بس !
اسيان : اومال ؟
فريدة بتماسك : انت انهاردة غريب معايا ، انا مش عارفة انا عملت ايه !
( تنزل دموعها )
فريدة : بتعاملني وحش وبتزعقلي ، ومديت ايدك عليا ، طب ليه كل دة ، انت مكنتش بتعاملني كدة !
اسيان : ي فريدة .....................
فريدة : اسيان لو كانت دي طريقتك معايا م الأول انا مكنتش هزعل ولا هتفرق معايا ، لكن انت فيك حاجة من ناحيتي متغيرة ، انا عملتلك ايه بجد ؟!
اسيان وهو بيمسح دموعها : طب ممكن تهدي وتبطلي عياط !
( تتحرج من لمسته )
اسيان : انتي معملتيش حاجة تضايقني
فريدة : اومال بتعمل معايا كدة ليه ، اكيد عملت حاجة ! 
اسيان : الي ضايقني يخصك ، لكن انتي مش سبب فيه
فريدة : ايه هو بقا الي يخصني ؟!
اسيان : لما كنت بكلمك والشاب الي اسمه سلطان دة جه وقعد يقولك كلام مالوش لازمة انا كنت سامعه ، قفلت لما هو مشي
( تتخض فريدة )
فريدة : انا فكرتك قفلت من بدري ومسمعتوش !
اسيان : لا سمعت