قصة : ( مسحور بيك ) ل سهيلة سعيد المنجي

الحلقة ٢١ و ٢٢

قصة : { #بيك_مسحور } 💖🪄

الحلقة الواحدة والعشرون { ٢١ } 🎥

( تسكت وتين بحيرة ، ف بيت فريدة ، قاعدة فريدة ف اوضتها بتعيط وفاطمة واقفة قدامها )
فاطمة : ي بنتي عيب كدة قومي اطلعي
( متردش ، تدخل ام اسيان )
روفيدا : مش عاوزة تشوفيني ي فريدة ؟!
( تقوم فريدة ، يقف اسيان ع باب الأوضة ويبصلها )
روفيدا : دة انا جاية لحد عندك !
فريدة وهي بتمسح دموعها : انتي ع راسي ي طنط
روفيدا : طب يلا اطلعي اقعدي معايا عاوزة اتكلم معاكي
فريدة : حاضر
( يطلعوا يقعده برة ، فريدة باصة للأرض واسيان باصصلها )
روفيدا : انا عارفة إن الي عمله اسيان ميتغفرش بس هو والله بيحبك
( تتزل دموع فريدة وتمسحها )
روفيدا : نسامح ي فريدة مفيهاش حاجة
فريدة بعياط : ياريت ، ياريت مفيهاش حاجة ، ي ناس افهموني انا شفت حاجة مكانش ينفع اشوفها ، ابنك الي قدامك دة انتي بس الي شيفاه ، لكن انا شايفة واحد تاني والله ، ف محدش يقولي سامحي !
اسيان : ي فريدة دي حاجة فاتت
فريدة : وانا ايه الي يضمنلي إنها فاتت ، تقدر تثبتلي ازاي إنها فاتت ؟
( ميعرفش يقول ايه )
فريدة : طلقني ي اسيان ، طلقني بالزوق احسن
اسيان : مش هطلق ي فريدة
فريدة : انت ا ......................
روفيدا : ي فريدة الفرح باقي عليه يومين ي حبيبتي !
فريدة : إن شالله يوم ي طنط
روفيدا : كدة هتبقا فضايح ي فريدة لما يطلقك قبل فرحك بيومين ، فضايح ليكي ولينا !
( متردش فريدة )
روفيدا : طب انا هقولك حاجة تريحنا كلنا
( يبصولها )
روفيدا : عشان محدش يتكلم لا علينا ولا عليكي احنا نعمل الفرح وبعدها بكام شهر هخليه يطلقك
اسيان لمامته : ماما انا قلت مش هط ....................
روفيدا بعصبية : اسكت بقا اسكت !
( يسكت اسيان ويتنهد )
روفيدا : قلتي ايه ي فريدة ، عشان خاطري ي حبيبتي انا مش ناقصة فضايح والصحافة مش هتسيبك ف حالك ، اما بعد الجواز تقدري تقولي مكنتوش مناسبين لبعض وخلاص
( فريدة قاعدة باصة للأرض عمالة تفرك ف صوابعها مش عارفة تقول ايه )
روفيدا : ولا انتي شايفة ايه ي فاطمة ؟
فاطمة : ايوة عندك حق والله
روفيدا : ي فريدة ، قلتي ايه ي قلبي ؟
فريدة : ماشي ، بس هيكون ف بيتك مش هروح بيته
روفيدا : الي انتي عوزاه ماشي ، هتقعدي معايا انا
فريدة : وملهوش دعوة بيا ولا يتكلم معايا ولا يتدخل ف اي حاجة تخصني ، اخرنا الفرح ومن بعده ملهوش دعوة بيا لحد م الفترة دي تخلص ، وانتي الي هتطلقيني منه
روفيدا : تمام اتفقنا ، الي انتي عوزاه هعملهولك
فريدة : ماشي
( تقوم روفيدا ويقوم الكل )
روفيدا بزعل : انا مش عارفة اقولكم ايه والله ، انا حبيتك ي فريدة وكان نفسي تبقي جزء من عيلتي بجد
( تنزل دموع فريدة ، تقرب عليها روفيدا )
روفيدا وهي بتملس ع شعرها : انا اسفة ع اي حاجة وحشة حصلتلك
( تشاورلها ب اة وهي باصة للأرض ، تبوس دماغها روفيدا وتمشي ، يبصلها اسيان بحزن ويمشي ورا مامته ، تزيد دموع فريدة )

*( الي مر عليك ثواني ، فات عليا كتير اذاني ، وانت بعد دة كله عادي راجعلي تاني .. 💔 )*

( بعد يومين ، يوم الفرح ، فريدة ف اوضة ف الأوتيل الي فيه الفرح ، قاعدة قدام المراية ولابسة فستان الفرح والكوافير بيعملها شعرها واختها معاها والمصور بيصور كل حاجة وهي راسمة الأبتسامة ، ف اوضة اسيان ، واقف ومصطفى واقف قصاده بيعدله الببيون )
مصطفى : افرد وشك ي عم
( يتنهد اسيان )
مصطفى : الي جاي فرصة حلوة إنها تسامح فيها
اسيان بضيق : مظنش
( يخبط الباب ويدخل شاب )
........ : يلا العروس چاهزة
اسيان : جاي
( عند فريدة ، واقفة جاهزة ، يخبط باب الأوضة ، تاخد نفس طويل وتغمض عيونها وهي بتخرجه ، تفتح فاطمة ، يدخل اسيان ، يشوفها يفضل باصصلها من جمالها ، لابسة فستان شبه السواريه بس بديل طويل جداً حمالات ، وبوكيه ورد ابيض ، وفاردة شعرها وعليه تاج ورد وميكب بسيط ، باصة للأرض ، يقرب عليها ويمدلها ايده ، تبصله وتتردد ف إنها تديله ايدها بس تلاقيهم بيتصوروا ، تحط ايدها ف ايده ، ياخدها وينزلوا ، تلاقي الفرح مليان مشاهير والكل بيسلموا عليها وبيباركولها ، تحاول ع اد م تقدر متبينش زعلها وقهرتها ف إنها بتمثل الفرحة مع حبيبها ، ييجي وقت الرقصة ال slow ، يقوموا يرقصوا ، فريدة باصة ف حتة تانية بتتجنب تبص لوش اسيان )
اسيان : فريدة ، فريدة بصيلي !
فريدة : لأ
اسيان : عشان خاطري
( تتنهد فريدة )
اسيان : فريدة !
( تبصله ، عيونها تدمع وتنزل )
فريدة : قلتلك لأ
( يقرب مصور ، يتخضوا ، تدفن وشها ف حضنه عشان ميلمحهاش المصور وهي بتعيط ، يسند اسيان دماغه ع دماغه ، يزيد عياطها ، يحس بيها )
اسيان : حقك عليا 😟
( تمسح دموعها وهي ف حضنه وبعدين تبصله )
فريدة : حقي عليا انا ، وانا هعرف اجيبه
( يبصلها بحزن ، تضير وشها ، يعدي الوقت ، يوصل اسيان وفريدة قدام البيت ، ينزل اسيان ويلف عشان يساعد فريدة تنزل تكون هي نزلت ودخلت ع جوة ، يدخل وراها )
فريدة : فين الأوضة الي هنام فيها ؟
اسيان : تعالي
( يطلع اسيان وفريدة وراه )
اسيان : دي اوضتنا
فريدة : تقصد اوضتي ، انت تشوفلك حتة تانية تنام فيها
اسيان : اوك ، الي يريحك
( تدخل فريدة ، يدخل اسيان وراها ، تلف تبصله )
فريدة : انت سمعتني ؟!
اسيان : انتي ليه بتعملي كدة ، ليه مصممة تبعدينا !!
فريدة ب اندهاش : ابعدنا ، ابعدنااااا !!
( تدمع عيونها وتبقا بتلف حوالين نفسها )
فريدة بعياط : انا الي ببعدناااا ، انا لأخر وقت مكنتش مصدقة إن كلها كام يوم وابقا ف بيتك ، مراتك ، انت هديت كل حاجة ، انا انهاردة مر عليا اسوء يوم ف حياتي ، بدل م اروح بيت جوزي مروحة بيت مامته ، بدل م انام ف حضنه هنام لوحدييييي !
( يزيد عياطها )
فريدة : بدل م اضحك واهزر طول الليل هقعد اعيط واندب ع حظي معااااااك ، انا كنت هقبل ب اي حاجة عشان بس ابقا معاك ، اي حاجة ، إلا إني اتهان ، كله إلا كرامتي ي اسيان ، هدوس عليك وع قلبي مليون مرة ولا إنك تهيني او تقلل مني
اسيان : انا ....................
فريدة بعياط : فريدة الي انت عرفتها دي تركنها ع جنب كدة ، انت متعرفنيش كويس ، والله لندمك ع كل لحظة كدبت عليا فيها ولا فكرت تهيني فيها ، اطلع برة ، براااااااا
( بيبصلها بحزن ويمشي ، تجري فريدة تقفل الباب وراه ويزيد عياطها ، تقعد ف الأرض )
فريدة بعياط : ااااه
( يعدي الوقت ، اسيان ف اوضته نايم ع السرير بهدومه ، قالع الچاكيت وفاتح القميص ولابس البنطلون ، ساند ايده ع جبينه وباصص للفراغ ، ف اوضة وتين ، بتتكلم ف الفون )
وتين : كل واحد دخل اوضة ، اة ، لا مظنش مش طيقاه خالص ، ايوة ، ماشي ي مايان ، وانتي بخير  
( يخبط باب اوضة وتين )
وتين : طب اقفلي باي
( تقفل وتين )
وتين : ادخل
( يدخل اسيان )
اسيان : لسة منمتيش !
وتين وهي بتقف : لا لسة تعالى
( يقرب يقف قصادها )
اسيان : كنت عاوزك بس تدخلي تطمني ع فريدة
وتين ب استغراب : فريدة !
اسيان : اة
وتين : مالها ؟!
اسيان : ملهاش بس اكيد متضايقة ، وانا مش عاوز اروح اشوفها ف ازعلها اكتر ، ف ادخليلها انتي شوفيها لو محتاجة حاجة عشان هي برضو متعرفش البيت
وتين بضيق : طيب حاضر
اسيان : وابقي قوليلي عملتي ايه
وتين : ماشي