قصة : ( مسحور بيك ) ل سهيلة سعيد المنجي

الحلقة ٩ و ١٠

قصة : { #بيك_مسحور } 💖🪄

الحلقة التاسعة { ٩ } 🎥

( تفتح عيونها تبصله )
عزب : مالك في ايه ؟!
فريدة ودموعها بتنزل : خايفة بس !
عزب : انتي اول مرة تركبي طيارة ؟!
( تشاورله ب اة )
عزب : هي متخوفش ، م كلنا قاعدين اهو مفيش حاجة !
فريدة : انا عاوزة انزل
عزب للمضيفة : هو فاضل اد ايه ونوصل ؟
المضيفة : مفاتش غير ساعة ، لسة ولا اربع ساعات !
فريدة بخضة : طب نزلوني طيب !
غدير : ي فريدة مينفعش احنا طايرين ف الهوا ، ننزلك فين !
عزب : طب جربي تنامي طيب
فريدة بخوف : مش هقدر !
عزب : معلش حاولي وغدير جنبك اهي
( ف الناحية التانية ، قاعدة مايان جنب جميل ، تبص ناحية اسيان وترجع تبص قدامها )
مايان بصوت واطي : هو ماله ملهوف عليها ليه كدة ، شفت كان هيقوملها !
جميل : شكله كدة معجب
مايان بغيظ : اقوم ارميهاله م الطيارة واريحوا !
جميل : ههههههه
( يرجع عزب ، يبصله اسيان )
جميل : ايه في ايه ؟
عزب : اول مرة تركب طيارة وخايفة ، بس هدناها
مايان : ومدام خايفة جت ليه ، دي مياعة بنات
( يبصلها اسيان )
جميل : ي ستي خليها تدلع
( يبص ل اسيان )
جميل : من حق الجميل يدلع
الكل : ههههههه
اسيان ل مصطفى بصوت واطي : هو دة تلقيح عليا ؟
مصطفى : لا خالص
اسيان : اة بحسب
مصطفى : هههههه
اسيان بضحك : انت ابن **** !
مصطفى بضحك : ماشي
( غدير تلهي فريدة ف الكلام والهزار ويعدي الوقت ، يوصلوا المغرب ، تقف الطيارة وينزل الكل ، واقفين بيخلصوا الأجراءات ، يقرب اسيان ع فريدة )
اسيان : انتي كويسة ؟
فريدة : اة الحمدلله
اسيان : طلع قلبك ضعيف اوي !
فريدة ب احراج : انا مكنتش حاطة ف بالي إني هخاف والله ، معرفش ايه الي حصل !
اسيان : اتمنى عبال م نرجع تكوني اتمرنتي ع اي مرجيحة ف المغرب
فريدة : ههههههه
اسيان : اما نوصل الأوتيل ارتاحي بقا من فقرة الرعب دي
فريدة : اكيد هعمل كدة
اسيان : إن شاء الله
( يندهوا ع اسيان ، يمشي ويمشي باقي الكاست ، ييجي الليل ، فريدة ف الأوتيل ف اوضتها نايمة ع السرير ، يرن فونها ، تفتح عيونها ، تمسكه ، تلاقيه اسيان ، تقوم تقعد )
فريدة : الو
اسيان : عاملة ايه ؟
فريدة : الحمدلله ، انت عامل ايه ؟
اسيان : انا تمام ، نمتي كويس ؟
فريدة : اة جداً
اسيان : طب حلو عشان تبقي فايقة لبكرة
فريدة : لا انا فوقتلك خلاص
اسيان : ههههه ماشي ي فراولة
فريدة : تسلم ي اسيان إنك سألت عليا
اسيان : انا اصلاً كنت قايملك لما خوفتي ف الطيارة ، بس مسكت نفسي
فريدة ب احراج : احيه الحمدلله إنك مقمتش !
اسيان : مكانش هامني والله لولا مصطفى الي نبهني عشان كمان مضركيش
فريدة بفهم : ايوة
اسيان : فاااا المهم إنك كويسة
فريدة : اة الحمدلله
اسيان : الحمدلله ، اشوفك بكرة ، تصبحي ع خير
فريدة : وانت بخير
( تقفل فريدة وتفرح إنه سأل عليها وتفكر ف كلامه ، تمسك الفون وتكلم صاحبتها ، يعدي اليوم ، تاني يوم ، واقفة فريدة قدام دولاب الهدوم بتفكر تلبس ايه ، ف ريسبشن الأوتيل ، الكاست تحت بيتجمعوا عشان يروحوا اللوكيشن ، ينزل اسيان والباقي )
مايان : مستنيين ايه ي جماعة ؟
جميل : فريدة فين ، حد يكلمها !
غدير وهي بتمسك الفون : هكلمها ، الو ، انتي فين ي بنتي ، طيب يلا احنا تحت كلنا واقفين عليكي ، يلا طيب
( تقفل غدير )
غدير : نازلة خلاص
مايان : م نمشي احنا وهي تيجي ع مهلها
عزب : مينفعش طبعاً دي مسؤلية
مايان بغيظ وزهق : اول مرة اشوف كدة صراحة !
اسيان : هشوفلي كوفي تيك اواي عبال م تنزل
مصطفى : خدني معاك
( يروحوا يقفوا عند البار ، تنزل فريدة جري ع تحت ، لابسة فستان نبيتي ماكسي واخد وضع جسمها وبكم وكوتشي ابيض والمرة دي سايبة شعرها مش ربطاه ، تعدي بتجري من جنب اسيان ومصطفى متاخدش بالها منهم ، يلمحها اسيان ، يتنحلها ع طول شعرها الي معدي ضهرها بكتير وفهم ليه دايماً ربطاه ورفعاه )
فريدة للناس : انا اسفة والله ، مكنتش عارفة إننا هننزل بدري !
( يفضلوا متنحينلها من جمالها لإنها كانت لابسة كمامة دايماً محدش شافها قبل كدة )
مايان بحدة : في تصوير ومواعيد ي ماما ، مش هنتستناكي كل مرة احنا !
فريدة ب احراج : حقك عليا معلش 
جميل : عزب شوف اسيان خلص ولا لأ
عزب : دة جاي اهو
( يقرب اسيان ومصطفى عليهم )
مصطفى : جات فريدة ؟
فريدة وهي بتلفله : اة انا اهو
مصطفى : طب يلا
جميل : يلا
( تركب فريدة مع الكاست واسيان والباقي ف عربية تانية ، قاعدة فريدة جنب غدير وورا باقي الشباب والبنات )
مؤمن : ايه ي فريدة الشعر دة !
سلطان : اكيد مش شعرك !
......... : طب شديه كدة !
الكل : ههههههه
فريدة ب احراج : والله شعري ي جماعة
مؤمن وهو بيقرب ع فريدة : طب معلش اتأكد بنفسي
سلطان : ايوة صح
( تتحرج فريدة )
غدير : ايدك جنبك ي بني منك ليه وبطلوا التلزيق دة !
مؤمن : بالراحة علينا ي ست الحجة بنهزر
غدير : هزاركم بايخ ف اتلموا ، هي مش واخدة ع كدة ولا عليكوا
سلطان بنظرة خباثة ل فريدة : بكرة تاخد
غدير : لما تبقاااا 
فريدة ب ابتسامة واحراج : خلاص ي جماعة بجد ، انا اوعدكم اول واخر مرة افك فيها شعري تاني مدام هيعملي مشاكل !
غدير : لا طبعاً براحتك ، هما بس بيحبه يغلسوا ، لكن لما تعرفيهم هتهبي فيهم تاكليهم
فريدة : هههههه
مؤمن : خلاص ي فريدة احنا بنهزر ، اصل انتي مشاء الله شعرك جميل
فريدة بكسوف : تسلم
( يسكتوا ، يعدي الوقت ويوصلوا اللوكيشن ، يلاقوا كل حاجة جاهزة ، يدخل اسيان ع اوضته ، بعد دقايق ، فريدة واقفة مع غدير )
مصطفى وهو بيقرب ع فريدة : فريدة اسيان ف اوضته من عشر دقايق يلا خلصي
فريدة : اة حاضر جاية
( تمشي فريدة شبه بتجري ، تقرب ع اوضة اسيان مكتوب عليها اسمه ، تخبط وتدخل ، تلاقي الأوضة فاضية بس التيشيرت الي كان لابسه محطوط ع الكرسي ، تستغرب )
فريدة وهي بتبص حواليها : اسيان !
( تسمع صوت زي م يكون حد بيرجع وبيكح ، تقرب ع التويليت ، تلاقيه موارب )
فريدة بقلق : اسيان انت جوة ؟
اسيان بتعب : ااااه
( تزق فريدة الباب ، تلاقيه لابس البنطلون بس وواقف عند الحوض كان بيرجع وشعره نازل ع عيونه وجسمه عرقان )
فريدة بقلق : مالك انت كويس ؟!
اسيان بتعب : اخرجي
فريدة : اخرج ايه انت تعبان اوي !
( لسة هتقرب عليه يصدها ب ايده )
اسيان بتعب وزعيق : اخرجيييي
( يرجع تاني ، تقرب عليه )
فريدة : كفاية طيب !
اسيان : فريدااا ، اطلعي برة
فريدة : انا مش بقرف والله مش بقرف ، كفياك هتتعب اكتر كدة !
اسيان بتعب : اندهي ، اندهي مصطفى
فريدة : حاضر بس اطلع معايا الأول
( يغسل اسيان وشه ، تسنده فريدة تطلعه م التويليت بالعافية لإنها قصيرة وهو طويل وضخم ع جسمها الضعيف ، تقعده ع الكنبة ، يترمي عليها ويرجع دماغه لورا ويغمض عيونه ، تمسك فريدة الفون )
فريدة : الو ، استاذ مصطفى لو سمحت تيجي اوضة اسيان عشان تعبان اوي ، والله بسرعة بس ، باي