قصة : ( مسحور بيك ) ل سهيلة سعيد المنجي

الحلقة ٣ و ٤

قصة : { #بيك_مسحور } 💖🪄

الحلقة الثالثة { ٣ } 🎥

( يطلع اسيان ويقرب عليهم )
اسيان ل مايان : جهزتي ؟
مايان : اة من بدري
عزب : طب يلا بينا
مايان : اوك
عزب : فريدة خليكي ف اوضة اسيان عشان لما يرجع
فريدة وهي باصة ل مايان بحب : اة اوك
( يمشي عزب ووراه مايان واسيان وراهم ، يلف اسيان وهو ماشي يبص ل فريدة ويمشي لورا ، تبصله فريدة ، يبعد القميص يوريها الخربوش ، تلاقيه بان اكتر ومعلم ، يشاورلها إنه هيدبحها ، تتحرج وتعمله حركة اسفة بتاعة الصينيين ، يضحك اسيان من غير صوت ويعدل ماشيته ، تبتسم فريدة )
فريدة بصوت واطي : والله دة طلع عسل !
( يعدي الوقت ، فريدة قاعدة ف اوضة اسيان ، يرن فونها )
فريدة : الو
مها : ايه ي بت عاملة ايه ؟
فريدة : م الصبح بتصل بيكي مبترديش !
مها : كنت بجيب لماما حاجات م الهايبر ونسيت الفون ف البيت والله
فريدة : اهاا
مها : كان في حاجة ولا ايه ؟!
فريدة : لا خالص ، كنت عاوزة اقولك بس إني قاعدة ف اوضة اسيان موسى وإن انا الي ملبساه انهاردة
مهما اندهاش : ايه دة بتهزري ، قولي وربنا !
فريدة : وحيات ربنا
مها : دة ازاي دة ؟!
( تحكيلها )
مها : وكمان سلمتي ع ماياااااان لا مش مصدقاكي والله !
فريدة : طب افتحي ڤيديو هوريكي
مها : ماشي
( تفتح فريدة ڤيديو كول وتقوم تقف )
فريدة وهي بتلف ف الأوضة : اهو اوضة اسيان ودي هدومه الي كان لابسها ، مش بضحك عليكي والله
( يدخل اسيان وفريدة مش شيفاه عطياه ضهرها )
مها : لا عادي ممكن تكوني دخلتي من وراه مثلاً !
فريدة : لا طبعاً مقدرش ادخل كدة من غير م استأذن ، والله انا الي ملبساه
( يقرب اسيان ، تشوفه مها تتصدم )
فريدة : هكدب عليكي ليه اصلاً !
مها : اااااه !
فريدة : تاكي اوة
( يشاور ل مها بباي تشاورله بباي )
فريدة ب استغراب : بتهببي ايه !
مها بضحكة مكتومة : ولا حاجة !
فريدة : طب يلا هقفل بقا احسن زمانه قرب يخلص
مها : لا والنبي م تقفلي لأ !
فريدة : روحي بقااا هبقا اكلمك وانا مروحة ، باي
( تقفل فريدة ، تلف تخبط ف اسيان تلاقيه ف وشها ، تتخض )
فريدة : انت جيت !
اسيان : اممممم
فريدة  ب احراج : مخدتش بالي معلش !
( ميردش ويقرب ع المراية يفك زراير قميصه ويقلعه ، يخبط الباب ويدخل چان )
جان : ميكب
( يقعد اسيان ع الكرسي قدام المراية وچان يشيله الميكب ويمشي ، يقوم اسيان ياخد بنطلونه ويدخل التويليت يغيره ويغسل وشه ويرجع وعيون فريدة متبعاه ، يمسك فونه ، تمسك قميصه وتقرب عليه )
اسيان وهو ماسك الفون : انتي دراستك ايه ي فريدة ؟
فريدة : اعلام
( يبصلها ب استغراب )
اسيان : ودة ايه علاقته بالشغل الي انتي بتشتغليه هنا !
فريدة بتوتر : هوااا ملهوش علاقة يعني ، انا ملقتش شغل بشهادتي ف بقيت بشتغل ف اي حاجة افهم فيها بس
اسيان بفهم : اممممم ، اوك 
( يسيب الفون ، تلبسه القميص )
اسيان : تقدري تمشي مش هحتاجلك تاني
فريدة : اوك
( لسة هتمشي ....................... )
اسيان : اة فريدة
( تبصله )
فريدة : نعم ؟
اسيان : ابقي قصي ضوافرك ، لو سمحتي !
فريدة وهي بتبص ل ايدها : اة حاضر ، عن اذنك !
اسيان : اتفضلي
( تخرج فريدة مع دخول مايان ، تفضل بصالها بحب ، تدخل مايان وتقفل وراها ف وش فريدة )
فريدة : ايه قلة الزوق دي !
( تطلب فريدة اوبر وتمشي ، عند اسيان )
مايان : انت قلت لو خلصنا تصوير بدري هنتعشى سوا انهاردة
اسيان : وانا عند كلمتي
( تفرح مايان ، ياخد الفون )
اسيان : يلا بينا
( يمشوا ، عند فريدة )
فريدة ف سرها : الحمدلله مروحة بدري انهاردة ، مش هسمع كلام النيلة ايهاب
( يعدي الوقت ، مايان واسيان قاعدين ف مطعم )
المدير بفرحة : منورنا والله ي فنانين
مايان واسيان : تسلم ميرسي
المدير : تؤمروا ب ايه ؟
اسيان : شوية كدة وهنطلب
المدير : تحت امركم اي وقت ، عن اذنكم
اسيان : اتفضل
( يمشي المدير )
مايان : بقالنا ياما مقعدناش لوحدنا !
اسيان : انتي عارفة تصوير الفيلم دة اخد كل وقتنا
مايان بحماس : بس بجد هيكسر الدنيا انا متأكدة
اسيان : ب اذن الله
مايان : اظن بعد الفيلم دة المفروض ناخد اجازة طويلة
اسيان : اتمنى بجد
مايان : انت مخطط لحاجة تانية ولا ايه ؟
اسيان : لسة مش عارف
مايان : امممم ، وانا الي فكرت هتقولي نتجوز بقا
اسيان : تاني ي مايان ، احنا مش قفلنا الحوار دة !
مايان : من جوايا مش قادرة اقفله ي اسيان ، عمري م هنسى إني كنت ف يوم مراتك !
اسيان : كنتي ي مايان ، وكان عرفي واطلقنا وخلاص خلصت !
مايان : بس انا لسة بحبك
اسيان : وانتي برضو لسة غالية عندي مش هنكر دة
مايان بفرحة : يبقا خلاص نرجع بقا
اسيان : لأ ي مايان مفيش رجوع ، وياريت نقفل ع الحوار دة عشان مسبكيش واقوم
مايان بضيق : لا خلاص ، هسكت ي اسيان !
( تاني يوم ، يوصل اسيان اللوكيشن ، يدخل اوضته ، بعد دقايق ، يخبط باب الأوضة )
اسيان : ادخل 
( تدخل فريدة وف ايدها قهوة )
فريدة : صباح الخير
( لسبب ميعرفهوش اول م يشوفها يبتسم تلقائياً )
اسيان ب ابتسامة : صباح النور
( تقرب عليه تديله القهوة )
اسيان : شكراً
فريدة : العفو ، هتشرب القهوة وبعدين نجهز اوك
اسيان : اوك
( يشرب اسيان القهوة )
فريدة : حلوة ؟
اسيان : امممم
فريدة ب احراج : اصل انا الي عملهالك عشان كدة بسأل يعني
اسيان : حلوة
فريدة : بالهنا
( يلاحظ ضوافرها مقصوصة )
اسيان : قصيتي ضوافرك بجد !
فريدة : هو انت كنت بتهزر ؟!
اسيان : لا كنت بتكلم جد ، انا قصدي إنك فعلاً قصتيهم زي م قلتي ، فكرتك بتهاوديني !
فريدة : لا انا اول حاجة عملتها لما روحت إني قصتهم
اسيان : إنك ايه مش سامع م الماسك ، علي صوتك !
فريدة وهي بتقلع الكمامة : إني قصتهم
( يفضل باصصلها كان اول مرة يشوف وشها م الكمامة حنى صوتها بقا اوضح واحلى )
فريدة : مدام هأذيك اخليهم ليه !
( ميردش باصصلها )
فريدة ب استغراب : في ايه ؟!
اسيان : مفيش !
فريدة : طب يلا اشرب القهوة عشان متبردش
( يشرب القهوة ، ترجع فريدة الماسك ع وشها وتمسك فونها ، يفضل باصصلها وهي باصة للفون )
اسيان : فريدة
فريدة وهي بتبصله : نعم ؟
اسيان : هو انتي هنا مؤقتاً ولا هتفضلي ع طول ؟
فريدة : هو المفروض مؤقتاً بس محدش قالي لحد امتى
اسيان : امممم !
فريدة : اكيد لحد م يجيبه حد
اسيان : اة
فريدة : ليه بتسأل ، هو انت مش مرتاح معايا ؟
اسيان : لأ
( تتخض فريدة ، يقوم يقف قصادها ، تبصله )
اسيان : بالعكس ، عشان كدة بسأل
فريدة ب ارتياح واحراج : اة ، لأ مش عارفة هيعمله ايه معايا
اسيان : طب انا لو قلتلهم يخلوكي ، هتخليكي ؟
( تتخض فريدة )
فريدة : اخليني ع طول ؟!
اسيان : اة ، هتبقي معايا ف كل حتة ، كل بلد ، هتقدري ؟
فريدة ب ارتباك : مش عارفة ، مش عارفة بجد !
اسيان : انتي مش حابة كدة ؟!