قصة : ( مسحور بيك ) ل سهيلة سعيد المنجي

الحلقة ١٩ و ٢٠

قصة : { #بيك_مسحور } 💖🪄

الحلقة التاسعة عشر { ١٩ } 🎥

فريدة : شكله خلص شغل بدري ف جه ، وعشان كدة كلمتك ، قلت لو انت فاضي تعدي تاخدني بدل م اقعد معاه لوحدي
اسيان : انا مش عاجبني قعادك عند اختك اصلاً !
فريدة : ولا انا والله ، بس معنديش اختيارات تانية ، ي اختي ي اروح لبابا واقعد اتخانق مع مراته كل شوية !
اسيان : والله انا بسرع ف الفرح ع اد م اقدر بسبب الحوار دة
فريدة : متقلقش انا بعرف اصد اي حد واعرف احافظ ع نفسي كويس
( يركن اسيان ع جنب )
فريدة ب استغراب : وقفت ليه ؟!
اسيان : قصدك ايه بقا بكلامك ؟!
فريدة بعدم فهم : قصدي ايه ؟!
اسيان : معنى كدة إنه حاول يضايقك وانتي صدتيه !
فريدة بخضة : لا لأ مش قصدي كدة ، انا قصدي اطمنك !
اسيان بقلق : انتي كدة بتقلقيني اكتر !
فريدة بضحك : وصلتهالك بطريقة غلط والله ، بس مش دة قصدي
اسيان وهو بيشغل العربية : ماشي ي فريدة ، هانت
( تقعد فريدة متوترة ، يعدي الوقت ويوصله مطعم ويدخلوا يقعده )
فريدة : اسيان
( يبصلها )
فريدة : بالله عليك متزعلش مني
اسيان : انتي معملتيش حاجة تزعل ، انا بس خايف عليكي
فريدة : عارفة والله ، بس متخافش دة برضو جوز اختي ، يعني ميقدرش يأذيني ، انا زي اخته طبعاً
اسيان بتنهيدة : ماشي
فريدة : مش هتأكلني بقا ولا ايه !
اسيان : لأ
فريدة : هعزم نفسي عادي بفلوسي
اسيان : طب فل واعزميني معاكي
فريدة : لا ي بابا لوحدي ، انت قلت لأ
اسيان : معفنة اوي
فريدة : حصل ، يلا اطلبلي
اسيان : برضو !
فريدة : اهاا
اسيان : لأ
فريدة : ي رخم
( يبتسملها ، يرن فونه )
اسيان : دة بابا
فريدة : طب رد
اسيان : الو ، حبيبي عامل ايه ، انا الحمدلله والله ، اة برة مع فريدة بنتغدى ، بس كدة عنيا ، ماشي ، مع السلامة
( يقفل اسيان )
اسيان : بقولك ايه
فريدة : نعم ؟
اسيان : م تيجي ناخد الأكل ونروح ل
بابا نتغدى معاه
فريدة بحماس : ياريت انا نفسي اشوفه اوي
اسيان : اشطاا ، نطلب الأكل وناخده تيك اواي
فريدة : اشطاا
( يطلبوا الأكل وياخدوه ويمشوا ، يوصلوا تحت عمارة بابا اسيان ، ينزله م العربية ويطلعوا تاني دور ، يخبط اسيان ، يفتح بباه )
الاب بفرحة : اسياااان
اسيان : مساء الفل
( يسلموا عليه ويدخله وياكله سوا )
الاب ل اسيان : وحشني الشاي من ايدك
اسيان وهو بيقوم : بس كدة ، احلى كباية شاي حالاً
( يدخل اسيان المطبخ )
الاب : منورة ي فريدة
فريدة : الله يخليك دة نورك
الاب : الف مبروك ، اسيان باين بيحبك اوي
فريدة بكسوف : اة الله يبارك فيك
الاب : ربنا يتمملكم ع خير يارب
فريدة : يارب
( يسكتوا ، تقوم فريدة )
فريدة : هروح اساعده
الاب : اتفضلي ي حبيبتي
( تدخل فريدة المطبخ )
اسيان : حبيبي
فريدة : خلصت ؟
اسيان : اة مستني الماية
فريدة : بباك قمر اوي ، شبهك جداً
اسيان : اة انا شبهوا ، ووتين شبه ماما
فريدة : اة دة فعلاً
اسيان وهو بيقرب ع براد الشاي : هاتي كباية كدة
فريدة : حاضر
( تقرب ع رشاقة الكبايات متطولهاش ، تشب متعرفش تجيب ، يشوفها اسيان يضحك )
فريدة بغيظ : متضحكشيييي !
اسيان : هههه حاضر
( تحاول تاني ، يقرب اسيان وراها بيجيب الكباية ، تتخض من قربه وتلف تلاقيه ف وشها )
اسيان : معلش معملناش حساب القصيرين
فريدة ب ارتباك : اة !
( لسة هتبعد ، يحاوطها ب ايده الأتنين )
فريدة : ايه !
اسيان : ايه ؟
فريدة وهي بتحاول تزق ايده : اوعا ايدك !
اسيان وهو بيشيل ايده : اتفضلي
( لسة هتمشي يحط ايده تاني تخبط فيها )
فريدة : خطوة كمان وهنده بباك !
اسيان : بتتحامي ف ابويا !
فريدة : حصل
اسيان : ماشي
( يبعد ويصب الشاي ويطلعوا يكمله قعدتهم مع بباه ، تعدي الأيام ، يوم كتب الكتاب ، ع البحر ، كوشة صغيرة بالورد الأبيض ، قاعد اسيان وفريدة وبابا فريدة وبابا اسيان والمأذون بيكتبوا الكتاب ، معازيم معينة موجودة وبعض الفنانين ، مايان قاعدة ع ترابيزة ، تقرب عليها وتين )
وتين : وعملالي فيها بتحبيه ، دة بيكتب كتابه وانتي عليكي كمية برود مش ع حد !
مايان ب ابتسامة خبيثة : اتقلي ي حبيبتي ، اتقلي
وتين : مش فهماكي صراحة !
مايان : لما تكبري هتفهمي
( تبصلها ب استغراب ، المأذون يكتب الكتاب ، تزغرط الستات والناس والصحافة بتصور ، اسيان يحضن فريدة ويقفوا ع البحر يعملوا سيشن وتبدأ الأخبار تنزل ف كل مكان ، تعدي الأيام ، فريدة قاعدة ف اوضتها بتكلم اسيان ف الفون )
فريدة : ههههه لا بس اختاروا صور حلوة اوي والله
اسيان : عشان انتي فيها بس
فريدة بحب : حبيبي
اسيان : اخيراً باقي اسبوع بس ع الفرح ، مش مصدق والله إنك هتبقي معايا ف بيت واحد !
فريدة : ولا انا مصدقة إني هبقا مراتك
اسيان بضحك : هتبقي مراتي ، انتي هبلة ي بت انا جوزك ، انتي نسيتي ولا ايه !
فريدة : هههههه لا والله ، بس مقتنعة إننا مخطوبين ولسة الفرح جاي
اسيان : ي بت انتي مراتي !
فريدة : هههههه
اسيان : كنتي بتعملي ايه بقا ؟
فريدة : ولا حاجة كنت بكتب الميكب الي ناقصني عشان ابقا انزل اجيبه
اسيان : اولاً انتي مش محتاجة ميكب انتي قمر لوحدك ، ثانياً انا عاملك جزء خاص ف اوضتنا للميكب بتاعك وغرقتهولك ميكب عشان لو حبيتي تتسلي ولا تعملي اي حاجة حباها
فريدة بفرحة : قول والله ؟!
اسيان : والله ، وهننزل انا وانتي نجيب الهدوم الي تحبيها
فريدة : لا م انا جيبت الهدوم خلاص
اسيان : نجيب تاني مش مهم
فريدة : لا انا هاخد ع الدلع دة !
اسيان : خدي براحتك ، هو انا ورايا غيرك
فريدة : حبيبي انت والله
اسيان : فاطمة جت ؟
فريدة : لأ لسة
اسيان : انتي لوحدك ؟
فريدة : اة
اسيان ب ارتياح : اوك
( يرن فون فريدة بمسچ )
فريدة : حبيبي خليك معايا
اسيان : اوك
( تفتح فريدة المسچ ع الواتساب من رقم غريب وبعت المسچ وعملها بلوك ، تلاقيه ڤيديو ، تستغرب ، تفتحه ، تتخض وتحط ايدها ع بؤها والفون يقع من ايدها ، ترجع تاخده وجسمها كله بيترعش ، تقفله بسرعة )
اسيان : فريدة !
( تنزل دموعها وتعيط ، يسمعها اسيان )
اسيان ب استغراب : فريدة ، في ايه ؟!
( تقفل السكة ، يتخض اسيان ، يتصل تاني ، تكنسل عليه وتقفل الفون خالص ، يتصل اسيان يلاقيه مقفول ، يتوتر مش فاهم حاجة )
اسيان بقلق : في ايه بس !
( عند فريدة ، نايمة ع السرير ودافنة وشها ف المخدة وعمالة تعيط بحرقة ، يفضل اسيان يتصل مقفول وللأسف معهوش ارقام اي حد ، يقوم اسيان يلبس وينزل ، يعدي الوقت ، ف بيت فريدة ، يرن جرس الباب ، تقوم فريدة وتمسح ف دموعها وتحاول تتماسك عشان اختها ، تقرب ع الباب وتفتح ، تلاقي اسيان )
اسيان ب قلق : مالك في ايه ، حصل ايه ؟!
( تفضل بصاله ودموعها بتنزل )
اسيان وهو بيقرب عليها : فريدة ردي عليا مالك ؟!
( تقلع فريدة الخاتم وتمسك ايده تحطه فيه ، يتخض اسيان )
اسيان : ايه دة !!
فريدة : دة كل الي بينا ، كل وعد وكل كلمة حلوة !
اسيان : فريدة ....................
فريدة : حط عليهم بقا كل كدبة ، كل مشهد مثلته عليا ، كل حرف حلو طلع منك وانت مش قاصدني بيه !