قصة : ( مسحور بيك ) ل سهيلة سعيد المنجي

الحلقة ٧ و ٨

قصة : { #بيك_مسحور } 💖🪄

الحلقة السابعة { ٧ } 🎥

عزب : تقدري تمشي بعد م تخلصي ، بس هنكون ع تواصل بقا ف اي شغل تاني
فريدة : إن شاء الله
عزب : يلا باي
فريدة : باي
( يمشي عزب ، تتنهد فريدة وتقعد ع الكنبة زعلانة ، يعدي الوقت وييجي الليل ، ف بيت فريدة ، قاعدة ف اوضتها ، يرن فونها ، تمسكه )
فريدة : اهلاً ي نجم
اسيان : اهلاً ي قمر
فريدة : ههههه عامل ايه ؟
اسيان : الحمدلله ، يعني مفيش امل تيجي خالص ؟
فريدة : هههههه برضو ، والله م هيرضوا انا عارفة اهلي كويس
اسيان : طيب حاولي لحد م تيجي بكرة يمكن يوافقوا
فريدة : صحيح انا مش جاية بكرة
اسيان ب استغراب : ليه ؟!
فريدة : استاذ عزب اداني حسابي وقالي مجيش تاني خلاص ، عشان من بكرة هيجيبولك لبيس جديد عشان لو عجبك هيسافر يكمل معاك
اسيان : كدة من نفسهم ، من غير م يقولولي !
فريدة : مش عارفة والله ، هو دة الي قالوهولي !
اسيان : طب اقفلي ي فريدة ، سلام
( يقفل اسيان ، تستغرب فريدة ، عند اسيان ، يتصل ب مصطفى )
اسيان : انت فين ، طيب نازلك ، لما اجي اقفل
( يقفل اسيان ويطلع من اوضته ينزل تحت ، مصطفى ف المطبخ واقف بيعمل نيسكافيه )
مصطفى بقلق : في ايه ؟!
اسيان : عرفت إن عزب هيغير فريدة ويجيبلي لبيس تاني من بكرة ؟
مصطفى : لا معرفش محدش قالي ، بس وحتى يعني ايه المشكلة ؟!
اسيان : طبعاً مشكلة ، انا اتعودت ع فريدة ومش هعرف اتأقلم ع حد غيرها 
مصطفى وهو بيحط الماية ف الماج : ي بني اتأقلمت ع ايه دي لبيسة ، يعني بتلبسك هدوم الشخصية الي بتمثلها وتروح !
اسيان : بقالها معايا اكتر من اربع شهور بشوفها فيهم كل يوم وتقولي لبيسة ، دي بشوفها اكتر م بشوف امي ي عم ! 
مصطفى : ايوة يعني نبقا ناخدها معانا البيت ولا نعمل ايه انا مش فاهمك !
اسيان بضيق : مصطفى بطل تريقة عشان انا ع اخري
مصطفى : طيب فهمني ايه الي مضايقك دلوقتي !
اسيان : عرف جميل وعزب إني مش هكمل الفيلم دة بلبيس تاني غير فريدة
مصطفى : بس هي قالت مش هتقدر تسافر دة الي اعرفه ، ف قالوا هيجيبوا غيرها ف المغرب !
اسيان : اتصرف انت مش مدير اعمالي !
مصطفى بحيرة : ايوة بس ...................
اسيان : مصطفى انا مش هكمل الفيلم بحد تاني بجد
مصطفى بخضة : ايه !!
اسيان : زي م سمعت
مصطفى : اسيان انت واعي بتقول ايه ، عاوز تأجل شغلك عشان اللبيسة مش هتكمل معاك !
اسيان : انا مقلتش هأجله ، قلت مش هكمل ، يعني هلغيه
مصطفى ب انفعال : احيه عليك ي بني انت هتجنني ، دة الفيلم قرب ينتهي ، الفيلم دة عارف هيوصلك ل ايه لما يتعرض ، دة هينقلك ناقلة عالمية !
اسيان : مش عاوزها مش محتاجها
مصطفى : لا تعلالي بقا ي فنان
( يطلع مصطفى الأنتريه ، يتنهد اسيان ويروح وراه ، يقعده )
مصطفى : ايه بقا ؟
اسيان : ايه ؟
مصطفى : مالك متمسك ب فريدة كدة ليه ؟!
اسيان : عشان اتعودت عليها
مصطفى : بقولك ايه ي اسيان ، بلاش ونلف وندور ع بعض
اسيان : مبلفش وادور
مصطفى : لا بتلف وبتدور وجامد كمان !
( يتنهد اسيان بزهق )
مصطفى : جيبلي م الأخر عشان اعرف اساعدك
اسيان وهو بيقوم : بقولك ايه ي درش انا قلت الي عندي ودة اخري ، ومش جاي تصوير بكرة إلا لما تتصرفوا بقا مع بعض وتشوفلكم حل سوا كدة
( يطلع اسيان اوضته ، يتنهد مصطفى ، يمسك الفون )
مصطفى : الو
جميل ب استغراب وهو بيبص ف ساعته : ايه ي مصطفى ، في حاجة ولا ايه ؟!
مصطفى : اة في
جميل : في ايه ؟!
مصطفى : في مصيبة
جميل بقلق : ي بني قول في ايه متبوظش اعصابي !!
مصطفى : اسيان مصمم ع فريدة ومش عاوز لبيس تاني
جميل : طب م البنت قالت اهلها مش هيوافقوا ع السفر !
مصطفى : بيقول اتصرفوا وإلا مش هيكمل الفيلم ومش جاي التصوير بكرة
جميل بخضة : اييييه !!
( ف بيت فريدة ، قاعدة ف اوضتها ، تدخل اختها )
فاطمة : عاملة ايه ؟
فريدة : الحمدلله ، تعالي
( تروح تقعد قصادها ع السرير )
فاطمة : انتي كويسة ؟
فريدة : اة !
فاطمة : بصي انا وقتها معرفتش اكلمك ، بس انا شوفتك يوم م جيت وانتي بتاكلي مع ايهاب وكان وشك مقلوب زي م تكوني قاعدة بتاكلي غصب عنك !
فريدة : لا انا بس مكنتش جعانة ، انا اكلت عشان ايهاب صمم بس
فاطمة : ودة الي مضايقك ؟
فريدة : لا طبعاً وهيضايقني ليه ، انا بس في عندي دربكة ف الشغل
فاطمة : ليه كدة ؟!
فريدة : باقي الفيلم هيتصور ف المغرب وطبعاً انتي فاهمة ولا ايهاب ولا بابا هيوافقوا
فاطمة : ملكيش دعوة ب ايهاب هو ميخصوص ، لو بابا وافق يبقا خلاص
فريدة : مظنش هيوافق
فاطمة : انا هكلمهولك ، وروحي وشوفي حياتك ومستقبلك
فريدة بفرحة : بجد ي فاطمة هتكلميه ؟!
فاطمة : ايوة ، سيبي الحوار دة عليا
فريدة وهي بتحضنها : ربنا يخليكي ليا ي قلبي يارب
فاطمة ب ابتسامة : حبيبتي
( عند اسيان ، ف اوضته بيتكلم ف الفون )
جميل : ي اسيان الفيلم متكلف ملايين المنتج هيلطملي ، مينفعش الي انت بتعمله دة ، توقف فيلم عشان لبيسة !!
اسيان : والله ف ايدك إنه ميقفش
جميل ب انفعال : البنت اهلها مش موافقين انا هعمل اييييه ؟!
اسيان : هتعرف تتصرف ي جميل انت مش هتغلب ، صلي ع النبي كدة واهدى
جميل بتنهيدة : عليه الصلاة والسلام
اسيان بضحك : انت مسيحي ي عم !
جميل : م انت هتخرجني عن ملتي قريب !
اسيان : ههههههه
جميل : طب تعالى بكرة وهنحلها سوا
اسيان : مش جااااي ، حلها الأول
جميل : ماشي ي اسيان ، بس ابقا افكرها
اسيان : حاضر 
جميل : طب بص
اسيان : أأمر ؟
جميل : تعالى بكرة نخلص الي ورانا بدري بدري والمشهد الي فاضل وبعدها نروح انا وانت نتكلم مع فريدة واهلها نقنعهم
( يسكت اسيان )
جميل : م انا مش هعرف اقنعهم لوحدي
اسيان : طيب ، ماشي
جميل : هستناك بكرة ، اوعا متجيش
اسيان : جاي
جميل ب ارتياح : ماشي سلام
اسيان : سلام
( تاني يوم ، فريدة واختها عند بباها قاعدين معاه )
الاب : كدة مبتسألوش عليا
( تحط مرات ابوهم العصير ع الترابيزة قدامهم )
فاطمة وهي بتبصلها : الله يجازي الي كان السبب
شادية بقرف : منورين ي بنات
فريدة وفاطمة : دة نورك
الاب : عاملة ايه ي فريدة ف شغلك ؟
فاطمة : مهو دة الي احنا جاينلك عشانه
الاب بقلق : خير كفا الله الشر ؟!
فاطمة : فريدة شغالة لبيسة ل اسيان موسى
الاب ب اندهاش : لا والله !
فاطمة : ايوة
الاب ل فريدة : انتي مش قلتي بتظبطي لبس الناس الي بتطلع تتحرك ف الفيلم ؟
فريدة : ايوة دة كان الأول بس اللبيس بتاع اسيان جاتله كورونا وحطوني بداله بقالي حوالي اربع شهور معاه ، ودلوقتي باقي الفيلم هيتكمل تصويره ف المغرب ف لازم اسافر
الاب : تسافري لوحدك ؟!
فريدة : ا .....................
فاطمة : لا طبعاً لوحدها ايه ، دي مسافرة مع الفيلم كله ، المخرج والمنتج والمصورين والممثلين ستات واطفال وكل الفيلم ستات ورجالة
الاب بقلق : بس انا اخاف عليكي تكوني لوحدك ف بلد تانية لأ !