قصة : ( مسحور بيك ) ل سهيلة سعيد المنجي

الحلقة ١٥ و ١٦

قصة : { #بيك_مسحور } 💖🪄

الحلقة الخامسة عشر { ١٥ } 🎥

( يدخل عزب )
مايان : خلاص انا خلصت والله
عزب : لا ع مهلك ، انا بس عاوز ابلغك إن في شوت اتلغى
مايان : طب ماشي ، انهوا ؟
عزب : البوسة
مايان بخضة : لا والله !
عزب : اة
مايان ب استغراب : طب ليه ، اشمعنا ؟!
عزب : اسيان مش عاوز ، بيقول معادش هيعمل مشاهد من دي
مايان بخضة : كمان اسيان الي لاغيه !
عزب : اة
مايان ب احراح : تمام ي عزب اوك !
عزب : تمام
( يمشي عزب ، قاعدة مايان ع اخرها مش عشان الشوت اتلغى بس عشان اسيان الي لغاه ودة حرجها ، تجيب اخرها )
مايان وهي بتزق البنت : اوعي كفاية
( تقوم مايان تطلع من اوضتها ، ف اوضة اسيان ، واقف خلاص خلص وواقفة فريدة بتحاول تربط فيونكة ف كم الشميز بتاعها )
اسيان وهو بيقرب عليها : وريني
فريدة ب احراج : لا لأ انا هعمله !
اسيان وهو بيشدها من ايدها : فريدااا ، بيني وبينك انتي حبيبتي مش لبيستي ولا انا ممثل ، اوك ؟
( تبتسم وتشاورله ب اة ، يربطهالها ، تدخل مايان مرة واحدة ، يبصولها ، تبصلهم ب استغراب ، لسة فريدة هتبعد يكمل اسيان )
اسيان : مش في باب يتخبط عليه !
مايان : دة ايه دة ، الممثل بقا هو الي بيساعد اللبيسة !
اسيان وهو بيسيب ايد فريدة : اة شفتي بقا
مايان : عوزاك
اسيان : خير ؟
مايان : فريدة اخرجي دلوقتي
فريدة : اة حاضر
( تمشي فريدة بسرعة ، يتضايق اسيان )
اسيان ب استغراب : في ايه ي مايان ؟!
مايان : انت ليه لغيت الشوت دة ؟
اسيان : اة بتاع البوسة ؟
مايان بغيظ : اة بتاع النيلة
اسيان : كدة مش عاوز اعمل مشاهد من دي تاني ، هو كان يلزمك ف حاجة ؟
مايان : لا ميلزمنيش ، بس مبقاش انا وافقت عليه بالعافية وتيجي انت ف الأخر تلغيه بسهولة !
اسيان : مهو المشهد دة بالذات مينفعش اعمله وانا مش عاوزوا ي مايان ، دة حتى هيبقا بارد اوي !
مايان بغيظ : انا مقلتلكش اعمله ، انا بقولك كان لازم تبلغني انا الأول
اسيان : دة كان لسة متضاف ، انا فكرتهم لسة مقالولكيش اصلاً !
مايان : لا قالولي ي اسيان
اسيان : خلاص ي ستي حقك عليا ، ولو عاوزة المشهد اوي كدة احنا ممكن نمثلوه ف الأوضة هنا ، هو انا اطول
مايان بكسوف وفرحة : اتلم وبطل هزار
اسيان : ماشي
مايان : خلصت ولا ايه ؟
اسيان : اة المفروض
مايان : اوك
( يخبط الباب وتدخل فريدة )
فريدة : استاذ عزب بيقول يلا اجهزوا
اسيان : طيب جاي
مايان : بقولك ايه ي فريدة
فريدة : نعم ؟
مايان : انا محتجاكي بعد التصوير ، البنت الي معايا نيلة اوي ، ف خلصي اسيان وتعليلي
( ييصلها اسيان )
فريدة بتوتر : اة حاضر !
( يقرب عزب )
عزب : يلا ي جماعة اتأخرنا
( تطلع مايان واسيان يكمله تصوير اخر مشهد ف الفيلم ، يعدي الوقت ، يخلص التصوير والكل يفرحوا ويسقفوا )
جميل : احتفالاً ب انتهاء التصوير ي شباب في حفلة هتتعمل بالليل ف قاعة الأوتيل ، الكل ييجي
الكل بحماس : ووووووووو
( بعد شوية ، يدخل اسيان وفريدة اوضته )
فريدة وهي بتفكله زراير القميص : مبروووك
اسيان : الله يبارك فيكي
فريدة : هنرجع بكرة كدة ؟
اسيان : اة ب اذن الله
فريدة : ب اذن الله
اسيان : هتيجي حفلة بالليل صح ؟
فريدة وهي بتقلعه القميص : اة هطلع انام شوية بس واقوم قبلها
اسيان : عاوزة تنامي ؟
فريدة : اة دماغي مصدعة اوي
اسيان وهو بيحط ايده ع خدها : سلامتك ي قلبي
فريدة : الله يسلمك
( يبوس دماغها ، تبتسم )
فريدة : هتكمل انت كدة ؟
اسيان : اة
فريدة : طيب وانا هروح اشوف مايان
اسيان : فريدة انا مش عاوزك تروحي
فريدة ب استغراب : ليه ؟!
اسيان : كدة متروحيش
فريدة : طب هي مش هتزعل !
اسيان : م تتفلق ، هي مكانش المفروض تطلبك اصلاً
فريدة : بس مينفعش مرحش ي اسيان ، هتزعل وانا مش عاوزة حد يزعل مني ، لازم اروح
اسيان بضيق : ماشي ي فريدة براحتك ، انا كدة كدة ماليش حكم عليكي
فريدة : لا والله م قصدي كدة خالص ، انا قصدي إنها ممثلة يعني ف انا مين عشان ارفض اروحلها ، هتفكرني بتكبر عليها ولا طنشتها !
اسيان : تمام ، براحتك برضو
( يدخل التويليت ، تتنهد فريدة ، يخبط الباب وتدخل بنت )
........... : فريدة مايان طلباكي لو خلصتي اسيان
فريدة : حاضر قوليلها جاية
............ : اوك
( تمشي البنت ، فريدة واقفة محتارة ، تقرب ع التويليت )
فريدة وهي بتخبط عليه : اسيان
( ميردش )
فريدة : اسيان انا رايحة ل مايان
اسيان : طيب
( تمشي فريدة تروح ل مايان )
مايان : كل دة !
فريدة : عبال م خلصت مع اسيان بس
مايان : طب خلصيني بقا
( تبدأ تغيرلها هدومها وتظبطها )
مايان : مبسوطة ف الشغل مع اسيان ؟
فريدة : اة الحمدلله
مايان : امممم ، بس ملاحظة إنك قريبة منه زيادة عن اللزوم !
( تتخض فريدة )
فريدة : لا عادي ، دة عشان شغلي بس !
مايان : ع العموم خلي بالك ، اسيان مش سهل ليوقعك ، وف الأول والأخر هو ممثل وانتي لبيسة
فريدة : انا عارفة حدودي كويس ، اسيان شخصية محترمة و ...................
مايان : هههههههه محترمة ، محترمة اوي بصراحة ، انتي مكنتيش بتابعي اخباره ولا ايه ، دة كان كل يوم مع واحدة شكل ، دة حتى الي كانت بتيجي تنضف اوضته مكانتش عاتقها ، شكله كدة بيغوى الطبقات الواطية ، اكمنهم سهلين وبينبهروا بيه بسرعة
( تبصلها فريدة بزعل واحراج )
مايان : لا انتي طلعتي هبلة اوي ي فريدة ، أأقصد طيبة
فريدة بضيق : انا برضو ليا شغلي وبس
مايان : انا واسيان مرتبطين
( تتخض فريدة وتبصلها )
مايان : بس مش قايلين عشان الصحافة وكدة
فريدة : اة !
مايان : وبصراحة عشان هو مقضيها ، ف شكلي هيبقا وحش اوي لو الناس عرفت ب ارتباطنا وإني ساكتة ع الي هو بيعمله دة
فريدة ب استغراب : وانتي ليه ساكتة ؟!
مايان : عشان لسة مش رسمي ، ف مش عاوزة ابوظ علاقتنا من دلوقتي
فريدة : اة ، ربنا يتمملكم ع خير
مايان : تسلمي ، ف خلي بالك ع نفسك بقا
فريدة : اوك ، انا خلصت كدة ، محتاجة حاجة تاني ؟
مايان ب ارتياح : لا خلاص امشي
فريدة : اوك 
( تمشي فريدة وهي مش شايفة قدامها من كتر م عيونها دمعت وبتحاول تتماسك ، تقرب ع اوضة اسيان ، تخبط وتدخل ، اسيان قاعد ع الكنبة وماسك الفون ، يبصلها )
فريدة بتماسك : انت محتاج مني حاجة تانية كدة ؟
اسيان : لأ !
فريدة : اوك ، هروح للشباب بنتجمع عشان نمشي
( يقوم اسيان يقف )
اسيان : قالتلك هنتجوز امتى انا وهي ؟
( تبصله ب استغراب ، يقرب عليها يقف قصادها )
اسيان : م تردي ، قالتك إننا مرتبطين وقربنا نتجوز صح ؟
فريدة ب استغراب : اة ، بس انت عرفت ازاي ؟!
اسيان : من قالبة وشك ، هي اصلاً بعتالك مخصوص عشان تقولك كلمتين يوتروكي من ناحيتي ويكرهوكي فيا ، وتخليكي تحرصي ف تعاملك معايا ، او اقلها تبعدي عني ، صح ؟
( تشاورله ب اة )
فريدة ب استغراب : بس انت عرفت منين إن دة الي هي هتقوله ؟!