قصة : ( مسحور بيك ) ل سهيلة سعيد المنجي

الحلقة ٢٧ و ٢٨

قصة : { #بيك_مسحور } 💖🪄

الحلقة السابعة والعشرون { ٢٧ } 🎥

( باصصلها اسيان ومصدوم من كلامها )
فريدة : انا بس كنت متشوشة م الي حصل ف وافقت
اسيان بعصبية : متشوشة ، متشوشااااااا !
فريدة : ي اسيان ......................
اسيان : انتي طالق
( تتصدم فريدة وتبرقله )
اسيان : حرام عليكي ، والله حرام عليكي ، منكوا لله انتوا الأتنين !
( يمشي م البيت ، تنزل دموع فريدة وتقعد ، يعدي الوقت ، ف شقة مصطفى ، قاعد بيتكلم ف الفون )
مصطفى : الله يخربيتك قلتيله ايه ، بقا هو دة الي اتفقنا عليه !
فريدة : م انا صعب عليا وهو بيتكلم ، انا كان هاين عليا اقوم اقوله حقك عليا انا
مصطفى بخوف : دة هينفخني وربنا هينفخني !
فريدة بعياط : طلقني ي مصطفى ، طلقني !
مصطفى بخضة : ينهار اسود !
( يرن جرس باب بيت مصطفى )
مصطفى وهو بيقوم : طب اقفلي دلوقتي هكلمك تاني ، باي
( يقفل مصطفى ويقرب ع الباب يفتحه ، يلاقيه اسيان )
مصطفى ب ابتسامة : حبيبي
( وفجأة ، بوكس ف وش مصطفى يوقعه ف الأرض )
مصطفى بوجع : الله يخربيت معرفتكم السودااااا !
اسيان وهو بيمسك ف خناق مصطفى : بتستغفلني ي بن ال *****
مصطفى : والله ي بني كله عشانك !
اسيان بزعيق وعياط : عشانيييييي ، عشاني ايه حرام عليك دة انا كنت بلعن نفسي كل يوم وبكرها عشان اذتها وانتوا متفقين عليا ، متفقين تبينوا اد ايه بحبها ولا اد ايه تذلوني وتعاقبوني عشان بحبها ، ي اخي ربنا ياخدك ربنا ياخدك
( يسيبوا ويقعد ف الأرض يعيط )
اسيان : عشاني ، عشاني ايه ، عشاني ايه انا خسرت مراتي وبيتي وكل حاجة ، جربت احساس إن يبقا حد ملكك ومتحرم عليك لمسه ، جربت احساس إنك تبقا متجوز ومراتك تقولك ابن خالتك طالبني للجواز وانا وافقت ، تعرفوا انتوا انا مريت ب ايه كل يوم وانا شايفني شخص زبالة وكداب ، وتقولي عشاني !
مصطفى وهو بيقرب عليه : اهدى طيب ، حقك عليا انا غلطان
( ياخده ف حضنه ، يزيد عياط اسيان ، يعدي الوقت ، يرجع اسيان البيت ، يعدي ع اوضة فريدة يلاقيها مفتوحة ، يستغرب ، يدخل يلاقي الدولاب مفتوح وواخدة هدومها ، يبتسم بيأس ويمشي ، ف بيت فريدة ، قاعدة مع اختها )
فاطمة : دة طلقك بجد ، انا فكرت مامته قالت كدة عبال م المشكلة تتحل !!
فريدة بدموع : لأ خلاص
فاطمة : طب انتي هتعملي ايه ؟!
فريدة : هنام ي فاطمة ، هنام
( تعدي الأيام وفريدة بتحاول ترجع حياتها زي م كانت ، ف اللوكيشن ، اسيان ف اوضته ، يخبط الباب )
اسيان : ادخل
( تدخل مايان )
مايان : صباح الخير
( ميردش عليها )
مايان : سمعت إنك طلقت فريدة ، كدة احسن صدقني هي مش شبهك
( يتنهد اسيان بزهق )
مايان : اسيان انا بكلمك !
اسيان وهو بيبصلها : وانتي الي شبهي ي مايان ؟
مايان : انت شايف ايه ؟
( يقوم اسيان يقف قصادها )
اسيان : انا شايف إنك لو اتنطتي انا عمري م هكون معاكي تاني ي مايان ، بالعكس ، وجودي مع فريدة وانفصالنا خلاني اتأكدت مليون ف المية إن انا وانتي منشبهش بعض ومينفعش نكون سوا !
مايان بغيظ : امممم ، تمام ، انا كدة كدة كنت جاية عشان اواسيك مش عشان اقولك نرجع
اسيان : لا شكراً والله
مايان : العفو
( تمشي مايان وتمسك الفون )
مايان : الو
وتين : ازيك ؟
مايان : زي الزفت
وتين ب استغراب : ليه كدة ؟!
مايان : مشي كل حاجة زي م كنا متفقين
وتين : دة ازاي يعني ، هو مش الموضوع خلص !
مايان : اعملي بس الي بقولك عليه
وتين : طيب !
( بعد شوية ، ف بيت فريدة ، فريدة ف اوضتها بتلبس ، يرن فونها )
فريدة : الو
وتين : ازيك ؟
فريدة : وتين عاملة ايه ؟
وتين : الحمدلله ، مبتسأليش يعني وانا الي فكرت بقينا صحاب !
فريدة : غصب عني والله ، الفترة الي فات كانت صعبة عليا
وتين : عارفة ، انا بس كنت عاوزة اقولك إني اخدت ميعاد من اخت اياد وعوزاني اروح اقعد معاها هي واياد ، وانا بصراحة مش عاوزة اروح لوحدي ، ف قلت اقولك تيجي معايا
فريدة : اكيد ي قلبي ، شوفي رايحة امتى وانا معاكي
وتين : ع بالليل كدة هنروح
فريدة : تمام ، هخلص شغلي واقابلك ونمشي
وتين : اوك
( يعدي الوقت ، فريدة ف اللوكيشن واقفة مع غدير )
غدير : والله ي بنتي اجدع حاجة عملتيها إنك نزلتي شغلك تاني
فريدة : ممنهاش فايدة القاعدة ي غدير
غدير : ب اذن الله ربنا يعوضك بالأحسن
فريدة : ب اذن الله
( يقرب اسيان ع اوضته ، يلمحها ، يتخض ويقف مكانه ، تلمحه فريدة ، يفضلوا باصين لبعض ، تدمع عيون فريدة ، تبص للأرض )
فريدة ل غدير : هروح اكمل شغل
غدير : ماشي ي قلبي
( تبص فريدة ناحية اسيان متلاقيهوش ، تروح تكمل شغلها القديم ، اسيان ف اوضته واللبيسة بتغيرله هدومه )
اسيان بتردد : هواا ايه الي جايب فريدة هنا ؟!
اللبيسة : رجعت شغلها من امبارح
اسيان : اة !
( يعدي الوقت ، تطلع فريدة م اللوكيشن بدري ، مستنياها وتين ، تقرب فريدة ع عربية وتين ، تركب ووتين تسوق ويمشوا ، ف الطريق )
فريدة : اخته قالتلك العنوان ؟
وتين : اة معايا
فريدة : متأكدة إنها هتكون موجودة صح ؟
وتين : ايوة طبعاً ، مهي الي بتكلمني اصلاً مش اياد
فريدة : تمام
( يعدي الوقت ، يوصلوا منطقة عادية ، تمسك وتين الفون )
وتين : ايوة ي احلام ، انا تحت العمارة ، هو الدور الكام ، تمام ، اة طالعين اهو ، باي
( تقفل وتين )
وتين : يلا مستنينا
فريدة : اوك
( ينزلوا م العربية ويطلعه اول دور ويخبطوا ، تفتح اخت اياد )
احلام : اهلاً اتفضلوا
( يدخلوا ، يلاقوا اياد قاعد ، يشوفهم يقوم يقف )
فريدة : ازيك ؟
اياد : الحمدلله ، اتفضلوا
( يقعده كلهم ، تقوم احلام )
احلام : وتين تعالي نعمل شاي
وتين وهي بتقوم : اوك
احلام بهمس ل فريدة : حاولي تعقليه ي فريدة ، احنا مش اد المشاكل
فريدة : حاضر
( تمشي وتين واحلام بس بدل م يدخلوا المطبخ يخرجوا م البيت كله وتقفل احلام الباب وراها بالمفتاح بالراحة وينزلوا جري ع تحت )
احلام : كلميها قوليلها إننا نزلنا
وتين وهي بتمسك الفون : اوك ، الو ، ايه ي مايان احنا نزلنا ، اة ، اوك باي
( فوق )
فريدة : ايه ي اياد ، مش ناوي تخلص الموضوع دة وزي م اتفقنا انا هقف جنبك فيه
اياد : والله انتي هتيجي وقت الجد ومش هتعرفي تعملي حاجة زي وتين
فريدة : مين قالك كدة ، انا وعدتك وهنفذ وعدي بس انت تقطع الورقة دي ، الي بيحب حد بيحبه ف الحلال ي اياد
اياد وهو بيقوم : والله انا بحبها
( يقعد جنب فريدة ع الكنبة ، تستغرب فريدة من قربه وتبعد شوية )
اياد : بس هو اخوها الي معقد الدنيا !
فريدة بقلق : قلتلك ملكش دعوة بيه ، انا هتكلم معاه !
اياد : يعني انتي هتخلصيلي الحوار دة ؟
فريدة : ا .......................  
( يرن فون اياد ، يقوم يمسكه ، يلاقيها مايان )
اياد بتوتر : ااا ثانية واحدة بس فون مهم !
فريدة : اوك
( يدخل اياد البلكونة ، تبص فريدة ناحية المطبخ وتتنهد )
اياد بصوت واطي : الو ، بتتصلي ليه افرضي كانت شافت اسمك ع الفون !
مايان : في تغيير بسيط كدة
اياد : تغيير ايه ؟!