قصة : ( مسحور بيك ) ل سهيلة سعيد المنجي

الحلقة ١٧ و ١٨

قصة : { #بيك_مسحور } 💖🪄

الحلقة السابعة عشر { ١٧ } 🎥

وتين : وانا معاكي ف اي حاجة
( يعدي الوقت ، عند فريدة ، بتكلم اختها ف الفون )
فاطمة : طب ومكانش قادر يستنى لما ترجعوا مصر ويتقدملك رسمي احسن م الفضايح دي !
فريدة : فضايح ايه بس ي فطوم ، دة اتقدملي قدام العالم كله ، ودة يثبت اد ايه هو بيحبني وعاوزني
فاطمة : ابوكي ع اخره ، بيقول فضحتينا وندمان إنه سابك تسافري لوحدك
فريدة بخضة : يلهوي ، طب فهميه ي فاطمة إنه لما ننزل مصر هيتقدملي رسمي والله
فاطمة : اقنعته والله إنه هو كدة خلاص اتربط بلي هو عمله دة ولازم ييجي يتقدم
فريدة : ايوة
فاطمة : متأڤوروهاش انتوا بس ع النت اكتر من كدة
فريدة : خلاص احنا راجعين بكرة اهو
فاطمة : ماشي ، خلي بالك من نفسك
فريدة : حاضر
( تاني يوم ، يركب الكل الطيارة ، غدير جنب فريدة )
غدير : والنبي ي شيخة متوتريناش زي المرة الي فاتت ، شفتي الموضوع سهل ازاي
فريدة بقلق : يخوف برضو !
( تطلع الطيارة ، تخاف فريدة وتمسك ف الكرسي جامد ، عند اسيان ، قاعد جنب مصطفى ، يقوم اسيان يقف ويوطي ع مصطفى )
اسيان ل مصطفى : بقولك
مصطفى وهو بيبصله : ايه ؟!
اسيان بصوت واطي : هاخد فريدة مكانك وخليك انت مكانها
مصطفى بخضة : نعم !
اسيان : يلا 
( يمشي اسيان )
جميل ب استغراب : هو راح فين ؟!
عزب : مش عارف !
( يلاقوه داخل وف ايده فريدة ، تتخض مايان ، يقوم مصطفى )
جميل : ايه ي فريدة لسة خايفة وانتي مع اسيان ؟
فريدة ب احراج : اكيد لأ
اسيان : اقعدي 
( تبصلهم مايان ومصطفى يروح يقعد مكان فريدة ع اخره ، تقعد فريدة وجنبها اسيان ، يمسك ايدها ، تبصله وتبتسم ب اطمأنان ، طول الوقت مايان مش شايلة عيونها من عليهم ، يلمحها اسيان ، يضير وشه ويبص ناحية فريدة ، تتغاظ مايان وتضير وشها ، يعدي الوقت ، يوصلوا مصر ، ينزل اسيان وف ايده فريدة ، يلاقوا الصحافة ماليين المطار ويقعده يصوروا فيهم )
اسيان ل عزب : خليهم يحطوا شنط فريدة مع شنطي عشان هوصلها
عزب : اوك
( عربية اسيان مستنياهم بالسواق ، يركب اسيان جنب فريدة ورا ومصطفى جنب السواق قدام )
اسيان : هنحدد يوم اعرفك فيه ع ماما 
فريدة : اوك
اسيان : بس ترتاحي م السفر الأول
فريدة : ماشي 
مصطفى : ربنا يتمم ع خير ي عرسان 
فريدة : ميرسي
اسيان : عقبالك ي درش
مصطفى : حبيبي
( يعدي الوقت وييجي الليل ، فريدة بتتكلم ف الفون مع صاحبتها ف اوضتها )
مها : انا لما شوفت الخبر ع الفيس مصدقتش وربنا !
فريدة : ولا انا ، انا اتصدمت ، هو اة قالي بيحبني بس متوقعتش يقول دة علني دلوقتي ويبقا فعلاً عاوزني
مها : الي مفرحني ف كل دة إنك فرستي الي اسمها مايان دي
فريدة : ولا نطقت ي مها ، معنى كدة إنها كانت بتحور عليا ف موضوع ارتباطهم دة وكان كلام اسيان صح !
مها : ايوة طبعاً هو فاهمها
فريدة : بس شكلها كانت بتحبه !
مها : وهو مين متحبوش ، دة انا من امبارح تليفوني مبطلش رن من صحابنا مش مصدقينك
فريدة : هههههه انا بس الي موترني مقابلتي مع مامته
مها : ليه كدة ؟!
فريدة بقلق : مش عارفة ، هي تمثيلها جامد كدة ، حساها مش هتتقبلني بسهولة !
مها : التمثيل غير الحقيقة طبعاً متقارنيش دة بدة ، اومال اسمه تمثيل ليه !
فريدة : برضو متوترة اوي 
مها : سبيها بقا بظروفها متحسبيهاش
فريدة : حاضر ، المهم عاملة ايه انتي ؟
مها : كويسة والله
فريدة : دايماً ي حبيبي 
( يرن فون فريدة )
فريدة : بت اسيان ع الويتنج
مها : طب كلميه
فريدة : اوك
( تقفل مها )
فريدة : الو
اسيان : جاهز ي باشا ؟
فريدة بضحك : لا نهائي
اسيان : ههههه ليه كدة ؟
فريدة : متوترة اوي وخايفة منها بجد مش هزار
اسيان : والله دي اطيب خلق الله ، دي اطيب مني انا شخصياً
فريدة : انت انا كنت مرعوبة منك اصلاً وقت م اشتغلت معاك ، وقلت ل عزب والنبي بلاش انا عاوزة اروح سليمة
اسيان : ههههههه
فريدة : وربنا لولا إن هو الي صمم ، بس لقيتك بسكوتة والله
اسيان : شفتي بقا متاخديش بالمظاهر
فريدة : ايوة عندك حق
اسيان : ايوة
فريدة : بس انت قلبتك وحشة اوي !
اسيان : لا الي حصل دة عشان كنت متضايق بس لكن مكنتش قالب عليكي ، انتي لسة مشفتيش قلبتي
فريدة : انت بتخوفني اكتر ولا ايه !
اسيان : ههههه لا والله مش قصدي
فريدة : ع العموم انا قدها وهعمل كل الي اقدر عليه عشان اخليها تحبني
اسيان : ابنها وقع وحبك يبقا اكيد هي كمان هتحبك
فريدة : هههههه
( يخبط باب اوضة اسيان )
اسيان : ثواني
فريدة : اوك
اسيان : ادخل
( تدخل وتين )
وتين : فاضي ، عاوزة اتكلم معاك
اسيان : اة ي حبيبتي تعالي ، هكلمك تاني ، باي
( يقفل اسيان ، تدخل وتين تقعد قصاده بتوتر )
اسيان بقلق : مالك ؟!
وتين : لا ماليش ، كنت بس عاوزة اخد رأيك ف حاجة
اسيان : حاجة ايه ؟
وتين : هو من فترة بس قلت استناك تخلص الفيلم الأول عشان تبقا دماغك رايقة يعني
اسيان : طب قولي !
وتين : هو لو مثلاً حد يعني زميلي ف الكلية وكدة ، لو عاوز يتقدملي مثلاً ، انت هتوافق وانا لسة بدرس ولا هترفض ؟
اسيان بفهم : امممم ، هو حد عاوز يتقدملك ؟
وتين بخضة : لا لأ انا بسألك بس
اسيان : اة ، انتي عارفة إن مدام بتدرسي صعب اوافق ع حد يشغل بالك ويعطلك عن دراستك
وتين : لا والله مش هيعطلني عن دراستي
اسيان : يبقا في حد !
وتين : بصراحة اة ، هو زميلي ف الكلية وعاوز يتقدملي ، ف انا قلتله إنك هترفض ، ف طلب مني اسألك برضو
اسيان : طب كويس إنك عارفة رأيي
وتين : بس هو بني ادم كويس والله ي اسيان !
اسيان : مهما كان كويس ي وتين ، صاحب بالين كداب !
وتين بحزن : ايوة
اسيان : ف ب اذن الله تخلصي دراستك وانا اوعدك إن اول واحد يتقدملك هوافق ع طول مدام انتي موافقة
وتين بضيق : ماشي ، تصبح ع خير
اسيان : وانتي بخير
( تقوم وتين تمشي ، تدخل اوضتها متضايقة وزعلانة ، تمسك فونها )
اياد : الو
وتين : ايوة ي اياد
اياد : ايه عملتي ايه ؟
وتين : زي م قلتلك ، موافقش
اياد بخضة : لا بجد !
وتين : والله
اياد : قالك ايه ؟
وتين : قالي بعد دراستك عشان متشغليش بالك وتهمليها 
اياد : امممم ، وانتي ايه رأيك بقا ؟
وتين : رأيي ف ايه مهو قال لأ خلاص ، رأيي مالوش لازمة
اياد : لا ليه لازمة طبعاً ، كان المفروض تقوليله إننا بنحب بعض وإنك عوزاني !
وتين بخضة : انت اتجننت مقدرش اعمل كدة طبعاً !
اياد : جُبنك دة الي هيودينا ورا ، في ايه مهو شغال الله ينور مع دي حبة ودي حبة وخطب وهيتجوز ، هو حلال ليه وحرام لينا !
( متردش وتين مش عارفة تقول ايه )
اياد : انتي عوزاني ولا لأ ي وتين ؟
وتين : عوزاك طبعاً
اياد : يبقا لازم تعملي حاجة
وتين : اعمل ايه طيب قولي !
اياد : تتكلمي معاه تاني وتقوليله إنك بتحبيني وإنك مش هتستني ٣ سنين عشان اخطبك ، دة كتير اوي !
وتين بخوف : مقدرش اعمل كدة ، معرفش رد فعله هيكون ايه !
اياد بتنهيدة : ماشي ي وتين
( تاني يوم ، ف بيت اسيان ، قاعدة فريدة مع اسيان ف الأنتريه ، فريدة عمالة تهز ف رجليها )
اسيان : يخربيت كدة وترتيني بس !
( يمسك ايدها )
فريدة بضحك : اسفة
اسيان : والله الحكاية مش مستاهلة كل التوتر دة !
فريدة : لا انا فل والله خلاص
( تنزل مامة اسيان ، يشوفوها يقوموا يقفوا ، تقرب عليهم )
روفيدا : صباح الخير
اسيان وفريدة : صباح النور
روفيدا وهي بتسلم ع فريدة : ازيك ي فريدة ؟
فريدة : الحمدلله ، حضرتك عاملة ايه ؟
روفيدا : بخير الحمدلله ، اتفضلي
( يقعده )