(من دون دليل )...

Part (2)جريمة او ليست جريمة...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (من دون دليل )...

#الكاتبة_نمارق_الاسدي

#الكاتبة_نمارق_ميثم

#الكاتبة_N

أين البداية و أين النهاية 🌿✨...

____________________________________

جريمة او ليست جريمة (2)...

ابابيل...
حسيت بلمسات على وجهي فتحت عيني كان بابا صافن عليه بعين مدمعه بلعت ريكي و بجيت بسرعه حظني وضليت ابجي بصدره و هو يمسد على راسي و يقرا ايات قرانية حتى اهدءصدك شويه و هدئت دخلت الدكتورة علينا هي و رقيه الي بس تبجي..

الدكتورة: ابابيل رح يدخلون الشرطة يردون يحققون وياج علمود القضية ...

بابا: ما ممكن يتاجل التحقيق؟؟..
الدكتورة: لا و الله لازم اليوم ردت انو ااجله بس مقبلوا خصوصا همه يعرفوها لابابيل و اغلبهم زملائها ...
بابا: هاهي ...

ابابيل...

كنت حاظنة بابا قوي و بخوف دخلوا للغرفه ضباط ثلاثة كعدوا على الكراسي بقوا يمي بابا و رقيه و الدكتورة حجه واحد بيهم ...

....: وياج الضابط مهند ست ابابيل ما اعتقد تذكريني اشتغلنا سابقا سويه ...
ابابيل...مجاوبته شيء احس اكو شيء بيه منكسر حتى شغلي كرهته لان معندي قوة مثل السابق ...

مهند: ست ابابيل لازم تحجين الي صار وياج حتى نكدر نبحث عن المجرمين و تاخذين حقج...
ابابيل...صارت عيوني دمع بلعت ريكي : ما اذكر شنو الي صار لان انضربت على راسي ...

مهند: يعني نغلق القضية؟؟..
ابابيل: مادري مدا اذكر الي يحتمه عليك القانون سوي ...

مهند: القانون يكول اذا معرفت الجاني او أي دليل لوجود مشتبه بهم معناها تنغلق القضية ...
ابابيل(بخنكة): هاهي سوي مثل ما يكول القانون ...

مهند: ست متاكدة ما متعرضة لتهديد؟؟..
ابابيل( بلعت ريكي سكتت شوية): أي متاكدة ...
الدكتورة: أستاذ مهند اذا هاي اتركها هسه و اكيد اذا تذكر شيء رح نوصل الكم خبر..

مهند: هاهي تمام عندج العافية ست ابابيل و أي شيء تذكري ياريت تنطينا علم مع السلامة ...

ابابيل....

طلع الضابط مهند رجعت بجيت بحظن بابا و هو يمسد على راسي و يهدي بيه رقية هم بقت يمي حسيت روحي رح اغفي و صدك نمت بحظن بابا لحد ما حسيت جسمي مشنج و اكو طبيب يحاول يفحص عيوني شهكت مخترعة هو راسن حاول يطمني...

الطبيب: لتخافين اني دا اسويلج فحوصات و هذه يمي رقيه صارت عندج حاله عصبيه و تشنجتي اثناء النوم لذلك دافحصج اني دكتور أعصاب ...
ابابيل...حولت نظري اتجاه رقيه الي واكفه يمه تراقب حالتي بس بابا ماكو حجيت بصوت مبحوح: رقيه بابا وينه ؟؟؟..