(من دون دليل )...

Part(4)مشرط..

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (من دون دليل )...

#الكاتبة_نمارق_الاسدي

#الكاتبة_نمارق_ميثم

#الكاتبة_N

هناك دليل على كل جريمة🥀...
حتى و ان كان المجرم خارق الذكاء🍁...

#خواطر_بقلمي
____________________________________

البارت الرابع (مشرط)...

أبابيل...

وصلت لموقع الجريمه كان بيت بعيد شويه بس بمنطقه شعبيه دخلت للبيت الي بي الجثة الريحه مال البيت كلش مقززه بحيث لعبت نفسي و طلعت من المكان انطاني واحد من الشرطة الي ويايه كمامه لبستها و رجعت دخلت كان مهند واكف يم الجثة صافن عليها رحت عليه...

ابابيل: سلام عليكم أستاذ مهند...
مهند: عليكم السلام تدرين هذه ثاني جثة بعد مرور أسبوع على الجثة الي قبلها ...
ابابيل: المشكله انو ماكو دليل يثبت هذه جريمه قتل..

مهند: ما اعرف شنو اكلج بس الي دا افهمه من خلال خبرتي انو جريمه قتل مخفيه..
ابابيل: الله كريم خليهم ياخذوها للجثة للمشرحه حتى اباشر بشغلي ...

مهند: رح تكدرين ويه هذه الريحة؟؟؟..
ابابيل: اثناء عملي انسى كل شيء...
مهند: الحلو بيج انو ما فد يوم لاحظت الخوف بعيونج من يوم الي اشتغلت بي وياج لحد هسه ...
ابابيل: شغلي يحتم عليه هذا الامر اذا امكن انطيهم خبر حتى ياخذون الجثة من يخلص كشف الدلالة...

اخذوا الجثة و اني هم رحت وياهم للمشرحة لان مهند راد التقرير سريع حتى يثبت جريمة قتل او لا..
حطوا الجثه على سدية التشريح لبست ملابس التشويح و وكفت يم الجثة صفنت عليها اخذت مشرط مالتي اشتراه بابا الي يوم الي تعينت بالتشريح...

( مشهد لتشريح جثة🚫)...

حطيت المشرط على الجثة و فتحت منطقة الصدر دخلت ايدي للأعضاء حاولت اطلع الكبد من طلعته كان كله مشمع اصلاً منتهي و هذه احد اسباب شرب ممنوعات سواء مخدرات او خمر اكرمكم الله...

بعدها اخذت من دمه و حطيته بتحليل المختبر بعدها رحت على جهه راسه فتحت منطقة الدماغ و اخذت جزء من دماغ و الخلايا الي بيها و حطيته بعلبه بصف دماغ الجثة السابقة...

بعد ما خلصت شغلي بحركه مني غلط وكع المشرط من ايدي و ضليت ادور عليه ماكو عفته لان تعبانه مالي واهس ادور...

رحت على الحاسبه سويت تقرير كامل الجثه خلصت التقرير حطيته بصفي على الميز صفنت عليه و نفسي صار يصعد و ينزل فجأة انهاريت بالبكاء صرت ابجي بصوت عالي كل شيء صار ويايه مر من اليوم المشؤم...