قصة جديدة (من دون دليل)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
✨مغامراتي لن تنتهي...
✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
_________________________
المشهد الاول :
دخلت للبيت الي بي الجثة الريحة مال البيت كلش مقززه بحيث لعبت نفسي و طلعت من المكان انطاني واحد من الشرطه الي ويايه كمامة لبستها و رجعت دخلت كان المقدم واكف يم الجثه صافن عليها رحت عليه....
......: سلام عليكم سيادة المقدم...
......: تدرين هذه ثاني جثة بعد مرور اسبوع على الجثه الي قبلها...
......: المشكله انو ماكو اي دليل يثبت انو جريمة قتل...
.....: ما اعرف شنو اكلج بس الي دا افهمه من خلال خبرتي انو جريمة قتل...
.....: الله كريم خل ياخذوها الجثه للمشرحة حتى اباشر بشغلي...
.....: رح تكدرين ويه هذه الريحة...
.....: أثناء عملي انسى كل شيء سيادة المقدم...
.....: الحلو بيج انو ما فد يوم لاحظت الخوف بعيونج من يوم الي اجيتي لحد هسه...
.....: شغلي يحتم عليه هذا الموضوع اذا امكن تنطيهم خبر حتى ياخذون الجثه من يخلصون كشف دلالة...
*************
المشهد الثاني:
فتحت الكاميرا الي صور كل جريمة سويتها شربت الجاي مالتي و اني اعاين شلون هذا الشخص ديصارع الموت تذكرت قبلها هواي صارعت موت اني محد اهتم بيه و بسببهم هذا الصراع بداخلي ابتسمت و اني اشوف هذا الشخص ديتألم...
اندكت الباب صحت ادخل اجه كعد يمي...
.....: ثالث جريمة خلال شهر الشرطه انثولت...
.....: ههههه بس احنا رتبنها قبل سنة يعني احنا مالنا دخل...
.....: المشكلة انو اكو شخص ديبحث بالموضوع...
.....: منو!!...
.....: خل اتأكد و اكلج بس اذا طلع الي ببالي صح اني اعالجه...
.....: لذلك اني حطيت ايدي بيدك و واثقه بيك...
.....: الله كريم...
***************
المشهد الثالث:
صرت ابجي بصراخ قوي بحيث احس الصرخة تطلع من قلبي و اتنفس سريع تقرب عليه يريد يهدئني لزمني من ايدي قاومته لكن الانهيار الي كنت بي ما انطاني قوة ابقى اقاومه حظني قوي و ضل يربت على شعري و ظهري لكن اني مكدرت اهدء احس اكو وجع بداخلي قوي مدا اعرف اسكنه ضليت على هذه الحالة ما اعرف شكد....
كعدني بالكاع و اني اشهك بالبجي اريد كل هذا يطلع حلم لكن الموقع الي كنت بي انطاني راشدي قوي انو اني مو بحلم لزم ايدي و حطها على قلبه ردت ابعدها بس هو ثبتها و كان اقوى مني دقات قلبه كانت سريعة لكن من حطيت ايدي عليها بدأت تهدء شويه شويه....
.....: خلصتي بجي!!!...
.....: شنو سبب الي ديصير...
.....: مو دائما الحياة المثاليه الي نرسمها لنفسنا تتحقق...
***************
المشهد الرابع:
فتحت الجثه بالمشرط الطبيب الي ويايه لعبت نفسه وكال...
......: بس اريد افهم انتي من وين جايبه هذه القساوة اني رجال و لعبت نفسي من الريحة و من المنظر....
......: دكتور لتلهيني عن شغلي هاي اولاً و ثانياً اني دا اشتغل ما اعتبر نفسي دا اشتغل بجثة اعتبر نفسي دا اشتغل بشي مثل من اطبخ لو من انظف و اريد يطلع كل شيء على اكمل وجهه و ثالثاً اذا تكدر تساعدني ابقى متكدر تساعدني تكدر تتفضل...
.....: العفو دكتوره مو قصدي...
بقى واكف يمي يساعدني و بدون ما يحجي..
اخذت المخ و كان تقريباً نصه خلايا ميتة منظرها مو غريب عليه و ركضت على الجثث الباقيه الي نفس هذه الجثة و انصدمت.....
يتبع للبارتات القادمة....
شونكم يحلوين شخباركم هذه مشاهد تشويقيه بسيطه للقصة اتمنى تعجبكم و تشوقكم للقصة القصة غريبه شويه و عندي بعض المشاهد الي مو الكل يتقبلها مشاهد التشريح او هيج شيء لذلك اني هسه نبهتكم و ان شاء الله من تكون هيج مشاهد اعلن عنها حتى متضوجون هاي اولاً...
ثانياً القصة حتكون قصيرة يعني احتمال ٢٠ بارت اذا مو اقل لان متتحمل القصة...
و ثالثاً القصة خيال واقعي علمي...
و رابعاً ما محدد شوكت النشر 🤣😂...
الي اطلبه منكم تصويت هنا و على قصة سلاح التوأم كلها و اذا وصلت ٥٠ الف مشاهده قصة سلاح التوأم احتمال انزل الكم بارت من هذه القصة لذلك صعدوها و صعدوا سلاح التوأم 😍❤️...
احبكم و اموت عليكم 🥰❤️...
#الكاتبة_نمارق_الاسدي
#الكاتبة_نمارق_ميثم
#الكاتبة_N
انتظروني😍....
أنت تقرأ
(من دون دليل )...
Mystère / Thrillerهناك جثة امرأة كبيرة بالسن هامدة ( متعفنه) في منزل صغير في زقاق من احد ازقة المدينة و لا يوجد دليل واحد على ان هناك جريمة قتل لا دماء ولا ادوات جارحة ولا شبابيك مفتوحة و لا حتى باب مهشمة... . . . . هل هي جريمة قتل ام موت طبيعي!!!... هل سوف تجد الشر...
