✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (من دون دليل )...
#الكاتبة_نمارق_الاسدي
#الكاتبة_نمارق_ميثم
#الكاتبة_N
حتى لو كنت انت المجرم سأحكم عليك⚖️🍁...
_____________________________________
البارت الخامس (الجثة الثالثة)...
أبابيل...
كلش استحيت من نفسي انو اتصنطت عليهم مبينت الهم هذا الشيء سويت روحي هستوني اجيت...
حيدر: ها حمد الله على السلامة دكتوره...
أبابيل: الله يسلمك بس ليش؟؟...
حيدر: مو جتني مجازه كالوت مريضه دا اتحمد الج بالسلامة..
أبابيل: اهاا دورت عليك ملكيتك كالوا هنا انت اجيت اشوفك شلونك ويه الشغل...
حيدر: الحمد لله...
أبابيل: اروح اني اخذوا راحتكم...
حسيت روحي ثقيله لان مهند ما حجه شيء ضجت كلت اخاف ضوجتهم عفتهم و رحت...
سمعت حيدر صاح اكثر من مره بس ما جاوبته سويت روحي احجي بالموبايل...
ويه دخلتي اجت السكرتيرة الي...
السكرتيرة: دكتوره أبابيل المدير حول الج هذه الجثه يريد تقريرها لان دكتور ميس طلعت و دكتور علي عنده شغل...
أبابيل: تمام حوليها الجثه للغرفة التشريح مالتي...
رحت لغرفتي بدلت ملابسي و رحت لغرفة التشريح شفت الغراض مخربطه كعدت اعدلهن و انظفهن شويه و دخلوا الممرضين الجثه و بعدهم دخل حيدر...
حيدر: ان شاء الله اتصال خير...
أبابيل(عاينته صفح): اكيد خير...
حيدر: اساعدج...
أبابيل: اي عادي...
بلشت بالشغل مال التشريح الوفاء كانت بسبب جلطه بالدماغ و اكو نوع دوه داخل للدم هو مسبب تجلط بالدم...
كتبت التقرير و حيدر يرتب الغراض دخل الضابط المسؤل عن هذه الجثه اجه يمي...
الضابط: سلام عليكم...
أبابيل: عليكم السلام أهلاً وسهلاً...
الضابط: دكتوره اهل الميت يردون يعرفون سبب الوفاة...
أبابيل: اكو نوع دوه داخل بدم الجثه مسبب الها تجلط بالدم و صايره جلطه دماغيه مسببه الموت..
الضابط: يعني نكدر نكول جريمة قتل؟؟
أبابيل: ممكن هيج و ممكن انتحار و ممكن الميت ما انتبه على نوع الدوه او اخذ جرعه غلط...
الضابط: تمام عاشت ايدج دكتوره اخذ التقرير و نرفقه مع شهادة الوفاة و الله كريم شكراً...
أبابيل: أهلاً وسهلاً تفضل...
انطيته التقرير و طلع كمت اني شفت مخلصه شغلي و معندي شيء رحت للمدير اخذت اذن منه و رجعت لغرفتي اخذت غراضي حتى اطلع شفت حيدر ديلعب بالموبايل انتبه الي...
حيدر: حطلعين؟؟..
أبابيل: اي محتاج شيء؟؟...
حيدر: لا بس اوصلج ليش طلعين وحدج...
أبابيل: ما اريد اتعبك...
حيدر: لا تعب ولا شي يله امشي...
أبابيل: يله اخذت غراضي اني...
أنت تقرأ
(من دون دليل )...
Gizem / Gerilimهناك جثة امرأة كبيرة بالسن هامدة ( متعفنه) في منزل صغير في زقاق من احد ازقة المدينة و لا يوجد دليل واحد على ان هناك جريمة قتل لا دماء ولا ادوات جارحة ولا شبابيك مفتوحة و لا حتى باب مهشمة... . . . . هل هي جريمة قتل ام موت طبيعي!!!... هل سوف تجد الشر...
