(من دون دليل )...

Part أنا و المشرحة (1)...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (من دون دليل )...

#الكاتبة_نمارق_الاسدي

#الكاتبة_نمارق_ميثم

#الكاتبة_N

ساقني عقلي إلى حيثُ أنا✨🎶...
______________________________________

أنا و المشرحة (1)....

كاعده بالمشرحة وحدي البعض يكول عني مخبله و البعض الاخر يكول عني ممسوسة و كومه كلام عني و اني من اسمعهم اضحك لان ولا اي صفه من الي يكلوها عني موجودة بيه...

ما اعرف منين اجت الي هذه القساوة انو ابقى فتره طويله بين الجثث لو اشرح بيهن بس يوم الي اختاريت هذا الاختصاص كنت بكامل قواي العقليه محد جبرني بالعكس تعجبوا عليه ابويه بالبداية رفض لكن من شاف اصراري استسلم للأمر الواقع الي اني ردته بحيث حتى ماجستير اخذت بالتشريح...

كاعده اكتب التقرير عن حالة الجثه الي سلمتها قبل شويه للشرطة اجه الضابط وكف يم رأسي عاينته بطرف عيني

...: نعم...
الضابط: دكتورة استعجلي و لتنسين تكتبين اسمج اخاف نحتاجج بالتحقيق...
مجاوبته خلصت التقرير وصلت لاسمي الي اني مغرمة بي ( أبابيل) اسمي و احب لقلبي هذا الإسم...

انطيته الورقه للضابط و طلع غلقت القبق مال القلم و نزعت نضارتي حطيت ايدي على عيني امسح عليها من التعب غمضت لعده دقائق عاينت الساعه ب١٠ بليل راح تصير هسه بابا يضل باله عليه...

كمت نزعت ملابسي مال التشريح و غسلت ايدي و وجهي عاينت نفسي بالمراية وجهي مثل ماهو مبين عليه تعب الأيام و السهر حتى هالات عندي لان ماعتني ببشرتي..

لبست الجاكيت مالتي و اخذت جنطتي من اللوكر و كان الطبيب المناوب جاي سلمت عليه و طلعت اخذت نفس قوي من الهواء الي ما احس بي جوه بالطب العدلي كلها ريحة اموات بس من اطلع اشم ريحة الهواء...

صعدت بسيارتي و رجعت للبيت اول مدخلت رحت بست بابا من راسه ابتسم...

بابا: شلونج بنتي بالي بقى يمج تأخرتي...

أبابيل: حقك بابا بس اليوم جابين مغدوره و كان لازم تشريح سريع اذا بقت بعد مابين شي من جثتها لان محروقة...

بابا: الله أكبر الله أكبر بنية محروقة...

أبابيل(تنهدت): اييي بابا و كانت محروقة بماده حامض الهيدروكلوريك مادري شلون حاركيها بي لان مرحت بالكشف...

بابا: المجرم منو...

أبابيل: الي فهمته من ضابط التحقيق اخذ اهل زوجها كلهم للتحقيق لأن كانوا هناك و زوجها مو بالبيت من احترقت...