✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (من دون دليل)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
كانت فكرة✨...
أصبحت واقع....
_______________________________________
بارت السادس عشر (خطبة)...
كعدت على صوت موبايلي الي ما سكت صار ساعة فتحت الموبايل بعين نعسانة و صوت رقية تصيح من الموبايل...
رقية: حرااام عليج أبابيل ولج كوووومي صار ساعه ادك والله لو خطبتي هم مو هيج اتعب ولج اليوم خطوبتج كوووومي...
أبابيل... فزيت مفزوعه: خببال شبيج تصيحين من صباحيات الله عرفت خطوبتي يعني شنو كون انتحر مثلا حتى ترتاحين لو شنو...
رقية.. بتعب:ولج وحده مثلج رح تزوج اهم رجل اعمال عازب بالبلد تاليها هيج تكولين لازم تكومين و تحضرين نفسج حتى طلعين بأحلى صورك اليوم الصحافه بنصج رح تصير...
أبابيل: والله لو مو صحافة هذه اني دوام ما اكوم اله من وقت بعدين كل شيء جاهز شعندي كاعده من وقت...
رقية: اخخخ قلبي ولج بعد نص ساعه رح تجي الكوافير كوووومي...
أبابيل: وجعع كايمه...
سديت الموبايل منها و انتبهت للوقت فعلا هواي نمت بس تعبانه بعدني اخذت اجازه و احس بتعب رغم خطيه رقيه ما خلتني اتعب بس لا هو التفكير وحده متعب كمت غلست و رحت انشف شعري حتى انتظر الكوافير تجي الحفله رح نسويها بقاعة مال مؤتمرات عاجبه أبهر اني كتله شنو تسوي سوي معليه...
سويت كوب جاي و سندويتش و كعدت اكل انتظر الكوافير لان رقية مو هسه تجي كالت تكمل كم شغله و تجي...
شويه و اندكت الباب عرفتها الكوافيره دخلتها و رحنا لغرفتي اخذت الها هي و المساعده مالتها جاي و الي هم اكيد و صعدنا لغرفتي حتى يبلشون بشعري و الميك اب...
أثناء مال ديشتغلون البنات بيه رجعت بذاكرتي لقبل اسبوعين...
بعد ما رجعت شفت ألمي من جديد اخذت الرسامت و حطيتهن بصندوق و قفلته و خفيت مكانه و طلعت من المرسم رحت لغرفتي نمت...
و ثاني يوم طبيعي مشه و بابا كان عند وعده الي كال يريد يموت كلبه لأبهر و ما حاجاه إلا نهاية الأسبوع و هو هم جاب امه و اجو خطبة رسميه و طلبوا ايدي و اتفقوا انو الخطوبه بعد اسبوع كل هذا و اني ساكته محجيت شيء بالمشرحه محد يعرف بخطوبتي اتفقت ويه رقية متحجي شيء بحيث محد يدري من زملائي بالعمل و هذه الفترة الي راحت حتى مصارت هواي جرائم مادري شعجب كتلها لرقية متفاجئه ماكو جرائم واخذت من المشرحه اجازه اسبوع كامل و طلبت من دكتور مهدي ميسئل لشنو السبب هو احترم طلبي منه...
رقية بكل لحظه جانت ويايه ابد ما عافتني كل شيء اشترينا سويه و ضحكه و سالفه و اني عفت مواضيع الترتيب و المكان و التوزيع على ابهر كتله اني اهتم بس بروحي و انطيك ذوقي اذا معجبني اختيارك هو قبل بطلبي...
خلاني اختار بس الألوان و كالت التزين مفاجأة ما قبل اعرف شنو طبيعة التزين الي رح يسوي بس رسائل بينا...
و هسه اليوم يوم خطوبتي الحفلة الي رح يحظرها اكبر رجال الأعمال و المهمين بالبلد و من خارج البلد و هاي من غير الصحافة الي سولف الي عليهم أبهر لان على اعتبار اني اخذت رجل الأعمال العازب الوسيم بالبلد واثق من روحه زيادة اذكرت عركتنا و ابتسمت و لكن رقية اقتحمت غرفتي و خرعتني اني و الكوافيرة بهلهولتها.....
أنت تقرأ
(من دون دليل )...
Mystery / Thrillerهناك جثة امرأة كبيرة بالسن هامدة ( متعفنه) في منزل صغير في زقاق من احد ازقة المدينة و لا يوجد دليل واحد على ان هناك جريمة قتل لا دماء ولا ادوات جارحة ولا شبابيك مفتوحة و لا حتى باب مهشمة... . . . . هل هي جريمة قتل ام موت طبيعي!!!... هل سوف تجد الشر...
