✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (من دون دليل )...
#الكاتبة_نمارق_الاسدي
#الكاتبة_نمارق_ميثم
#الكاتبة_N
كلمة تكفي لتكون ملكي للأبد ✨..
_____________________________________
البارت التاسع(الخفي)...
الجثة الي وصلت بهذا اليوم و جانت متعبة من ناحية نفسيه و جسديه كل انواع التعذيب صاير بهذه الجثة و هي جثة طفل العقل يشيب من السوالف الي دتصير بهذا الزمن...
صار الليل و وصلت التقارير اجاني حيدر..
حيدر: أبابيل هذه التقارير...
أبابيل.. اخذت التقرير من حيدر و فتحته بهل الاثناء دخل مهند للغرفة...
مهند: خو ما فتحتوا التقرير...
أبابيل: هسه اجه...
فتحت الأوراق جانت هوواااي و بلشت بأول ورقة و كانت نسبة التحليل للعائلة الأولى غير مطابقة و العائلة الثانيه هم غير مطابقة...
لكن العائلة الثالثة الي الاخت اجت و اخذوا التحليل مالتها هو كان مطابق ويه الاخت...
أبابيل..
طلبت من مهند يباشر بالتحقيق لان بما انو هذوله اهله عرفنهاهم اذا لازم هم يعرفون و يباشرون بالتحقيق لانها جريمة قتل مو شيء عادي...
قفلت الغرفه مالتي و طلعت من المشرحة الوقت تأخر و الحارس الليلي اجه سلمت عليه و طلعت اخذت تكسي بنص الطريق خابرني حيدر...
حيدر: سلام
أبابيل: اهلا حيدر..
حيدر: هذوله اهل الجثة يردوها
أبابيل: مو بكيفهم خلص دوام المشرحه على باجر و احتمال تتأخر لان جريمة
حيدر: مادري يكلون يردوها...
أبابيل: كلهم ممنوع اطلع جثة و المسؤول عنها ماكو و لازم تصريح من الشرطة نسلم الجثة يله و احنا حتى تقارير ما سلمنا اكو اجرائات بالموضوع و كلهم هذا مو يمي كله يم المسؤول الي هو اني...
حيدر: تمام هاهي مع السلامه...
أبابيل: الله وياك..
غلقت الخط من حيدر وصلت للبيت مثل كل مره بابا نايم صعدت لغرفتي نزعت سترتي و نظارتي و دا افتح شعري انتبهت اكو ورقة على السرير مالتي ورقه غريبه معني اني مثلها حتى اوراق الرسم مالتي جوزيات و بيض هذه بيها حواف صفنت عليها بالبداية مخفت بس من تقربت عليها و لمحت اكو كتابه بيها خفت ايدي رجفت اني و دا اخذ الورقه فتحتها...
محتواها( رح تبقين تحت انظاري و بالمناسبة حلوه عرفتج)...
مكتوبه بخط مو نظامي يعني معرج و مدري شلونه مو خط ايد بيدي الورقه و ارجف من الكلام مخفت على روحي بقدر خوفي على بابا اكو لغز مدا افهمه...
عيني تفتر من كل الجهات اعاين بترقب يعني هوه اختفى طول هذيج الفترة اليومين و اجى سوه هذا التصرف الي خوفني أكثر...
بديت احس هو ديفهم ويه منو يتعامل يعني فاهم عقلي مدام خفت منه معناها ديعرف شلون يتصرف ويايه...
أنت تقرأ
(من دون دليل )...
Mystery / Thrillerهناك جثة امرأة كبيرة بالسن هامدة ( متعفنه) في منزل صغير في زقاق من احد ازقة المدينة و لا يوجد دليل واحد على ان هناك جريمة قتل لا دماء ولا ادوات جارحة ولا شبابيك مفتوحة و لا حتى باب مهشمة... . . . . هل هي جريمة قتل ام موت طبيعي!!!... هل سوف تجد الشر...
