Love + Love [Normal Fiction]

p7/S3(Z&U)

အခန်း ၇

  " အို ဒါက "

    မြင့်မားလွန်းသော အိမ်ကြီးကနေ သူမ
ကျယ်ပြန့်လွန်းဧရိယာအတွင်း လှပစွာ ပွင့်
လန်းနေသော နှင်းဆီခင်းကြီးကို ငေးမောနေ
မိသည်။

   " သခင်မ "
"အို……"

"မလန့်ပါနဲ့ သခင်မ"

    စလယ်ရီ အနီရောင် နှင်းဆီခင်းကြီးကို
ပြုံးရွှင်ကြည်နူးစွာ တမေ့တမော ငေးနေဆဲ
လက်သီးဆုပ်အရွယ်ရှိ နတ်သူငယ် ကလေး
ကား အတောင်ပံကလေး တဖျပ်ဖျပ်ခတ်ကာ
အရှေ့တည့်တည့်ရောက်နေလေ၍ အနောက်
သို့ တွန့်ဆုတ်သွားမိသည်။

  " ရှင်က "
" ကျွန်တော်မျိုးမ နာမည်က စံပယ်ပါ"
"စံ ပယ် နာမည်လေးက ထူးလိုက်တာ"
" ဟုတ်ကဲ့ ကျွန်တော်မျိုးမက ဒီကမ္ဘာမှာ
နေတဲ့သူ မဟုတ်ပါဘူး"

" ဘယ်ကလဲ ဟင်"
" အမှန်တော့လေ ဒီစကားက မပြောသင့်လို့ပါ
သခင်ကြီး ဇု သိသွားရင် ကျွန်တော်မျိုးမ…"

"အို စံပယ်လို့သာ သုံးပါ စလယ်ရီကို
ရင်းရင်းနှီးနှီးသာ ပြောပါနော်"

    " ဟုတ် စံပယ့်ကို ဇု ပြန်မလွှတ်မှာ
      စိုးလို့ပါ ဒါကြောင့် နေတဲ့နေရာကို
      မပြောပါရစေနဲ့နော် သခင်မ"

"ရပါတယ် စံပယ်ရယ် ၊  စလယ်ရီလေ
ဘယ်လိုမျိုးလုပ်ရင် စံပယ်ကို ပြန်နိုင်
မယ့် အခွင့်ရေး ပေးမိမှာလည်း ဟင်"

    " ဟင့်အင်း မရဘူး သခင်မ ၊  တစ်ခုပါပဲ
      ဇု ပြောသမျှအတိုင်းသာ သခင်မ  နား
      ထောင်ပေးပါ အကယ်လို့များ သခင်မတစ်
      ခုခု ဖြစ်တာနဲ့ စံပယ်လည်း စံပယ်ပေး
      ထားတဲ့ သခင့်မကိုယ်ထဲက ဝိဥာဉ်အမြုတေ
      ကို ဆုံးရှုံးရမှာမို့ပါ၊ ပြီးရင် စံပယ် သေသွား
      နိုင်လို့……"

"အို နေ နေဦးလေ စံပယ် စံပယ်လေး"

   စံလယ်ရီ ခေါ်သော်လည်း မရတော့။
နတ်သူငယ်ကလေးကား ဖောက်ခနဲ မီး
တစ်ချက်တောက်ကာ ပျောက်ကွယ်သွား
လေတော့သည်။

"စလယ်ရီ……"
"အို ဇု ……"

" အောက်ကို ဆင်းလာခဲ့တော့ ……"

"ဟုတ်ကဲ့ ဟိုလေ ဇု …"
"အင်း"

  စိတ်ဆိုးနေဟန်တူလေသော ဇု အကြည့်
ကြောင့် စလယ်ရီ မေးရမည်ကို တွန့်သွားမိ
သည်။