الفصل 4
كانت تقف أمام المبنى تنتظر صديقتها داخل السياره
يارا وهي تطرق الزجاج :
يلا انزلي انا جيت
شهرزاد :
خضتيني براحه
بعد مده كان الفتاتان بالداخل
يارا :
بعد اذنك كنا جايين عشان اعلان وظيفه أتعرض امبارح
الاستعلام:
ثواني من فضلك
هاتف موظف الاستعلام السكرتيره الخاص لمدير الشركه
هبه :
خليهم يعرفوك مئهلتهم لو تمام ابعتهم
الاستعلام:
ممكن اشوف ال cv بتاعكم
أعطته يارا الخاص بها وكذلك شهرزاد
الاستعلام :
بس انتو لسه طلاب
يارا :
اهاا بس مش طلاب في سنه أوله احنا سنه تالته وكليه محترمه مش اي مئهل وخلاص
الاستعلام :
مش عارف الحقيقه بس درجاتكم السنتين اللي فاتت ممتازه وعشان كده هبعتكم السكرتيره بنفسها اتفضلو ال cv واطلعوا الدور 12
شهرزاد :
ايه ال 12
الاستعلام :
ب الاسانسير يافندم
شهرزاد :
فاهمه بس ليه نطلع فوق اوي كده
يارا مبتسمه تداري الموقف :
اااصل هي بتخاف من المرتفعات عن اذنك
سحبتها خلفها ودلفا الاسانسير
يارا :
انتِ غبيه ايه اللي تقوليه ده
شهرزاد :
يارا انا خايفه
يارا :
من ايه بس شركه محترمه جدا وبعدين مشفتيش المبنى عامل ازاي قبل ما ندخل ضخم جدا اكيد ال 12 ده مش آخر دور اصلا
شهرزاد :
يادي المصيبه كمان
يارا :
يلا وصلنا
خرجا من الاسانسير وانبهرت شهرزاد ب الديكور وتناست خوفها
شهرزاد بمرح للسكرتيره :
هلو ياقمر
هبه وهي ترمقها من اسفلها حتى راسها :
اهلا مين حضرتك
شهرزاد :
احنا كنا جايين عشان اعلان الوظيفه
هبه :
اه تمام اتفضلو اقعدو وهاتو ال cv بتاعكم
جلسا الفتاتان أمامها واعطاوها الورق الخاص بهم
هبه :
انتو طلاب مش مسموح بكده لازم يكونو خريجين
شهرزاد :
ماشي طلاب لاكن متفوقين السنتين اللي فاتو من الأوائل وكمان في كليه كويسه احنا سياسه واقتصاد مش تجاره حضرتك مع احترامي ليهم طبعا
