هسمت عنود شاردة كل ما يخطر ببالها أنهم حمقى لتقول ساخرة: أنا محاطة بشلة متخلفة!
وضعت يدها في جيبها لتتذكر مذكراتها التي أعطاها إياها
عواد.. فتحت عند الجزء الخاص بحقبة مرضها لتتذكر
مبتسمة
Flash Back
_احنا آسفين يا مدام سلوى.. احنا فعلًا منتساهلش ان حضرتك تقبلي عرضنا.. احنا مش ضيعنا على حضرتك بس ساعة تأخير.. احنا شغلناكي معانا اليوم كله.. حقيقي احنا بنعتذر تقدري تتفضلي
قالها عابد بتوتر وأعصاب متلفة فاستنكرت سلوى تقول: ودة اسمه طرد يعني ولا اي؟
نفى عامر ما قالت يردف ساخرًا بيأس:لا دة اسمه حفاظ
على وقت حضرتك.. مش هو دة اللي البت كانت هتموت عشانه!
_على فكرة أنا قبلت المشروع.. أنا كنت بختبر ثباتكم الإنفعالي عشان لو هوظفكم معايا بعد ما تتخرجوا وماشاء الله مطلعش عندكم منه بربع جنيه
قالتها سلوى حانقة ليفرغ فاه كليهما بصدمة ويقول عابد غاضبًا: ثبات انفعالي!.. تصدقي إنك...
لم يكمل فقد وضع عامر يده على فمه يمنعه من الحديث
ليقول مبتسمًا بحرج: هنحاول نحسن من ثباتننا الإنفعالي المرة الجاية يا فندم
ابتسمت سلوى تقول بانزعاج: أنا بورط نفسي..
Some of idiots
لترحل ذاهبة للطبيب للإطمئنان على حالة عنود
بينما قال عامر بزهو: بتشكر فينا ياض.. قالتلنا أنتو Idols .. تقريبًا معناها أصنام.. هي مس انشراح كانت قالت معناها اي؟
تركه عابد متوجهًا لغرفة عنود يقول ساخرًا: الست عندها حق بصراحة.. إحنا مش idiots دة احنا بهايم
كانت هي في غرفة الإفاقة وقد أفاقت بالفعل لترى دخولهم المتلهف ومن خلفهم سلوى التي دخلت تتهادى بخطواتها.. همست عنود باعجاب بها رغم تعبها المحدق: يا خلاثو.. موديل يا ناس عليا الطلاق موديل
سمعتها سلوى لتضحك بخفوت وقد احمر وجهها من الخجل ليقول عامر بحرج: معلش يا فندم.. لسة بتفوق من البنج
وضعت سلوى الورود على الطاولة ثم قالت بسعادة هادئة: حمدالله ع السلامة يا آنسة عنود.. قومي بالسلامة كدة عشان نقدر ننفذ المشروع العظيم بتاعكم.. بس افتكري أنت قطعتي على نفسك وعد إنكم مش هتتأخروا تاني
شخصت عينا عنود من الفرحة وكادت تقفز بسعادة ولكن حجم حركتها عابد الذي قال بحنق: اهمدي عشان الجرح
أماءت عنود مسرعة تقول بلهفة وفرح: باذن الله مش هنتأخر المرة الجاية
ابتسمت سلوى بهدوء ثم خرجت لتتركها تستريح بينما قال عامر براحة: وقعتي قلبنا.. أنت بتشتكي من الزايدة من امتى؟!
أشاحت بوجهه بعيدًا عنهم تقول هاربة: من زمان
ليقول عابد بضيق: من زمان دة اللي من شهر مش كدة.. من ساعة ما بدأنا المشروع وأنت على طول متوترة وملغبطة في الأكل وحاجة في منتهى الإهمال يعني.. ينفع كدة؟!
أنت تقرأ
الصفر والواحد والتسعة ♡• (مكتملة)
Mystery / Thrillerعندما يقودنا عقلنا الباطن لمستنقع الواقع.. بل ويقحمنا في أحداث قد لا نملك بها صلة.. ينتهي بنا الأمر مشتتين نبحث عن الطريق الصحيح.. طريق تعلو به كلمة الحق وتدنو فيه لفظة الباطل.. وفي ذلك الطريق نقابل الكثير من التحديات والصعاب وأحيانًا المخاطر.. لذلك...
