My Basket Your Farm Garden

Apple 🍎

UNICODE

ပန်း 🍎

ဒီနေ့ ယောင်းက ရည်းစားစာရခဲ့တယ်..

ဒါကို သူ့အဖေက တွေ့သွားပြီး သူ့သားအတွက် ဂုဏ်ယူနေတယ်..

ယောင်းကတော့ ရှက်ရှက်နဲ့ လည်းပင်းကို ပွတ်လို့ ရယ်နေတယ်..

ဘာအထာလဲ အဲ့ဒါ?..

သူ နှုတ်ခမ်းမဲ့လို့ ယောင်းဖေဖေဆီက ရည်းစားစာကို ယူကြည့်လိုက်တယ်..

" သူက ခုမှ ရည်းစားစာရတယ်.. သားဆို မူလတန်းထဲက.."

" ဟေ?.. ဆိုးလ်က ကလေးတွေ တယ်သွက်ပါလား?.."

" ဟော် သားကချောတယ်လေ.. တစ်နေ့ တစ်စောင်ကို ရခဲ့တာ.."

ယောင်းဖေဖေရဲ့ ချီးကျူးစကားတွေက အိမ်ခန်းလေးထဲမှာ လွင့်ပျံနေတော့သည်..

ပြူးကြောင်ကြောင်ကြီးနဲ့ သူ့ကိုကြည့်နေတဲ့ ယောင်းကြောင့် ဘာလဲဆိုတဲ့သဘော မေးဆပ်ပြတော့ ခေါင်းငုံ့သွားသည်..ညအိပ်သည်ထိ ငူငူကြီးထိုင်နေသည့် ယောင်းကြောင့် သူတောင် သတိထားမိလာရသည်..

" ဟေ့ ယောင်း မင်းနေမကောင်းဘူးလား?.."

ယောင်းက ခေါင်းသာ ရမ်းပြရင်း အိမ်စာဆက်လုပ်နေသည်..

သူကတော့ ပျင်းတာမို့ မနက်ကျောင်းသွားခါနီးမှ ယောင်းဆီက ကူးလိုက်တော့မည်..

သူ အိပ်ချင်လာတာကြောင့် အိမ်ဘက်ကို ပြန်မကူးတော့ဘဲ ခေါင်းအုံးတစ်လုံးထုတ်ကာ ယောင်းခုတင်ပေါ် တက်အိပ်လိုက်တော့သည်..

တရေးနိုးတော့ စာကြည့်စားပွဲကနေ တောင့်တောင့်ကြီး သူ့ကို လှမ်းကြည့်နေတဲ့ ယောင်းကြောင့် လန့်သွားရသည်..