مفاتيح القدر (اسرار دفنت خلف الأبواب)

part 2

رواية مفاتيح القدر (اسرار دفنت خلف الأبواب)
للكاتبه M. A. M

﴿ريت الحلم ما گضه .. وريت انه ما فزيت﴾

بعد ٣ ايام من عركة زينب و حازم رجعها ابوها للبيت بيده و كعد حجه ويا حازم كاله شنو تريد تسوي سوي بس طلاك ماكو بوكتها زينب عافتهم و طلعت بقت منهاره و تبجي حقها لانو جان عبالها ابوها سند الها مثل كل ابو بس هو بنص طريق و عافها بسبب زوجة الثانيه لانو ام زينب ماتت قبل سنتين و بقت زينب وحيده لا اخ و لا اخت جانت مجبورة تتحمل حازم علمود توصل لمرتبه يالي تريدها علمودها و علمود جهالها
اما اليوم جنه كاعدين بالاستقبال ننتظر رجعت عمتي و اركان و حازم راحوا يخطبون بنت ابو عبدالله جنت كل ساعه اباوع لزينب جانت بارده الى درجه و كاعده تدرس ابنها و اني جنت مكعده ريتاج و أريج حتى يدرسون و كاعده يمهم اذن مغرب و هما دخلوا ويا الاذن دخلوا و كعدوا رحت جبتلهم مي و نطيتهم و كعدت شفت حازم ماكو فسألت

ـ ها عمه شصار
ـ كالوا الله كريم يمه بعد مندري... انوب هاي مكموعه لا اجت يمنه و لا سلمت يالي يشوفها ميكول هيه يالي توكف براس الفرع و طكها سوالف ويا حازم

اركان ـ يمه لا تحجين عليها ترا صوج كله بـ ابنج لو ما هو منطيها عين و مشبعها هدايه مجان هذا حالنا

طلع من استقبال و كلي ـ حضري الحمام بسرعه

ـ اي هسه من عيوني

ام اركان ـ يمه زينب بس لا زعلانه من امج
زينب بحزن ـ عمه انتي كلتي امج لعد وين اكو بنيه تزعل من امها
أم اركان ـ مخبل ابني جاي يضيعج من ايده و انتي جوهره يمه ما يستحقج لو يستحقج جان مشتغل بهل شغله
زينب ـ يمكن ربي يحبني لانو اذا تزوج راح اخلص من مصايبه شويه و التهي بنفسي و جهالي

ام اركان ـ الله ينور طريقج يا يمه

رفع أدم راسه من الكتاب و كال ـ لعد بيبي و اني
ـ يا عيون بيبيتك انت طريقك منور ان شاءلله اريدك زلمه ينشد بي ظهر يا بعد بيبيتك لانو احس الزلم راح تقل بـ الايام جايه

أريج ـ بيبي ليش احنه مو بعينج هسه اسويلي شوارب بالقلم و اصير احسن من الف رجال
ريتاج ـ لو انتي بس تحبين أدم و احنه بنات البطه سوده مو
أريج ـ لا ولج ماما بطه بيضه تخبل

ام اركان ـ يمه يمه من لسانكم يالي يوكع بي بعد شيخلصه على منو طالعت هيج

أريج ـ بيبي احنه مو نحبج يعني اكيد طالعت عليج نخبل مثلج يمه فدوه بيبي

راحت و باستها ـ اشكد احبج اني
أم اركان ـ اني هم احبج غير بنت الغالي و من ريحة
الله يديمكم الي و يسهل لامهاتكم و يجيبون اخواتكم و كلكم تجون تلعبون هنا يمي

﴿أزهار& أركان ﴾

ازهار ـ صدك تحجي اركان والله اخوك انوب يتخبل علينا اذا عرف بيها مخطوبه