رواية مفاتيح القدر( أسرار دفنت خلف الأبواب)
للكاتبه M. A. M
غلطة ! ودفعِنه ثمنهّا أجْمل أيام السَنين.
يوم الاحد ٢٠٢٠/٩/٢٠
الساعه ٣ فجراً
♡ازهار♡
كعدت على صوت اذان الفجر اليوم اخر يوم لـ امتحانات السادس صليت و رحت كعدت يسار حتى تكعد تراجع قبل الامتحان
ـ لج يسار يمه كعدي
ـ مممم
ـ لج شلون ممم طلعي راسج من لحاف خل اشوفج
رفعت الحاف شويه و طلعت عيونها
ـ شكو ماما
ـ لج امتحانج اليوم اكعدي ادرسي و هسه اسويلج ريوك حتى تاكلين قبل لا ترحين
ـ زين
ـ لج شنو زين اكعدي يسار..... أزل
من كتلها أزل بسرعه كعدت و باوعت عليه معصبه و شعرها نازل على وجهه و خرت الشعر و كالت
ـ اسمي يسار..... يسار اركان راضي متفقين بالبيت ماكو أزل مو لو مو مو
ـ ام مو مو اكعدي كافي تعبت و اني اكعد بيج امشي صلي و اكعدي ادرسي
ـ تمام ماما
باستني و راحت دخلت بالحمام نزلت اسويلها ريوك حتى تاكل قبل لا تطلع و اني احضر شفت من شباك مطبخ انفتح الباب و ليث دخل سيارة للبيت و رجع سد الباب اليوم النزله مالته جاي من بغداد طلعت اسلم علي اجاء باس ايدي و راسي
ـ هلا عمه شلونج
ـ زينه يا بعد عمتك طب
ـ بس انزع البسطال و اطب
نزع البسطال و لبس من نعالات البيت و راح نزل جنطه من سيارة و طب لمطبخ كعد على كرسي و ترك جنطه يمه على صوته اجاء اخويه
ـ هلا بوليدي رجعت بويه
ـ هستوني دخلت للبيت... عمه بلا زحمه عليج صبيلي من چاي مالتج ام هيل احبها كلش
ـ هسه يمه من عيوني
كعد يحجي ويا ابو و اجتي امه هم كعدت يمه انطيته الچاي و شفته يباوع على درايج ادري بي منتظر نزلت ريتاج بس هاي هسه نايمه و خاصتنه من طلعت حامل ٢٤ ساعه تنام وين ما شافت مخده خلت راسها و نامت
(يسار)
اني يسار اركان راضي و بنفس وقت أزل حسين محمد اخت لاربع ولد اصلا اني خامسهم على كد ما اتصرف مثلهم تربية بدون اب عشت على قصص يحجولي ياها اخواتي ريتاج و أريج و ماما و شلون مات و عافنه ماما دائما جانت تكول كله من وراى عمج حازم هو سبب تورط ويا العالم و ابوج وكع بيها بعدين شلون طردهم من البيت و اخذ اخويه علي و شلون ماتوا اخذت وعد على نفسي انتقم من يالي كتل بابا و ليث وعدني يساعدني بيها
كعدت ادرس من صارت الساعه خمسه و نص نزلت ماما محضره الريوك و ليث و ريتاج كاعدين يمها ركضت بسرعه و حضنت ليث.. ليث كلش احبه هو بمقام الاب عندي دوم جان يعلم بيه و يشجعني
ـ لك يسار كالوا اليوم راح تخلص امتحانات
ـ اي تعبت اني مكاتلني غير كمامه يا أخي ماكدر اتنفس من وراها و ميقبلون ننزعها
ـ خلصتي بعد..... تعالي اكعدي اكلي بس اسبح و اجي اوصلج للمدرسه
ـ تمام
ـ ريتاج محضره الحمام مو
ـ اي حبيبي
أنت تقرأ
مفاتيح القدر (اسرار دفنت خلف الأبواب)
General Fictionجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)
