مفاتيح القدر (اسرار دفنت خلف الأبواب)

part 3

رواية مفاتيح القدر (اسرار دفنت خلف الأبواب)

شتريد مني المن عفتني عدل ؟
ماتدري بيـه بدونك شگد متت !
حتى بوداعك حسستني بنقص ..
چنت ابچي وانت اتباوع اعله الوكت

صار الليل و اركان مرجع جانت الساعه تقريبن بـ ١٢ و نص نيمت بناتي و كعدت ويا عمتي انتظر اركان گلبي نار علي و عمتي تستغفر و تصبر بيه و احنه كاعدين اجت زينب و كعدت ويانه

ام اركان ـ ليش بعدج كاعده زينب
جاوبة بحسره ـ عمه ابنج الله يحفظه طردني من الغرفه و كلت اجي اكعد وياكم شنو اخويه اركان بعده مراجع
ـ لا يمه بعده و هاي ازهار اكلت راسي علي
ـ ترا بعد وكت تلكي كاعد ويا اصدقاء كدامج حازم قبل جان يرجع بـ ٣ يدخل ويا اذان الفجر
ازهار بخوف ـ ان شاءلله
ـ ازهار فدوه عود احجي ويا ياخذني للجامعه يوم الخميس الجاي نتائج
ـ ان شاءلله هسه بس خل يرجع
ـ لا ان شاءلله يرجع ترا مو اول مره يتأخر اكيد.... لا تكعدين تفاولين علي هيج

﴿ زينب ﴾

بقيت كاعده ويا ازهار لعد وين انطي وجهي و هذا افندي طردني من الغرفه مدري شنو عنده و ميقبل اكعد ويا لساعه ٢ عمتي نامت و ازهار اشويه اشويه نامت تمددت اني هم يمها و ايدي على بطني و افكر شنو راح يصير ويايه بالمستقبل الي و لجهالي نمت و كعدت على عياط ازهار شفتها كاعده يمي و تبجي و

تكول ـ اركان لا تروح وياهم فدوه ارجعلي

باوعت للغرفه ماكو احد غيري اني و هيه و عمه
عمه بسرعه راحت تجيبلها مي و اني كعدت احجي وياها

ـ ازهار حبيبتي كولي يا الله حلم هذا حلم
ـ لج زينب عافني و راح ويا ابو

عمتي جانت جايه من مطبخ و بيدها كلاص المي بس سمعتها وكع الكلاص من ايدها و راحت ركض يم حازم و كعدت تدك الباب علي

ـ ولك لا بارك الله بيك كوم اكعد شوف اخوك وينه ليش مرجع لي هسه مو حتى شمس بدا يطلع و لك كوم

جانت تبجي و تحجي و منه ازهار انهارت و تريد اركان طلع حازم و هو يلبس القميص مالته و يريد يفهم من عمتي شكو و احنه نحجي انضرب الباب بشغله طلع صوت قوي حازم بقى واكف يباوع علينا بعده هو مطالع سمعنه صوت عياط من بيت جيرانه ركض فتح الباب و ياريت ما فتحها

﴿ازهار﴾

جنت كاعده بمكان كلش حلوه و كله زرع و يمي طفلين بالكاروك و اركان جان كاعد يلعب ريتاج و أريج بس وجهه مبين علي الحزن شفت من بعيد اجاء عمي و كعد حجه ويا و لزم ايد عمي و كام يريد يروح ويا ركضت و لزمت بيده كتله

ـ وين عايفني اني و جهالك ابقى ويانه

كال ـ ازهار يا زهرتي الحلو و ام بناتي ماكدر اعيش بدنيا و سندي يكسر بيه صعبه روحتي احسن اليه

كلت و اني ابجي ـ اني اصيرلك كل الدنيا و اصيرلك سند لا تروح فدوه

باسني من راسي و كال بحزن ـ زهرتي ظهري يوجعني و انتي لا تكسريني اكثر من ما اني مكسور عينج على جهالج و لا تعوفين علي وحده