مفاتيح القدر (اسرار دفنت خلف الأبواب)

part 8

رواية مفاتيح القدر (أسرار دفنت خلف الأبواب)
للكاتبه M. A. M

شلونچ باليِذكرچ وين ما يمشي ."
شلونچ باليقَدسچ يا بعد كُلشي."
شلونچ باليتيهه روحه مِن يلگاج."
من افتح ليش اشوفچ عايشة برمشي؟.

(يسار)

ليث كملي سالفة الجامعة كلها و اليوم اني رايحه لبغداد لمدينة يالي طلعت منها من انولدت اليوم رجعتلها و اني طالبه جامعيه رجعت لمدينة يالي مات بيها ابويه ظلم رجعت لمدينة يالي حرمتني من شوفة توأمي
جنت اباوع عليها من شباك سيارة و من كل عقلي اكول هسه بابا هنا مشى هنا كعد هنا طلع ويا اصدقاء
صح ليث و عابس و البقيه بحياتهم مخلوني احتاج لشي بس يبقى مكان الاب فارغ محد يكدر يملي

ليث ـ ها يسار جوعانه ننزل ناكل
باوعت علي وكلت ـ لا
ليث ـ ترا صار ساعه من طبينه لبغداد
بعدم اهتمام ـ ادري من دخلنا شفت القوس المكتوب عليها دار سلام ترحب بكم

باوعلي و ابتسم ـ يسار زعلانه لانو دخلتج بهل شغله

باوعت علي و كلت ـ ليث لا تتوقع بيوم ازعل منك بس اني مدري شبيه اول مدخلت لبغداد احس نفسي نقبض يمكن ما متعوده لا يظل بالك ويا الايام اتعود

ـ بس نخلص من سالفة عرس أريج و عابس لوقتها انتي اكيد مكمله مرحله اولى راح ارتب الوضع و انقلهم كلهم لهنا

بفرح ـ يعني كلنا راح نعيش بغداد

ـ اي

وكف سيارة كدام بيت مبني كامل بس الواجهة بعدها مكامله بس تصميم البيت يخبل و مساحة جبيرة نزلت من سيارة و باوعت لـ ليث

ـ المن هذا البيت

ـ هذا راح يكون بيتنه الجديد... بس بعد يرادله شغل

ـ صدك تحجي ليث شوكت اشتريتها

كالي بهمس ـ هذا بيتكم يالي انهدم

بصدمه ـ عزا بعيني

لطمت على صدري و كلت ـ ليث صدك تحجي اخويه مدفون هنا شلون تبني فوكه بيت

ـ البيت عمج جان بايعها لواحد قبل لا يفجرو و الجثث مو بس يالي بهذا البيت كل البيوت يالي انهدمت طلعوا الجثث من جوه انقاض و دفنوهم و البيت اشتريتها من رجال يالي باعله عمج البيت من ايام ما جنت ادرس هنا بوكتها سعرها مجان غالي مثل هسه تساعدنه اني و ابويه و ضياء و شترينه البيت و قبل سنه رجعت ابني

بعدها علامات الصدمه بوجهي ـ زين و اذا حازم عرف بينه اشترينه البيت اذا عرف بينه رجعنه اكيد يصفينه واحد واحد

بعصبيه ـ انتي شكو خايفه منه دخل يوصللكم وكتها اشوفه منو ليث

ـ مخايفه منه و لا راح اخاف مثل مدمر عائلتي راح ادمر عائلة يالي اساسها على رماد اهلي