رواية مفاتيح القدر (أسرار دفنت خلف الأبواب)
للكاتبة M. A. M
يسار تگول.....
بلهفة ايهاب من گال :
بس آنتَ ردتك من چنت مابين الأحلآم افتر !
«يسار»
رحت اغسل وجهي طلع محمد من الاستقبال و اجا وكف يمي
گال ـ يسار سؤال
گلت ـ جواب
بقى يباوع و يحگ براسه بعدين گال
ـ زهراء مخطوبه لو محجوزه لو شنو
عفت المي مفتوح و باوعت علي مستغربه من سؤال مالته
ـ شنو داعي من هذا سؤال
ـ مو هاي شنو
رفعت حاجبي و باوعت علي تعلمت هاي حركه من أدم
گلت بنفسي ـ عززاا تخبلت و صرت اقلد حركاته
فزريت على صوت ماما تصيح من مطبخ
ـ لج يسار سدي المي خلصتي مية التانگي
ـ اي ماما هسه
غسلت وجهي بسرعه و سديتها باوعت على محمد جان لازم الخاولي انطاها الي
ابتسمت و گتله ـ ابو مصلحه تدري بيه ما احب انشف وجهي بالخاولي
گال بنتر ـ مو صوجج صوجي اني
ـ دتعال امشي نكمل حجينه فوك لانو احس اكو وراك سالفه انت مو خالي
ابتسم و گال ـ فديت اختي يالي تعرفني
صعدنه لغرفتي
ـ اي أستاذ محمد سولفلي قصتك خل اسمع
ـ باعي اني اول مره شفتها جان من ابوها خاطفكم بوگتها ما انتبهت عليها هوايه بس بحنة و عرس عابس شفتها و نعجبت بيها حاولت احجي وياها بس مقبلت وبقت لازكه بـ أمها
لطمت على صدري و گلت ـ انت ما خفت من اخوها يشوفك تحجي وياه اخته.... عزا بعينك محمد و الله أستاذ أدم يخوف لك بخزره يسگتك
گال ـ يمكن لهذا محجت ويايه اكيد تخاف من اخوها
ـ يگلي تخاف لك هاي ما تخطي خطوه اذا مسألت اخوها ميته من الخوف
ـ اي شفتها شلون مصعدت ويانه الا بعد ما اخذت اذنه
سكت اشويه و رجع باوعلي و گال
ـ من سوت هيج عجبتني بعد أكثر مثل ما كسرت حجي
اخوها أكيد بالمستقبل مراح تكسر حجايتي هم مو
خليت ايدي على گصته اشوف حرارته وخر ايدي
گال ـ لج شكو اني شكاعد احجي وياج و انتي شنو كاعده تسوين
ـ عبالي حرارتك صاعده
ـ ليش
ـ لك بابا انت صاحي منو يگول اخوها ينطيها قبل لتكمل دراستها
أنت تقرأ
مفاتيح القدر (اسرار دفنت خلف الأبواب)
Художественная прозаجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)
