رواية مفاتيح القدر ( اسرار دفنت خلف الأبواب)
للكاتبة M. A. M
خذنيّ يمَك
بعَد ما ظل كُل عِذر
لا تعتذِر
ليّل عُمري وعُمرك مخَلص
بعَد ما بيّ صبّر
خل نلمّ احلامنَا ونحفُظ صوَرهن
گبل لا ياخذهِن بدِربه الفَجر
وخل نلمّ الباقيّات
سنيّني وسنينَك ..
نسويهِن عُمر
وهنّ ميكفَن عُمر
ونبدِي من جِدة وجديّد
بـ واهس سنيّن الصغُر
وَلو وازانّه الكَبر .
﴿أريج﴾
وصلت لمستشفى و كل جسمي يرجف احس الضغط مالتي مصفر رحت دخلت لصيدليه و طلبت من عامله تسويلي گهوه اريد اصحصح حتى ريوك متريكت بقيت ارجف مو من البرد بس كأنما شكو اعصاب بجسمي مات جابتلي الگهوه
ـ شكرا
ـ العفو دكتوره أريج
انتبهت سارة ما موجوده قبل لا تطلع سألتها
ـ سارة بعدها مجايه
اندارت عليه و كالت ـ لا كالوا ماخذه اجازه اليوم
ـ ها
عافتني و طلعت هسه كل شك بعقلي تحول لحقيقه اكيد تغيب مو اليوم خطبتها هيه و عابس
لو بيدي الزم عابس و اموته و لا اخلي وحده ثانيه تشاركني بي هو بابايتي و اني زيتونته نفسي ضاك
احس العبره واكفه ابلعومي لا اكدر ابجي و لا اكدر احجي مثل يالي بالع الموس و ساكت
ما صدكت شوكت صارت بالـ ٣ خلصت شغلي و طلعت لاقرب حديقه اريد بس اخذ نفس اريد ارتاح بقيت افرك صدري و اتنفس بقوة لحد ما رجعت لطبيعتي اشويه بقيت كاعده و اباوع على ناس شلون متونسين
طلعت موبايل جنت مطفيته اول مشتغل بدت الاشعارات توصل و كلها من عابس مخابر ١٠ مرات و مدري شكم رساله و يسار مخابرتني ٣ مرات حبيبتي اكيد جايه تفكر بيه بس مجان الي خلك احجي مع احد
فتحت رسائل عابس جان كاتب
ـ ليش مجاي تردين
صاير وياج شيء
اذا ما رديتي راح اجي لمستشفى و اشوف وقتها وين تشردين من عندي
شنو صاير وياج و هيج متغيره مو انتي أريج يالي اعرفها
المهم اريد احجي وياج بموضوع متأكد راح تفرحيلي هوايه
أريج راسي راح يطك من وجع ليش مجاي تردين
اخر شيء كاتب ـ جاي لمستشفى
اخر رساله دازها قبل طلعتي من المستشفى بدقائق و اني أقر رسايل مالته رجع دك خليت الموبايل بالجنطه
أريج ـ عابس راح يكون عائله جيده لنفسه و انتي يا أريج مو من ضمن هاي عائله انتي من ضمن الماضي و ايام طفوله و ذيج الايام انتهت مثل اصحابها
اخذت نفس و كمت اجرت تكسي و انطيته عنوان بيت عمة ماما اول ماوصلت شفت سيارة ضياء و ليث كدام الباب باوعت لساعه جانت بالخمسه
ـ هذولا شعدهم هنا هسه لازم هما بالخطبه يعني هيج السالفه خلصت بسرعه و نخطبوا
رحت دكيت الباب اشويه و فتحتها الي يسار و ياها ريتاج و بنات عمة امي ذبت يسار نفسها بحضني و ريتاج وياها اريد افتهم شكو و البنات يضحكون وخرتهم و كلت
أنت تقرأ
مفاتيح القدر (اسرار دفنت خلف الأبواب)
General Fictionجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)
