رواية مفاتيح القدر (أسرار دفنت خلف الأبواب)
للكاتبه M. A. M
وكبرنه أحنه وصغر كُلشي "
الدرب والشوگ والدنيا ، وضمير الناس !
«ادم»
بعد ما انتهت سالفة الخطف و رجعت اختي للبيت
من خوفي عليهم صرت ما اخليهم يطلعون برا لو اني وياهم لو علي
بقت سالفة النقيب ليث تدور براسي اني اذكر شايفه من زمان بس وين مادري
بيوم جنه اني و بيبيتي كاعدين بالحديقه وحدنه و اني جنت كاعد انزل بدرجات الطلاب حتى ادزهم لجامعه من بين الاسماء شفت اسم أزل حسين محمد بقيت صافن بـ أسمها انتهت عليه بيبيتي
گالت ـ بيبي أدم وين صافن
باوعت عليها ـ على اسم طالبة من طالباتي
مگالت شيء رجعت كتلها ـ حجيه نفس طالبه يالي جبتها قبل فتره يمنه أزل
گالت مستغربه ـ شبيها
ـ احس اسمها مو غريب عليه و لا اسم اخوها
گالت ـ يمه انت بحكم وظيفتك اكيد شايف وحده مثل اسمها او شايف اخوها بمكان برا جامعه ترا مو غريبه
ـ يمكن
كعدت أكمل نقل درجات و تقديرات مالتهم
گالت ـ يمه أدم ليش شنو اسم ابوها
ابتسمت و كتلها ـ شنو حجيه شغلت بالج مثل مشغلت بالي
ضحكت و گالت ـ و انت ليش شاغل بالك بيها
من گالت هيج اذكرت صوت ضحكتها بالمحاضره الكترونيه و اول يوم من طردتها و حجيها على استاذ عمار من طردها
ابتسمت گتلها ـ مادري
گالت ـ يمكن اني ادري بس مگتلي على اسمها
رجعت اكتب بالابتوب و گتلها ـ أزل حسين محمد علي
گالت بصدمه ـ يمه صدك تحجي
باوعتلها ـ اي صدك ليش شكو حجيه
ـ حسين محمد علي هذا زوج عمتك و اخو عمتك أزهار
ـ لا بيبي وين يمكن انتي مخربطه بالاسم
اني غيرت دورت عليهم و گالوا طالعين من العراق مدري وين مسافرين.... أزل اخوها محمد گال هما عايشين بأطراف بغداد و راح ينقلون لبغداد
ـ اگص ايدي اذا مو هما لك يمه بنيتي ابنها الصغير جان اسمه محمد اذكرهم كلهم اني جانوا اربع ولد
ضياء و ليث و عابس و محمد
بقيت اباوع على وجهه منصدم صدك نفس الاسماء اني شفت ليث و عابس و محمد
گلت ـ ولك يمه هذوله ولد بنيتي
گتلها ـ يعني تتوقعين هما نفسهم.... زين انتي تدرين عدهم بنيه اسمها أزل بنفس عمر زهراء
گلت مستغربه ـ لا وين عدهم بنيه بس جانوا اربع ولد
أنت تقرأ
مفاتيح القدر (اسرار دفنت خلف الأبواب)
General Fictionجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)
