رواية مفاتيح القدر (اسرار دفنت خلف الأبواب)
للكاتبه M. A. M
عَودني اعلى بُعدك
و انتَ ابو الطَيبات
بَلچن عالبُعد يَمعود أتعود
عريان السيد خلف
رحت فتحت الباب و طلع كدامي اخو ازهار و ولد شاب بقيت واكفه مستغربه كلي
ـ اخويه سويلنا طريق خل ندخل
حجيت بتوتر ـ ها اهلا وسهلا اخويه طب
دخلوا للبيت و طلعت عمتي من الاستقبال و بيدها علي
ـ منو بالباب زينب
شافتهم و بقت ترحب بيهم و تبوس الشاب يالي ويا و دخلتهم للاستقبال رحت جبتلهم مي و اجيت بسرعه سمعته يكول
ـ عمه ازهار قبل شهر وصلوها لـ ناصريه يمنه جيرانكم و كالوا حازم ذبها هيه و جهالها برا البيت اختي من هذاك اليوم نايمه بالمستشفيات و بتج باقيه وياها حسابي ويا حازم بعدين بس هسه اريد ابن اختي و مستمسكات مالتهم محتاجينها بالمستشفى
ـ و الله يمه وجهي اسود كدامكم و الله لو بيدي جان بقيتها بالبيت و اني طلعت منها بس انت تدري بعد حازم و مصايبه
ـ حازم علاجه يمي بس مو هسه خل اختي ترجع لصحتها اول شيء بعدين
ـ يمه زينب حضري مستمسكات و ملابسي و ملابس علي اروح وياهم اشوف ازهار و البنات كلبي نار عليهم
ـ هلا بيج عمه
رحت حضرت الشغلات يالي كالت عليها و ادم يمشي ورايه و يدردم راح ياخذون اخويه
كملت و انطيتها الهم
ابو ليث ـ يلا عمه نتوكل
ـ اي عمه بس البس عبايتي
بعدها عمتي تلبس عبايتها و دخل حازم شافهم و كال
ـ هلا بالنسيب شلونك اشو مختفي
رفعله اصبعه بتهديد ـ شوف ولك حسابك بعدين
ـ يا حساب و ليش كاعد تهدد خالو ليث ابوك شبي
ابو ضياء ـ يلا عمه امشي قبل لا اسوي جريمه هنا
ـ وين تمشي انته من كل عقلك كاعد تحجي
ـ الزم لسانك حازم
عمتي شالت علي و ليث شال الجنط يردون يطلعون حازم طلع مسدسه و خله على صدر ابو ليث
ـ اذا فكرت اطلعهم صدك اكتلك
ضربه ابو ضياء راشدي و نزل بي كتل وين ما يوجعه مثل واحد جاي يطلع قهر كل دمعه نزلت من عيون اخته اني حسيت مي بارد و نزل على كلبي يستاهل بلكتي يعقل شويه
تركه و كال ـ يلا
و هما طالعين ركض شال مسدسه و اخذ علي من حضن عمتي و خل سلاح براسه ادم ركض يريد ياخذه من ايده دفعه بكل قوة ركضت شلت ابني من الكاع
أنت تقرأ
مفاتيح القدر (اسرار دفنت خلف الأبواب)
General Fictionجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)
