رواية مفاتيح القدر (أسرار دفنت خلف الأبواب)
للكاتبه M. A. M
"من المفترض أننا أنهينا الدهشة منذ زمن ، و صار ڪِل شيء قابلا للتصديق"
- أحمد خالد توفيق.
عابس ـ دكتور بشرنا شلون صارت أريج
باوع علينا واحد واحد مثل يالي يتفحص ملامحنه
ابتسم و كال ـ الحمدلله العمليه نجحت
هو كال هيج و اني حسيت رجليه بعد متشيلني كعدت بالكاع احمد رب العالمين رجعها النا و اسمع صوت اهلي ماما حاضنه عمتي و تبجي من الفرح ليث يمسح دموع ريتاج و يكول
ـ بعد ماكو بجي تؤامج راح ترجعلج
محمد و ضياء يباركون لـ عابس و خالي ساجد يشكر رب العالمين.... جانت احلى لحظات بحياتي حسيت نفسي جنت فاقده للحياة بس سمعت بنجاح عمليتها احس رجعلي الحياة
اجتي ريتاج و گومتني من الكاع حضنتها و بقيت اضحك
ـ ريتاج رجعت اختنه
وخرتني منها و لزمت ايدي ـ اي ولج رجعت زيتونه
سمعنه عابس يگول ـ هيه متكدر تعيش بدون باباي ادري بيها
طلعوها من غرفه العمليات و اخذوها لغرفه خاصه و كلنا نمشي وراهم مكالوا شيء لانو شافوا وضعنه شلونه و شلون گلبنه محروك عليها
كعدنه يمها بالغرفه جانت بعدها تحت تأثير البنج
طلعت قهر الغيبوبه كلها من طلعت من عمليه عيونها مغمضه و تحجي علر رايح و جاي و اكثر شيء جانت تحجي على عابس
جان كاعد يمها و لازم ايدها و يسمع حجيها
ـ لك عابس ردت تكتلني حتى تزوج ساره ام الوصخ مو..... رد مو كاعده احجي وياك
عابس ـ لج ساره منو لج اني ما ابدلج بأي وحده
ـ اي طبعاً ما تقتنع بوحده تريد مية وحده
متنه ضحك على حجيها يالي يشوف وضعها يكول هاي بس تريد ترجع لصحتها راس مشدود و ايد مجبسه
بس هيه غير حتى بهاي حالتها تغار على عابس
جنت واكفه يم راسها و اضحك كالت ـ لج يسار ام مصايب وينج
جاوبت و اني اضحك على حجيها ـ هنا اني يمج شكو
ـ لج تالي عمرج تضمين عليه سر ها ولج او مو ايه سر طلعتي تعرفين
بسرعه خليت ايدي على حلكها اريد تسكت بس هيه بقت تحجي بس حجيها ما مفهوم عابس وخر ايدي من حلكها
ـ لج غبيه شلون تخلين ايدج على حلكها
كتله ـ غير زوجتك راح تنشر كل اسراري على شرقيه و دجله و باقي القنوات دسكتها
كال بضحك ـ دمشي ام اسرار على اساس شلون اسرار عندج
حجت أريج ـ باباي يغارون مني مو
أنت تقرأ
مفاتيح القدر (اسرار دفنت خلف الأبواب)
Ficção Geralجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)
