I'm In Love With Ms. Author (GirlxGirl) COMPLETED

Chapter 19

Blake POV

"Hmmm..." Hindi ko mapigilan ang mapa ungol nang magising ako dahil sa sakit ng aking ulo. Pati na rin ang panghihilo na nararamdaman.

Sandali na muli kong ipinikit ang aking mga mata dahil pakiramdam ko, umiikot pa rin ang paningin ko.

Napahinga ako ng malalim at dismayado na dahan-dahang napabangon mula sa aking pagkakahiga. Kunot noo na napatingin ako sa bedside table bago kinuha ang baso na mayroong lamang tubig at ininom ito.

Pakiramdam ko uhaw na uhaw ako at ilang araw na hindi nakainom ng tubig.

Sandaling pinakiramdaman ko pa ang aking sarili bago tumayo na at pumunta sa may terrace ng aking kuwarto para makalanghap ng hangin.

Naupo ako sa upuan na gawa sa kahoy bago tahimik na pinagmasdan lamang ang tahimik na kapaligiran, kung saan may mayayabong na punong kahoy ang matatanaw mula rito sa aking kinauupuan.

Napalunok ako ng mariin bago napayuko noong maramdaman ang mainit na likido na lumabas mula sa aking ilong. Mabilis ko iyong pinunasan gamit ang aking palad atsaka dahan-dahan na napatingla.

Oh, I hate my life.

Napapailing na muling ipinikit ko ang aking mga mata kasabay ng pag-ihip ng preskong hangin. Sa tingin ko ay nasa alas dose na ngayon ng tanghali. May naamoy kasi akong tinola ng manok mula sa kapitbahay eh. Nakakagutom.

Noon naramdaman kong kumalam ang aking sikmura. Ngunit mabilis na muling napamulat ang aking mga mata dahil sa para bang naririnig ko sa paligid ang boses ni Tala.

Yes, si Tala na naman.

Hindi ko mapigilan ang mapatawa ng mapakla sa pag-aakalang totoo ang naririnig ko ngayon. Sana nga, totoo na lang. But no, because she chose to leave me.

Hanggang sa may marinig akong mga yabag ng mga paa patungo sa aking kuwarto at mabilis na binuksan ang pintuan.

Awtomatikong napalingon ako rito at agad na bumungad sa akin ang magandang mukha ng babaeng hindi ko inaakalang makikita ko pang muli sa harapan ko ngayon. Hindi maitago ang gulat sa aking mga mata nang muling masilayan ang kanyang magandang mukha.

Sinubukan kong mapakurap ng maraming beses ngunit nananatili pa rin siyang nakatayo sa aking harapan. Hindi ko na naman tuloy mapigilan ang hindi maguluhan, lalo na ngayon.

My heart is pounding so hard this time na tila ba gusto na naman nitong lumabas mula sa aking dibdib.

Pero imposibleng babalik pa siya sa lugar na ito, gayong pinili na niyang umalis nang walang paalam. I mean, malaya naman talaga siyang gumawa ng desisyon para sa sarili niya. Right?

Napatawa akong muli. Pati ba naman sa pagkakataon na ganito paglalaruan ako? Alam kong nananaginip lang ako. Pero sana nga nananaginip na lang ako para naman makasama ko siyang muli ng ganito.

Gosh! I miss her so much! But this isn't real. I know.

Kaya naman mabilis ko siyang tinalikuran at muling ibinalik ang atensyon sa mga nagbeberdihang punong kahoy sa aking harapan.

"Do you think you're just dreaming?" Rinig kong tanong nito sa akin. Pagkatapos ay muli kong narinig ang kanyang mga hakbang na papalapit sa akin, hanggang sa tuluyang huminto ito sa aking harapan dahilan para matakpan ng kanyang magandang mukha ang mga punong kahoy na aking tinitignan.

Hindi ko mapigilan ang mapasinghap nang salubungin kong muli ang kanyang mga mata bago kami kapwa napalunok ng mariin.

"Well, you're not dreaming Blake. I-I really came back for you." Halos pabulong nang sabi nito sa akin habang nakatingin lamang ng diretso sa aking mga mata.