غيوم

بحبك

غيوم
الجزء الثامن والعشرون

فتح كريم باب الشقه

-ايه ده مروه !
*وسع يا عم دخلنى
-دخل كريم ومروه وجلسوا .. ايه يا ريرى مش كنتى قولتى ارتبطى ومبتروحيش عند حد
*انت هتتريق ؟ .. عاوزه اتكلم مع حد قرفانه
-مالك يا برنسيسه
*انت عرفت ان احمد رجع تانى وشركاته اشتغلت
-احمد مين
*احمد مهران يا كريم
-يا دى النيله مش هنخلص من موضوع احمد ده
*يا كريم انت مش فاهم انا محبتش فى الدنيا اده
-بقولك ايه يا مروه احنا مش ناقصين مصايب بصراحه .. انتى عارفه احمد ده لو عرف الى عملناه فى البت الى اسمها نرمين ممكن يعمل فينا ايه
*واحنا مالنا هو احنا الى كنا سايقين مكانها
-يا مروه احنا مش عارفين البت انتحرت ولا ايه نظامها بعد الى عملناه
*يا عم بردو احنا مالنا
-متدخليناش فى مشاكل ووجع دماغ
*مش قادره مفكرش فيه وانا عارفه مكانه
-ايوه الى هو عاوزه ايه يعنى .. انتى فكراه ممكن يرجعك
*معتقدش يا كريم .. بس بفكر بأى طريقه اقرب منه تانى
-مروه مش وقته خالص الكلام ده
*ماشى .. انت عملت ايه مع حنان والى اسمه حسن ده
-اتفقت معاه بس طبعا اجلت معاه شويه لما يخلص ولادها الامتحانات
*مش عارفه ليه انا قلقانه من البت حنان دى وحتى مى مش مرتحالها
-هو انتى ناويه على ايه
*انا عاوزه الواد مروان ده يبقى تحت سيطرتنا
-ده الى هو ازاى
* ما انا قولتلك قبل كده على فكرة البوده دى
-وهنستفاد ايه لما الواد يبقى مدمن وابوه اصلاً الى مسيطر على كل حاجه ده كمان لو عرف معرفش ممكن يعمل فينا ايه
*وقتها هنشوف هنعمل ايه المهم الواد يشتغل مع ابوه وتبقى تحت ايده الفلوس
-وايه الى هيخليه يشتغل مع ابوه
*الحب يا كريم .. تعلقه بمريم هيخليه يشتغل عشان يثبتلها نجاحه .. مش عاوزين نسبق الاحداث نسيطر بس على مروان الاول وبعدين نشوف موضوع سعد ده .. وبعدين احنا لحد دلوقت مستفدناش حاجه من البنات مش هنفضل طول عمرنا مع حسن ده
-ماشى هحاول اشوف غيره
*وبعدين البنات دى لازم نسيطر عليهم اكتر من كده
-انتى مش عاجبك الفديوهات الى انتى مسجلاها ليهم
*حاسه انها مش كفايه يا كريم .. وبعدين انا مش متأكده البت مريم دى بتعمل الى قولتلها عليه مع مروان ولا لا
-ودى هنتأكد منها ازاى
*لازم تراقبها يا كريم وهى بتقابله
-ماشى اراقبها سهله
*بقولك ايه انا هنزل بقى
-لا تنزلى فين تعالى بس هنريح شويه
-*مش وقته يا كريم الكلام ده
-تعالى بس
*******************************
*ومكنش فى حاجه تتعمل تانى غير انى اجى لحضرتك يمكن الافى حل
-وانتى ليه كنتى مطمنه ليها فى الاول كده يا حنان
*لأنى اعتبرتها صديقه ليه .. وبعدين مش بتبين الجزء الشيطانى بتاعها الا لما بتحس انها قدرت تتمكن من الشخص ووقع فى شباكها
-وليه محاولتيش تتصدى لسيطرتها دى ؟
*زى ما قولت لحضرتك تهديدها هو الى مخوفنى .. صور زى دى لو راحت لإبنى هتدمره وهتدمر حياتى
-مفهوم .. وطبعا نفس الكلام مع البنات التانيه
*اه طبعا .. يمكن الموضوغ اصعب عليهم كمان لأنهم سنهم صغير
-وليه جيتى ليه ومتوقعه انى هقدر اساعدك
*مروه مبتحبش حد غير نفسها .. بس انت الشخص الوحيد الى بتخاف منه وبتحبه .. وحسيت ان ممكن تساعدنا لانها كانت حكيتلى انك سيبتها عشان افعالها .. فحضرتك عارفها كويس
-مروه اتسببت فى اذى لأقرب الناس ليه
*وده يخليك تساعدنا اكتر
-هساعدكوا اكيد بس هنحتاج شوية وقت ونتعامل بحكمه
*تمام .. بس عاوزه اقول لحضرتك ان الوقت مش فى صالحنا اوى .. انا مطلوب منى زى ما قولتلك ادخل فى علاقه مع واحد عشان هيدفع فلوس .. وفاطمه عملوا فيها كده فعلاً .. ومى مطلوب منها تأذى مروان وتحطله بودره لحد ما توصله للإدمان واكيد هتتأكد بعد كده انها نفذت
-طيب انا عاوزك تجيبى البنات دى اشوفهم .. تقدرى تعملى كده
*اه اقدر
-كويس جدا حاولى بكره يكونوا موجودين
*حاضر
-خدى ده رقم تليفونى متعمليش اى حاجه من غير ما ترجعيلى
*حاضر يا مستر احمد
-تقدرى تتفضلى
*عن اذنك