غيوم

بين أحضانه

غيوم
الجزء الرابع والعشرون
بين احضانه

كده، كده يا قلبي يا حتة مني يا كل حاجة حلوة فيّ
كده، كده هتمشي وتسبني وحدي في الحياة والدنيا ديّ
كده، كده يا قلبي يا حتة مني يا كل حاجة حلوة فيّ
كده، كده هتمشي وتسبني وحدي في الحياة والدنيا ديّ
يعني إيه يعني خلاص أنا مش هشوفك ثاني
مش هلمسك مش هحكي ليك عن حاجة تعباني
يعني، يعني خلاص أنا مش هشوفك ثاني
مش هلمسك مش هحكي ليك عن حاجة تعباني
كنت روحي لما كان جوايا روح
عمري ما إتخيلت إنك يوم تروح
كنت روحي لما كان جوايا روح
عمري ما إتخيلت إنك يوم تروح
مش فاضلي مني غير حبة جروح
مع السلامة يا حبيبي وفي أمان
عمري ما هقول يوم عليك ماضي وكان
عمري ما أنسى مهما طال بيّ الزمان، آه🎶🎶🎶

اغلق احمد المذكرات وهو يبكى بحرقه .. يبكى كالطفل الذى فارق امه .. فما حيلة الحزين غير البكاء .. انفجر احمد فى البكاء فقد حبس دموعه بين جدران الالم كثيرا وما ان رأت الحريه حتى انطلقت
كان يبكى لانه لم يعبر لها يوما عن حبه ، لو انها تسمع لو انها تعرف

كان سيقول كما قال نزار
. لم يحدث أبداً
أن أوصلني حب امرأة حتى الشنق
لم أعرف قبلك واحدة
.. غلبتني ، أخذت أسلحتي
.. هزمتني .. داخل مملكتي
.. نزعت عن وجهي أقنعتي
لم يحدث أبدا ، سيدتي
أن ذقت النار ، وذقت الحرق

او يخبرها ما قاله فاروق جويده

لو أستطيع حبيبتي لنثرت شيئا
من عبيرك بين أنياب الزمان
فلعله يوما يفيق
ويمنح الناس الأمان
لو أستطيع حبيبتي
لجعلت من عينيك صبحا
في غدير من حنان
ونسجت أفراح الحياة حديقة
لا يدرك الإنسان شطآن لها
وجعلت أصنام الوجود معابدا
ينساب شوق الناس إيمانا بها

استفاق احمد على صوت طرق على الباب .. فعدل من نفسه  وذهب وفتح الباب .. ليجد سلمى امامه

*صباح الخير
-اهلاً صباح الخير ادخلى
*دخلت سلمى خلفه .. ايه مالك
-انا اعطاها احمد المذكرات خدى اقرأى ده

جلست وقرأت امامه حتى انتهت وهى فى ذهول
*ايه ده هو فى كده .. فى ناس بالشكل ده  .. ناس ايه بقى دول شياطين
-انا مش هسيب حقها حتى لو من شيطان مش هرتاح الا لما احرقه
*نعرف انى بحسد نرمين
-بتحسديها ليه
*قادره تكون موجوده حتى وهى غايبه .. قادره تكون البطله حتى وهى مش فى المشهد
-انتى بتحسدى ضحيه وانا المسئول
*انت المسئول عن ايه
-عن موتها
*وانت ذنبك ايه
-لو معرفتنيش مكنتش ماتت
*بالعكس انت كنت السعاده بحياتها انت كنت الحاجه الحلوه
-وكنت السبب فى موتها
*لا ابداً مروه السبب فى موتها
-مروه لازم تنتهى
*عندك حق .. بس عشان تعمل كده لازم تقف على رجلك الاول لازم ترجع للحياه من جديد
-هرجع وهكون اقوى من الاول ومش هرحم حد
*انا كنت جايه عشان اقولك انى خلاص .. شغلى خلص هنا وانى هرجع القاهره .. بس متهيقلى انك انت كمان المفروض ترجع
-استنى هنسافر سوا