غيوم
الجزء السابغ والعشرون
ألف ليله وليله
كانت حنان فى طريق العوده الى القاهره وهى تفكر فيما تفعله مروه وما يفعله كريم .. بالنسبه لها سقط قناع كريم تماما .. فقد زالت عنها الكثير من الغيوم واشرقت الشمس .. فكريم لم يكن ذلك الماستر الذى تحلم به تماما .. بل وضح ان صفاته السيئه اكثر بكثير من مميزاته فهو تابع لمروه وليس المشكله فقط هى صفاته الشريره بل هو تابع لمروه حرفيا فهى من تقود الاحداث كذلك يمكنه ان يضحى بما يملك بسهوله .. وايضاً كيف لشخص ان يكون فى علاقه مع انثى ويعطيها لغيره ولو بدافع المصلحه او المال .
كانت حنان تفكر انها اضعف بكثير من مروه وكريم وتهديداتهم والمشكله الاكبر ان تهديدهم موجه الا ابنها .. وان حال تنفيذهم لتهديداتهم لن تكون الصدمه لها فقط بل ستكون الصدمه الاكبر له وسيؤثر ذلك على مستقبله وقد يتدمر تماما .
وكانت تفكر حنان انها لا يجب ان تقف مكتوفة الايدى امام الظلم الذى تتعرض له مى وفاطمه فهما لازالا فى ريعان شبابهم .. لكنها وحدها او حتى معهم اضعف بكثير من مروه وكريم لذلك يجب ان تلجأ لمن يساعدهم .
عادت حنان الى بيتها لتجد ايهاب جالس يذاكر كانت الساعه التاسعه صباحا .
-صباح الخير يا ايهاب
*صباح الخير يا امى .. حمد الله بالسلامه
-الله يسلمك يا حبيبى .. صاحى من بدرى يعنى
*انا صاحى من الساعه 7 بذاكر
-الله ينور عليك .. شد حيلك فاضل كام يوم على الامتحانات
*ربنا يسهل .. شكلك مش مبسوطه من السفر الى كنتى فيه
-ليه بتقول كده
*مش عارف باين عليكى
-لا ده ارهاق السفر بس
*الموضوع مش النهارده بس انتى بقالك فتره متغيره يا أمى
-هو بس فى حاجه شغلانى بس اليومين دول يا ايهاب .. بس متقلقش يعنى مش حاجه صعبه
*اتمنى ميكونش فى مشكله ولو فيه حاجه انا كبرت واقدر اسمعك وافهمك يا امى
-اخذته حنان فى حضنها .. انا متأكده من كده يا حبيبى .. بكره بس هعمل مشوار والدنيا هتبقى تمام
.. هو اخوك فين
*نايم يا امى
-طيب انا هدخل اوضتى اريح شويه من السفر
*طيب يا امى
دخلت حنان غرفتها وامسكت الهاتف واتصلت ب مى
-الو صباح الخير يا مى
•صباح الخير يا حنان
-عامله ايه دلوقت
•روحت وبقيت احسن كتير
-وعملتى ايه مع مروه
•مفيش ادتنى البودره الى طلبت منى احطها لمروان
-وعملتى ايه
•اخدته منها زى ما قولتيلى
-تمام اتخلصى من البودره دى
•حاضر هرميها فى الحمام دلوقت
-هتقابلى مروان امتى
•احتمال اقابله النهارده
-طيب تخلصى مقابله معاه وتكلمينى قبل ما تكلمى مروه
•حاضر
-اوعى متكلمنيش الاول يا مى لازم تكلمينى عشان اقولك هتقوليلها ايه
•حاضر حاضر هكلمك الاول
*********************************
-صباح الخير يا أستاذ محمد
*اهلاً يا سلمى اتفضلى اقعدى
-غريبه انك طلبت تقابلنى مع انك اخر مره كنت مضايق منى واديتنى اجازه
*يعنى انتى مش عارفه انا عاوزك فى ايه يا سلمى
-لا هعرف منين
*اه .. طيب انا عاوزك تعرضى البرنامج
-استاذ محمد .. انا مش هينفع اعرض البرنامج واطلع اقول الى انت عاوزه
*ومين قال انك هتقولى الى انا عاوزه .. انتى هتقولى الى انتى عوزاه
-غريبه .. ايه التحول المفاجئ ده
*ايه يا سلمى انتى مش عارفه ليه التحول المفاجئ ده
-فيه ايه يا استاذ محمد .. هعرف منين يعنى انت عمال تلمح بكلام مش فهماه
*ماشى يا سلمى .. واصح ان فى حد ضغط على صاحب القناه عشان تطلعى تقولى الى انتى عوزاه
-ده مين الحد ده .. بس اياً كان واضح انه حد محترم ومؤمن بحرية التعبير
*او حد مختل مؤمن بفكره مختله
-والله المختل الى المفروض يدافع عن حرية التعبير وهو نفسه الى يقمعها
*انتى الى فهمك على ادك
-استاذ محمد انا مسمحلكش
*افهمى .. حرية تعبير ايه الى بندافع عنها دى مجرد شعارات ..احنا عبيد
-عبيد !
*اه طبعا احنا عبيد لأصحاب الاموال والاعلانات وكمان للدوله وحكومتها والرأى العام الى مننفعش نخالفه
-على الاقل نحاول ندافع عن حرية التعبير على اد ما نفدر ولو الرأى العام غلط نحاول نغيره ونفهم الناس
*ومالوا حاولى
-وبعدين الى اعرفه ان الراجل مينفعش ينقل الكلام ويتدخل فى حياة الناس
*انتى بتقولى ايه انتى
-لا عادى كلمتين حبيت اقولهم
*عموماً الاسبوع الجاى هيكون البرنامج جهزى نفسك
-تمام
أنت تقرأ
غيوم
Fiksi Umumقصة سادية الغيوم تجعلك غير قادر على الرؤيه بشكل سليم فهى تمنع نور الشمس من أن يسطع ويملأ الارض لكن عاجلاً أو آجلاً سيسطع نور الشمس جديد
