غيوم

التحدى

غيوم
الجزء العاشر
التحدى

فتح احمد الباب لتجد سلمى امامها رجل فى الاربعين من عمره ذو ملامح تتسم بالوسامة يرتدى شورت فقط ويقف امامها عارى الصدر

*مساء الخير انا سلمى امام
-اهلا مين حضرتك
*هو ممكن تلبس حاجه على جسمك ! دى مش طريقه تفتح بيها الباب
-البس حاجه ! انتى مين انتى
*ما انا قولتلك انا سلمى امام
-ايوه يعنى ايه سلمى امام يعنى اعمل ايه انا .. عاوزه ايه بالظبط
*مهو المفروض حضرتك تلبس حاجه وتدخلنى الاول وهقولك عاوزه ايه
-هو ايه موضوع إلبس حاجه إلبس حاجه هو احنا فى مدرسه ؟ وبعدين اتفضلى ادخلى لمًا نشوف اخرتها
*دخلت سلمى حتى وصلت الى الاريكه وجلست عليها
-اما احمد فقد امسك تيشرت وقام بإرتدائه واشعل سيجاره وهو ينظر اليها .. نعم انتى مين وعاوزه ايه
*انا ملاحظه انك عدائى فى الكلام
-مش عدائى بس مستغرب ومش عارف انتى مين وعاوزه ايه
*انا سلمى امام اعلاميه وصحفيه
-اعلاميه ؟! وعاوزه ايه
*عاوزه اعمل حوار معاك عن حياتك وعن موضوع الساديه
-انتى اعلاميه وبتعملى تحقيقات وبتكتبى مقالات وكده
*اها
-غريبه
*ايه الى غريب بالظبط
-اصلك لمًا قولتى اعلاميه افتكرتك اعلاميه فى قناة اطفال .. فكرتينى بماما نجوى وبقلظ والجو ده
*انت بتتريق ؟ عموما هو ده متوقع من شخص سادى يعنى
-وانتى جايه لوحدك كده لشخص سادى .. مش خايفه احبسك هنا وألسوعك بالكرباج
*بلعت سلمى ريقها وهى تقول .. انا مبنضربش ولو الى عرفتهم بينضربوا فأنا لا
*ههههههه طيب يا أستاذه سلمى بما انك اعلاميه وصحفيه والكلام الحلو ده مش المفروض قبل ما تروحى لحد تتصلى تاخدى معاد وتشوفى هيقبل يعمل الحوار ولا لا ووقته يسمح ولا لا
*والله انت مختفى ومعرفتش اوصل لرقمك معرفتش غير عنوانك
-دى مشكلتك مش مشكلتى وواضح انك شايفه نفسك صحفيه شاطره يبقى المفروض تعرفى توصلى للمعلومات الى عاوزه توصليلها .. شرفتى يا أستاذه .. هستنى منك تليفون تستأذنينى فى الحوار ووقتها هقولك رأى موافق ولا لا
*قامت سلمى بإنفعال وتقدمت نحو الباب
-استنى
*توقفت سلمى
-اعطاها احمد كارت .. رقم تليفونى مكتوب هنا عشان مش هتعرفى توصليله .. نورتى
*انت وقح .
-هههههههه
*خرجت سلمى واغلقت الباب خلفها وهى فى قمة الانفعال ووقفت فى الطريق وامسكت هاتفها واتصلت بمحمد مخفوظ

*الو ايوه يا استاذ محمد
•ايوه يا سلمى صباح الخير
*بقولك ايه يا استاذ محمد انا مش هعمل تحقيق عن الكلب ده .. ده انسان وقح وبيتكلم معايا كأنى شغاله عند اهله
•اهدى يا سلمى فى ايه
*البيه بيعلمنى الادب وبيقولوا كان المفروض تتصلى تاخدى معاد ويعتبر طردنى
•وانتى كنتى منتظره يفرشلك الارض ورد .. اهدى يا سلمى المفروض ان ده المتوقع منه وده العادى .. وبعدين انتى المفروض اعلاميه وعارفه مصاعب المهنه بتاعتنا .. انتى رايحه ليه يا سلمى
*عشان اعمل تحقيق واعمل معاه حوار
•يبقى عشان النجاح انك تعرفى تعملى ده رغم الصعوبات الى هتقابلك .. حاولى تلاقى رقمه وانا هحاول انا كمان اجيبلك رقمه
*هو ادانى رقمه على وقالى ابقى اتصلى اطلبى معاد وانا هقولك هوافق ولا لا
•طيب ده عظيم جدا انتى طالعه من اللقاء كسبانه حاجه اهو .. ارجعى الفندق بتاعك استرخى وبعدين ما ترتاحى اتصلى بيه .. سلمى انا عاوز تحقيق محترم
*حاضر يا استاذ محمد حاضر .. اغلقت سلمى الهاتف واشارت لسياره اجرى وركبتها