غيوم

مفاجأه

غيوم
الجزء الواحد والعشرون
مفاجأه

مذكرات نرمين
فلاش باك

تمت خطبتى على ماستر احمد .. كان ذلك اقصى من كل تخيلاتى فبرغم حبى له الشديد لم اتصور ان يرتبطت بى فى يوم من الايام بالتأكيد تمنيت ولكن كان يكفينى ان أكون بجواره .. لو حاولت ان اعبر عن مقدار سعادتى بالكتابه لن استطيع .
حضر احمد وجلس مع اعمامى وقد كلمهم والده فى الهاتف لأنه لم يكن متواجد فى مصر فقد كان فى الخارج يتابع علاجه .. فهو مريض منذ فتره ويعانى من اللوكيميا وعادةً ما يسافر فى الخارج ليكمل علاجه فهو قد ترك شركاته لأحمد لإدارتها منذ وقت طويل .
اعجب اعمامى بأحمد جدا فهو عريس لا يمكن رفضه .. تمت خطبتى لأحمد فى افخم الاماكن وحضر الفرح اهلى واهله وبعض الشخصيات العامه ورجال الاعمال كان يوم لا يوصف .. اشترى سيدى لى فستان خطوبه جعلنى فى ابهى صوره فقد كنت اشبه بأميره من أميرات ديزنى وقد كان هو اشبه بأبطالها الخارقين فى نظرى
كان اشبه بالسندباد الذى يأخذ حبيبته فى رحلاته البحريه .. او علاء الدين الذى يأخذ ياسمين على بساطه السحرى
للمره الاولى اشعر ان القدر قد اختارنى ليعوضنى عن اى حزن قد مررت به فى حياتى .. اعلم جيداً ان سيدى تمنته الكثير من الفتيات غيرى ومن هم اجمل منى وافضل بالتأكيد فهو يستحق الافضل .. كم انا محظوظه

لمعت عين احمد وهو يقرأ ما كتبته نرمين فهو لم يصل الى هذا الحد من المذكرات من قبل .. كانت فى عينه نظرة حنين وهو يقرأ ما كتبت نرمين عنه وكيف وصفته وكيف كان بالنسبه لها فهى كانت تراه بطلها الاسطورى، بطلها الخارق لقد كان لها كل شئ

عاد احمد ليقرأ المذكرات من جديد
المذكرات فلاش باك

فى اليوم التالى انهالت على المكالمات للتهنئه بتمام الخطبه ومن بين تلك المكالمات جائنى اتصال

-ألو صباح الخير
*صباح النور
-مبروك يا نرمين
*الله يبارك فيكى  ..!
-طبعاً انتى مش عرفانى
*بصراحه لا الاسم مش متسجل عندى
-اه ما هو طبيعى .. بس اعتقد انك تعرفينى شكلاً .. على العموم انا مروه
*مين مروه  ؟
-انا الى جيت فى يوم الشركه وكنت مصممه انى اقابل سيدك
*سيدى..؟
-اه اكيد انا فاهمه شكل العلاقه
*عموما انا اعتقد انى افتكرتك
-انا كنت سليف لسيدك وكان بينا قصة حب كبيره او انا الى حبيته
*اه تمام .. وانتى عاوزه ايه دلوقتى
-شكلك اتضايقتى .. انا مقصدش اضايقك
*لا متضايقتش بس مش فاهمه انتى عاوزه ايه
-ولا حاجه يا نرمين .. على فكره انا اتمنى سعادة احمد
وواضح انك تستاهليه .. انا فرحانه ليه وليكى
*شكرا .. عموما كل شئ قسمه ونصيب وربنا يرزقك بالشخص الى يقدر يسعدك
-تسلمى يا نرمين واضح انك شخصيه محترمه
*شكراً ربنا يخليكى
-هو انا ممكن اطلب منك طلب
*اه اكيد اتفضلى يا مروه
-ممكن نكون اصدقاء
*اه طبعا مفيش مشكله خالص

الحاضر
اغلق احمد مذكرات نرمين وهو فى حاله من الذهول فهذه المره الاولى التى يعلم فيها ان نرمين كانت تعرف مروه ..