غيوم

عودة جديدة

غيوم
الجزء السادس والعشرون
عوده جديده

-اركبى يا سلمى
*طيب ممكن تفتح الشنطه عشان معايا شنطتى
-تمام فتحتها
*ركبت سلمى .. مساء الخير
-تحرك احمد بالسياره .. مساء النور يا سلمى
*انا اسفه جدا انى خليتك تيجى دلوقت بس بجد مكنتش عارفه اعمل ايه وملقتش غيرك اكلمه
-اسفه على ايه بلاش هبل .. وبعدين فى ايه
*محمود فجأه قرر ياخد الشقه ومكنتش متوقعه الموضوع ده فمكنتش عامله حسابى
-محمود مين
*طليقى هو كان سايبلى الشقه بس رجع فى كلامه
-وايه الى خلاه يعمل كده
*هو الحوار كبير شويه
-طيب لما نوصل احكيلى
*انا والله كنت هروح فندق بس خفت من الصحافه بقى .. وكمان اخويا عايش فى امريكا .. انا مش عاوزه اكتر من يومين وهشترى شقه
-ما قولت بلاش هبل
*حاضر

وصل احمد مع سلمى الى الڤيلا الخاص به

-ازيك يا عم رضوان
•ازيك يا أحمد بيه
-استاذه سلمى هتقعد عندنا يومين كده
•تنور يا احمد بيه

فتح عم رضوان البوابه ودخل احمد الى الفيلا

تعالى اتفضلى
دخل احمد وسلمى الى الڤيلا

فى الاسفل كانت غرفة استقبال وكان بها غرفة معيشه بأساس جلدى بنى اللون وطولات جانبيه مع طاوله فى المنتصف وديكورات بسيطه على الجدران

وايضا كان هناك سفره مميزه ومطبخ امريكانى واسع وكبير متصل مع السفره يفصلهم بار المطبخ اما الزجاج فكان فى كل مكان يجعل الفيلا تطل من ناحيه على الحديقه والناحيه الاخرى حمام السباحه

-تعالى معايا اوريكى غرفتك
*حاضر .. صعدت سلمى مع احمد الى الاعلى لتجد عرفة معيشه مشابهه للغرفه فى الاسفه .. ثم ممر به العديد من الغرف
تقدم احمد وخلفه سلمى حتى وصلوا الى احد الغرف وفتحها
-دى غرفتك
*نظرت سلمى الى الغرفه التى كانت انيقه للغايه تحمل سرير مزدوج مع وحدات اضاءه خفيه وارضيه باركيه وسجاده من الفرو الناعم وستائر قماش وشيفون .. جميله اوى
-هسيبك تغيرى هدومك وهستناكى تحت فى التراس .. عدى بقى على المطبخ واعمليلنا فنجانين قهوه وتعالى عشان تحكيلى
*حاضر
تركها احمد وخرج وضعت شنطتها على الارض وجلست على طرف السرير تلعن محمود الذى وضعها فى هذا الموقف المحرج ولكنها رغم ذلك كانت تشعر ببعض السعاده .. فوجودها  فى بيت احمد جعلها تشعر بالسعاده بل ان وجود احمد معها فى اى مكان يجعلها تشعر بالدفئ والسعاده فقد جعلها احمد تشعر بأحاسيس لم تشعر بها قبله .. جعلها تشعر بالنشوه والإثاره واهم من ذلك جعلها تشعر بالحب
غيرت سلمى ملابسها ونزلت لتصنع القهوه كما طلب احمد.

-اطلق احمد دخان سيجارته فى الهواء واخذ اخر رشفه من قهوته .. يعنى المدير بتاعك هو الى عرف طليقك عن موضوع سفرك وعلاقتك بيا
*ما هو مفيش حد يعرف حاجه زى دى غيره وبعدين كلام محمود معناه انهم اتكلموا مع بعض
-عندك حق .. بس ازاى واحد زى ده يمنعك انك تقولى الى انتى عوزاه ويمنعك من التعبير عنه
*ناس كتير بتدعى انها بتدافع عن حرية التعبير لغاية ما الاراء بتتصدم معاهم هنا بتختفى حرية التعبير
-عندك حق .. بس واضح ان رأيك اتغير كتير
*انت السبب .. من وقت لما عرفت حضرتك وحاجات كتير اتغيرت .. ارائى واحاسيسى .. كلامك وشرحك وطريقتك
-وانتى ناويه تقولي ايه
*اكيد مش هقول غير الى مقتنعه بيه محدش هيفرض عليا رأيه
-براڤو .. بيعجبنى فيكى ان عندك شخصيه
*غريبه مع انى ديما كنت بعتقد ان الراجل بيحب الست عديمة الشخصيه .. ومع الميول دى اعتقدت ان الى عنده الميول دى هيحب عديمة الشخصيه اكتر
-الميول ملهاش علاقه بالشخصيه اصلا .. وبعدين معتقدش ان فى شخص عاقل هيحب عديمة الشخصيه اه هتبقى اسهل فى السيطره عليها فى البدايه بس مع الوقت هيزهق منها .. انا شايف ان العكس هو الاصح ديما الفارس يحب الفرس الى صعب السيطره عليها ويحب يروضه لحد ما يبقى محدش يعرف يركبه غيره
*كلامك مقنع
-طيب معلش بقى انا لسه مجبتش خدامه للبيت فأنتى هتتعبى معانا شويه بقى اعتبرى البيت بتاعك يعنى
*عارف لو من شهرين كنت هعتبر الكلام ده اهانه .. لكن انا خلاص عرفتك كويس .. وكمان معنديش اى مشكله اخدمك